Ahbarijiet mill-Awstralja

It-Tnejn, 14 ta' Settembru 2009

Aħbarijiet
mill-Awstralja

ma' Lawrence Dimech OAM J.P.
Għal aktar aħbarijiet mill-Awstralja aqraw The Maltese Herald
li toħroġ fl-Awstralja kollha kull nhar ta' Tlieta.

Laqgħa mportanti
għall-Maltin ta’ South Australia

Il-Konslu ta’ Malta fis-South Australia Frank L Scicluna flimkien mall-Kunsill Malti organizzaw forum pubbliku għas- soċjetajiet u l-membri tal-komunità Maltija t’Adelaide fis-sala kulturali Maltija, Beverley fis-7 ta’ fil-għaxija.

Għal dan il-forum attendew rap- preżentanti tal-għaqdiet kollha Maltin li joperaw ġewwa Adelaide u numru kbir ta’ Maltin u Awstraljani. Innutajna ukoll li kien hemm numru sabiħ ta’ żgħażagħ li bil-kuraġġ kollu semmew leħinhom u urew li huma jixtiequ jkomplu x-xogħol ta’ qabilhom u jassistu fil-ħidma tal-għaqdiet Maltin ħalli l-kultura Maltija ma tispiċċa qatt minn dan l-iStat.

Fetaħ il-forum is-Sur Edgar Agius, il- president tal-kunsill, fejn xtaq merħba lill- kulħadd u rringrazzja lil dawk kollha li attendew u li ser jipparteċipaw f’dan il-forum hekk important, storiku u bżonnjuż Huwa stieden lill-konslu Malti biex immexxi l-kumplament tal-laqgħa.

Frank Scicluna qal “B’dan il-forum pubbliku qed tinkiteb paġna storika fl- istorja tal-komunità Maltija tas-South Australia. Il-fatt li l-attendenza hija daqshekk numeruża, minkejja x-xita u lejla kiesħa, dan juri li għad fadal Maltin/Awstraljani li huma nteressati fl- iżvilupp u l-konsolidazzjoni tal-komunità t’hawnhekk.”

“Hemm bżonn nuru lill-ħutna Maltin mxerdin mal-Awstralja kollha u lill- Gvernijiet ta’ Malta u tal-Awstralja li aħna nieħdu l-affarijiet bis-serjetà u lesti u kapaċi nuru li aħna ser inkomplu fix-xogħol tagħna biex il-komunità tingħata l- attenzjoni u r-rispett li jixirqilha għax aħna għad għandna demm Malti jiġri fil-vini tagħna daqs il-Maltin tal-Istati l- oħrajn”.

Huwa għamel appell biex dawk li jistgħu jgħinu fil-bini tal-monument tal-Gwerra tal-ANZAC li qed jittella’ ġewwa Malta b’tifkira ta’ dawk il-Maltin, l-Awstraljani u minn New Zealand li tilfu ħajjithom ġo Gallipoli fl-Ewwel Gwerra Dinjija.

Imbagħad saret diskussjoni nteressanti dwar il-Konvenzjoni Maltija li ser issir Malta fl-2010 u nkitbu rikomdazzjionijiet

Frank Scicluna (fin-nofs) flimkien mal-President Edgar Agius u Carmen Spiteri,
Segretarja tal-Maltese Community Council ta' South Australia

biex jiġu poġġuti quddiem il-Konvenzjoni meta ssir is-sena li ġejja.

Ma ninsewx, qal il-konslu, li fl-ewwel u t- tieni konvenzjonijiet il-komunità Maltija tas-South Australia tħalliet barra għal kollox, lanqas biss ġiet mistiedna u ttrattata bħallikieku ma’ teżistix. Din id-darba rridu nkunu ċerti li l-Maltin t’Adelaide jiġu rappreżentati u jiġu mgħotija ċ-ċans biex jiddiskutu ma ħuthom oħrajn l-problemi li għandhom u kif jistgħa l-Gvern ta’ Malta jgħinha u jagħti daqqa t’id ħalli flimkien intejbu l- qagħda tagħna fil-ġejjieni.

Waħda mir-riżoluzzjonijiet li kullħadd qabel magħha kienet li l-Maltin t’Adelaide qatt ma jitħallew barra meta xi dinjitarji, sew polikanti kif ukoll ekkleżjastiċi, jiġu jżuru l-Maltin tal-Awstralja. Dejjem tħallejna barra u ġejna njorati u uħud minnhom għamlu vista bil-ħatfa ġo Adelaide wara li krabna u nżilna għarkobbtejna nittallbu. U kull minn ġie hawn ġewwa Adelaide ġew mgħotija laqgħa mill-isbaħ u ttrattati bid-dinjità, rispett u mħabba li jafu jgħatu l-Maltin tas-South Australia.

Imbagħad il-forum iffoka fuq żewġ punti

mportanti – l-ewwel kif jistgħu jiġu nvoluti ż-żagħżagħ fl-attivitajiet tal-komunità Maltija u kif nattiraw l-ħafna Maltin professjonisti, negozjanti u nies akkademiċi li għandna hawn fis-South Australia fil-ħidma tas-soċjetajiet tagħna.

U fl-aħħar is-Sur Scicluna tkellem dwar il bżonn li jkun hemm iktar kooperazzjoni, koordinazzjoni u kommunikazjoni bejn l- għaqdiet t’hawn. F’dawn l-aħħar ftit snin tlifna ħafna minn ħutna għax il-qalba tal- Maltin t’hawn ġew Adelaide fil- ħamsinijiet, sittinijiet u s-sebgħinijiet u llum dawn ħutna Maltin kollha mdaħħlin fiż-żmien. Din hija problema tal-istati oħrajn tal-Awstralja.

Għalhekk issa huwa l-waqt li ningħaqdu, naħdmu sinċerament flimkien u nuru s- solidarjetà. U minflok piki u ħluq ta’ problemi bejnietna noqgħodu dwar mejda waħda u nsolvu l-konflitti u l-problemi bejnietna. U anki hemm bżonn ngħaqdu l-attivitajiet flimkien jiġifieri ċerti funzjonijiet minflok isir minn organizzazzjoni waħda għandhom isiru minn diversi soċjetajiet flimkien, għax wara kollox, kulħadd qed idaħħal idejh f-istess bwiet u l-bwiet iktar ma jgħaddi ż- żmien iktar qed isiru skarsi.

Dehra tan-nies li attendew il-laqgħa f'South Australia

Kulħadd qabel ma dak li ntqal u f’sens ta’ ħbiberija u għaqda dawk kollha li attendew dan forum kienu ta fehma waħda li jimxu iktar id f’id għall-ġid ta’ kulħadd u biex tirrenja l-għaqda – għax fejn l-għaqda hemm is-saħħa.

(Dan ir-rapport irċevejniħ minn South Australia. Nixtieq inżid li fil-fatt fil- Konvenzjoni 2000 li saret Malta u skond ir-rapport uffiċjali li ħareġ il-Gvern Malti ta’ dak li ntqal waqt il-Konvenzjoni (paġni 248-269) Alfred Flask ippreżenta studju bil-miktub li kien fih informazzjoni dwar il- komunità Maltija ta’ South Australia).

Aħbarijiet oħra Fil-qosor

Il-Maltese Australian Association ta’ Brisbane fl-Istat ta’ Queensland huma dejjem attivi u dan l-aħħar bgħatulna dan ir-ritratt ta’ meta marru bħala grupp lejn is-Sunshine Coast. Huma żaru l- Glass House Mountain u McDonalds Botanic Gardens fejn ġie meħud dan ir- ritratt. Waqfu biex jieklu xi ħaġa f’Tawanteen.

Din l-għaqda dejjem tixtieq iktar Maltin minn naħat ta’ Brisbane biex jissieħbu magħha u jekk hemm xi ħadd interessat għandu jikkuntattja lil President billi jċempel Tel: 0738089557.

Il-Grupp Letteratura Maltija ser jiċ- ċelebraw it-30 anniversarju tat-twaqqif tagħhom billi se jorganizzaw ikla fiċ- Ċentru Malti ta’ Parkville (Melbourne) waqt li Ordni ta’ San Ġwann ta’ Ġerusalem, Rodi u Malta (SMOM) - kellhom kommemorazzjoni annwali fil-

kappella ta’ l-Ispirtu SSantu f’Newman Collage, l-Università ta’ Melbourne.

Din l-Ordni li ġiet imwaqqfa fil- Benedictine Hospice f’Ġerusalem fis- sena 1099 u l-Ordni ta’ Malta hija it-tielet l-iktar waħda antika mill-Ordnijiet Reliġjużi tal-Knisja Rumana. L-Ordni hija attiva f’madwar 120 pajjiż.

The Maltese Herald il-gazzetta tal- Maltin fl-Awstralja ħabbret li s’issa nġabret is-somma ta’ $3,840 bħala donazzjonijiet għall-monument ta’ l- Anzac li għadu jinbena fl-Argotti. Jidher li għalkemm is-somma mhix daqstant kbira iżda hemm prospetti li ħafna iktar għaqdiet Maltin fl-Awstralja jitħajru jagħtu donazzjoni biex dan il-monument isir.

Nieħdu gost jekk tibgħatuli aħbarijiet mill-komunità biex indaħħluhom f’din il-website li tmur mad-dinja kollha b’kalkolu ta’ madwar 1500 qarrejja fil-ġimgħa. Ibgħatu lil lawdimech@optusnet.com.au

Jekk trid taqra l-artikli ta' dawn il-paġni li dehru qabel
Agħfas Hawn