L-iskola tal-Malti li jmexxi l-Maltese Community Council ta’ NSW kompliet fit-triq ta’ progress u jidher li iktar ma jgħaddi ż- żmien iktar qed issir popolari. Fil-preżent hemm 50 student fit- tlett lokalitajiet fejn isir it-tagħlim, numru sostanzjali meta diġà jinsabu fit-tielet term.

Hemm b’kollox ħames klassijiet fi tlett skejjel differenti jiġifieri f’Horsley Park fejn il-klassijiet tal-Malti ilhom hemm għal dawn l-aħħar 11-il sena, u f’Seven Hills fejn isiru l-klassijiet ta’ filgħaxija. Is-sena l-oħra sar avvanz qawwi biex għall-futur ikun hemm iktar studenti biex ikomplu l-istudji tagħhom fil-lingwa u l-kultura u biex ukoll ikunu jistgħu jersqu għall-eżami ta’ l-HSC.

Dan sar billi bdew klassijiet għall-istudenti f’kulleġġ Kattoliku fi Schofield u anke hawn il-klassijiet dejjem qed juru iktar ħeġġa. Maria De Carlo, il-ko-ordinatriċi ta’ l-iskola qalet li għalkemm huma jħeġġu ħafna lill-istudenti biex ikomplu jitgħallmu l-Malti sal-livell avvanzat, sfortunatament il-biċċa l-kbira tal-istudenti ma jridux ħlief tagħlim bażiku fil-kitba, grammatika u konverzazzjoni bil-Malti għalkemm juru ħafna nteress fil-kultura u l-istorja.

Maria De Carlo tgħid ukoll li din l-iskola tal-Malti xorta waħda tibqa’ tgħin lil dawk l-istudenti li jridu javvanzaw speċjalment dawk li diġà qegħdin fis-sistema edukattiva biex jitħajru jinkludu l-Malti bħala suġġett fl-HSC.

Għat-tieni sena wara xulxin, studenti mill-Maltese  Language  School ta’ NSW ġew ippremjati waqt il-lejla hekk imsejjħa Minister’s Award for Excellence in Student Achievement. Din is-sena l-unur mar għand Rose Mercieca ta' 12-il sena minn Warrimoo ħdejn il-Blue Mountains li tattendi kull nhar ta’ Sibt fil-klassijiet ta’ Horsley Park NSW. Rose kienet l-unika studenta Maltija li rebħet għarfien speċjali fis-sessjoni “Commended” fost ħafna studenti oħra minn diversi nazzjonijiet etniċi li jattendu l- Community Language Schools ta’ NSW.
 
Ma hemmx dubju li kemm Rose Mercieca u l-familja tagħha kienu ferm ferħanin b’dan  l-unur  kif  ukoll l-għalliema tagħha, Marthese Caruana f’Horsley Park. Din is-sena kien hemm ukoll preżenti l-Onor Verity Firth MP,  il-Ministru  ta’  l-Edukazzjoni.  Edna McGill OAM ippreżentat l-award lill- unikustudenta Maltija f’din il-lejla speċjali

għandhom kwalifiki wkoll fil-lingwa Maltija. Kien hemm ukoll tlett għalliema oħra Maltin li ggradwaw, dawn kienu Pauline O'Brien, Antionette. Mascari u Antonine. Mangion mill-Iskola Maltija.
 
Il-kittieb Malti, Rigu Bovingdon żar il-klassijiet tal-Malti f’Horsley Park fejn ta taħdita interessanti dwar l-oriġini tal-ilsien Malti u kif żviluppa mal-medda tas-sekli. L-istudenti għamlu ħafna mistoqsijiet li qajmu wkoll diskussjoni interessanti u tagħlmu ħafna dwar l-istorja tal-Lingwa Maltija. Kien hemm preżenti l-istudenti mit-tlett klassijiet kif ukoll xi ġenituri li ħadu ħafna interess ukoll u talbu aktar informazzjoni.

Ta min ifakkar ukoll li l-ħlas għal dawn il-lezzjonijiet huma l- orħos f’NSW għax dawn il-klassijiet huma megħjuna finanzjarjament mill-Maltese Community Council.

Il-belt ta’ Melbourne għaddiet minn żmien ikrah meta deher li l-kriminalità kienet tefgħet sħaba kera fuq ir- reputazzjoni ta’ din il-belt. Kulħadd jiftakar kemm kien hemm qtil u sparar minn gangsters li saru magħrufa tant li sa anki deher is-serje ferm popolari fuq it- TV bl-isem ta’ Underbelly. Wieħed minn l-aqwa fost il-qattiela kien Carl Williams meta kellu 31 sena żżewweġ lil Roberta waħda minn familja ta’ tmienja li hi ta’ dixxendenza Maltija. Carl William sar l- ikbar gangster perikoluż fl-Awstralja. Fl- intriċċi li kien hemm bejn il-gang tiegħu u dak tal-familja Moran issemmew wkoll xi Maltin.

Des “tuppence” Moran ġie xkubettjat fin- naħat ta” Union Rd, Ascot Vale fil-15 ta’ Ġunju. Ftit ilu ġie arrestat Michael Farrugia ta’ 45 sena minn Mymiong bil- qtil tiegħu. Kien hemm oħrajn li ġew arrestat ma’ dan il-qtil.

Carl Williams illum jinsab iservi sentenza ta’ ħabs għal għomru iżda tiskanta kif anke bejn il-ħitan għolja u twieqi mmbarrati tal-ħabs dan Williams irnexxilu  jibda  relazzjoni  oħra ma’ tfajla

L-Għaqda Kulturali Maltija ta’ NSW tfakkar il-festa tradizzjonali tal-Vitorja kull sena billi tippreżenta lejla mużikali letterarja fejn ukoll tippreżenta l-Maltese Cultural Award. Kienet serata tassew impressjonanti u ta’ tifkira għax kif intqal “aħna nħossu f’qalbna li t-8 ta’ Settembru hu fil-fatt l-uniku Jum Nazzjonali tagħna”. Din is-sena għal darba oħra is-serata saret fil-George Metham Hall, Toongabbie

Il-premju Kulturali ilu jiġi ppreżentat sa mis-sena 1991 u dis- sena ġie mogħti lil Monica Ledger nee Pisani li twieldet il-Gżira Malta fis-sena 1947. Mal-wasla tagħha f’Sydney fl-1963 dejjem ħadet sehem fl-attivitajiet tal-Maltin l-ewwel fin-naħat ta’ Leichhardt u mbgħad f’dawn l-aħħar 36 sena meta marret toqgħod fil-qalba tal-komunità Maltija fi Greystanes NSW. Hija miżżewġa u għandha żewġ itfal u erbat itfal tat-tfal. Monica Ledger hija parti integrali mill-Għaqda Teatrali “Ċittadini” u saret waħda mill-aqwa atturi li għandna f’dan l-iStat. Intqal ħafna dwar is-sens umoristiku, il-karattru umli, dirett u ferrieħi tagħha. Bla dubju, il-kontribuzzjoni tagħha għall-kultura Maltija permezz tal-palk poġġiha fuq quddiem għal dan l-unur mogħti ta’ kull sena.

Ta’ min josserva wkoll li l-festa tal-Vitorja f’NSW, barra f’din il-lejla tiġi ċċellebrat f’erba’ lokalitajiet differenti, f’Wollongong, Horsley Park, fil-Katidral ta’ St Mary’s u fi Greystanes. Imbagħad isiru festi ukoll fi Stati oħra u anke Canberra.

Waqt il-lejla li għaliha attendiet ukoll il-Konslu Ġenerali, Annamaria  Bonnici  kantaw  il-kor ta’ l-Għaqda taħt it-tmexxija ta’ Marisa Previtera b’għażla ta’ kanzunetti kollha jfakkru dan il-