sewwa mal-Maltin speċjalment kemm damet  torganizza  l-Miss  Melita  EaglesPageant li tant kienet idaħħal flus għat- tim tal-Maltin ta’ Sydney. Ikkonsagraw iż-żwieġ tagħhom fil-knisja ta’ Surry Hills u kellhom erbat itfal, nanniet ta’ disa’ u bużnanniet ta’ seba’.
 
Bdew kumpanija bl-isem ta’ Strathfield Services u mix-xejn bnew din il- kumpanija f’waħda li rnexxielha tirbaħ ħafna kuntratti speċjalment it-twaqqigħ ta’ bini li kien hemm bżonn biex tikber l- Università ta’ Sydney fin-naħat ta’ Broadway, liema kuntratti servew għal madwar 20 sena.
 
Ix-xogħol iġib il-ġid u Charles u Mary xtraw dar enormi u lussusa fl-aqwa ta’ Strathfield, subborg affluwenti. Id-dar tagħhom saret attrazzjoni għal ħafna riċevimenti memorabbli għall-komunità Maltija fost dawk l-iktar miftakra kienet meta  attendiet id-delegazzjoni Ċiniżi tat-

Għadu kemm ġie f’idejja ktieb ġdid riżultat ta’ riċerka dettaljata mill-ġurnalista veteran Richard Mifsud. Ktieb li qiegħed nirrakkomanda lill-qarrejja ta’ din is-sit.
 
L-awtur, Richard Mifsud, jirrakkonta l-istorja ta’ nkwiet u tbatija li minnha għaddew is-suldati Maltin f’dan il-ktieb ġdid (bl-Ingliż) bit-titlu “Napoleon’s Maltese Legion”. Huwa jirrakkonta wkoll l- istorja u d-destin ta’ madwar 40 suldati oħra Maltin li kienu parti mill-gwarniġjon Franċiż f’Għawdex u spiċċaw fi Franza meta l-Franċiżi f’Għawdex ċedew. Fi Franza kien inħoloq id- “Depot de la Legion Maltaise”.
 
Wara li rebaħ Malta, il-Ġeneral Napuljun Bonaparti mar jinvadi l-Eġittu. Minn Malta ħa miegħu xi 400 suldati Maltin li kienu parti mill-forzi tal-Kavallieri. Fl-Eġittu, Napuljun organizza dawn is-suldati fil-Legion Maltaise (il-Leġjun Maltin).
 
Fil-ktieb hemm ippubblikata għall-ewwel darba pittura ‘ex voto’ ppreżentata minn eks-suldat tal-Leġjun lis-Santwarju tal- Madonna fil-Mellieħa. Is-Surġent Michele Tabuni, fid-dedika qal li: “konna xi 100 suldati Maltin u Franċiżi u ġejna attakkati minn mijiet ta’ Arab. Salvjana bl-interċessjoni tal-Madonna”. Din il-pittura hija waħda mill-ftit fdalijiet konkreti ta’ dak il- perjodu.
 
L-awtur jippubblika wkoll dokumenti relevanti mas-suldati tal- Leġjun fi Franza, fosthom il-lista tas-suldati u ittra fejn il-fizzjali Maltin ipprotestaw kontra l-pjan li l-Leġjun Maltin jiġi inkorporat fil-Leġjun Taljan (Legion Italique).
 
Il-ktieb Napoleon’s Maltese Legion għadu kif ġie ppubblikat minn KoPri koperattiva ltd bħala l-ewwel minn sensiela ta’ studji dwar l-istorja. KoPri koperattiva ltd kienet twaqqfet biex tipprovdi taħriġ fid-desktop publishing, ġurnaliżmu u kitba editorjali lill-membri tagħha u ta’ NGOs. Issa qegħda tniedi l- Proġett Storja u hemm ippjanati kotba oħra.
 
Irnexxili nitkellem ma’ Richard Mifsud li nafu sewwa u mill-qrib bħala ġurnalista veteran li ħadem ma’ l-Union Press għal 40 sena sħaħ. Dejjem kien jinteressa ruħu fl-istorja politika, soċjali u militari ta’ pajjiżna. Kien ko-awtur wkoll flimkien ma’ ġurnalista ieħor ħabib tagħna, il-mibki Fredrick Muscat bil-ktieb “The Dollar Dominos” dwar l-Ewropa immedjatament wara l- aħħar gwerra. Kiteb ukoll ktieb ieħor bl-isem ta’ “Flames over Malta”  dwar  l-inċident mhux tant magħruf tal-Heikel Seaplane