Minn dawn il-kolonni dejjem nippruvaw nippreżentaw it-talenti u l-kontribut enormi f’kull livell li wlied l-emigrati qegħdin jagħtu lil dan il-kontinent. Din il-ġimgħa niltaqgħu ma’ John Vella bin Victor u Vicky Vella minn Winston Hills NSW.
 
John twieled Sydney fis-sena 1969 iżda madwar 13-il sena ilu ddeċieda li jmur jgħix f’Hobart. Tasmania flimkien ma’ martu Sonia u binthom Sophie Lucia fejn għamel isem għalih mhux biss f’dik il-gżira iżda ma’ l-Awstralja kollha.
 
John Vella kien lettur tal-Painting & Drawing fit-Tasmania School of Arts, Università ta’ Tasmania minn 1998 sal-2000 u dan l-aħħar inħatar mill-Università bħala Acting Head ta’ l- Iskultura. John jirrappreżenta wkoll lil Criterion Gallery ta’ Hobart.
 
Is-sena l-oħra l-Premier ta’ Tasmania, David Bartlett fetaħ uffiċjalment proġett enormi li jikkonsisti f’mija u għoxrin arblu ta’ l-aluminju ta’ tul u ħxuna differenti u tieħu medda, kbira ħafna. Din l-istallazzjoni tinsab fil-beraħ ma’ ġenb il-highway ftit qabel ma tidħol fl-ajruport ta’ Hobart.
 
Is-sabiħ ta’ din l-istallazzjoni hi l-logħob tad-dawl artifiċjali u tal- kuluri naturali tax-xemx. Dawn kollha jitfgħu ċertu dawl li tista’ tgħid jitbiddel kull minuta u fl-istess ħin joħolqu wkoll ċertu dlam jew 'chiaro oscuro' li joħolqu sinfonija sħiħa ta’ dawl u ta’ kuluri. Biex ma nsemmix ukoll id-dellijiet li joħolqu dawn l-arbli li jinfirxu bħal tapit madwarhom.
 
John fehem ukoll l-istruttura ta’ l-ambjent ta’ fejn bena din l- istallazzjoni. L-ajruport ta’ Hobart jinsab fi pjanura kbira li tiġi mal-livell tal-baħar. Din hi mdawra b'muntanji u għoljiet ma’ kull naħa. Għalhekk li dak li tara minn ħdejn l-ajruport huma x- xfarijiet ta’ dawn l-għoljiet u l- muntanji. L-artist John Vella rnexxielu jikkombina u jħallat sewwa dawn ix-xfarijiet f'dan il- proġett billi l-arbli huma maqtugħin b'ċerta mod u tul li mil- bogħod jixbhu u jikkupjaw l-għoli differenti ta’ dawn il-muntanji.
 
Fil-fatt l-istallazzjoni ġiet imfaħħra l-iżjed għax l-artist irnexxielu jintegra l-proġett li għamel mal- paletta ta’ l-ambjent li jitħawwad miegħu perfettament. B'hekk meta tħares lejh ma taħsbux xi ħuta barra mill-ilma. Bħal ma kkumentat gazzetta lokali, John irnexxielu jżid ma’ l-ambjent u fl-istess ħin, isebbħu. Ma jistgħax jonqos li dawn li jagħmlu użu mill-ajruport ta’ Hobart ikunu jistgħu japprezzaw dan ix-xogħol artistiku ta’ Malti/Awstraljan.
 
Meta dan l-aħħar John Vella ppreżenta xogħol ieħor tiegħu fil- Mużew tal-Contemporary Art f’Circular Quay f’Sydney l-kritiku ta’ l-arti John McDonald qal hekk, “Fl-arti hemm wisa’ biżżejjed biex wieħed joħroġ barra mill-linji konvenzjonali. Dan japplika ħafna għax-xogħol ta’ John Vella li jikkonsisti f'video meħud min-naħa tas-suġġett waqt li jkun jisma’ u jara grupp ta’ artisti jpinġuh..".

 L-ajruport ta’ Hobart

Dan ix-xogħol ta’ John Vella, bl-isem ta’ Walking the Line, New Australian Drawing li kien esibit f'kamra għalih, jikkonsisti fil-ipproġettar ta’ video fuq skrin li hu wiesa’ daqs il-ħajt (kif tistgħu taraw fir-ritratt), fejn wieħed jista’ jara u jisma’ grupp ta' studenti/artisti li qegħdin ipinġu lil xi ħadd li ma jidhirx fuq li skrin.

Fin-nofs tal-kamra mudlama hemm siġġu vojt b'sett earphones fuqu. Jekk u meta toqgħod bilqegħda fuqu u tagħmel l- earphones ma’ widnejk u tisma’ u tifli x'qiegħed jingħad u x'qiegħed jsir, ma ddumx ma tinduna li l-artisti' qegħdin ipinġu lilek.

F'kelma waħda int, kif tkun bilqegħda fuq is-siġġu issir iċ- ċentru ta’ l-attenzjoni ta’ dawk l-artisti u tħossok bħal fatta mħawwad kif int f'salt wieħed issib ruħek f'pożizzjoni fejn kulħadd qiegħed iħares lejk.

Hi arti b'effett psikoloġiku fuq dak li jkun meta iħares lejn 'il- kwadru'. Iġiegħel lil dak li jkun iħares li jidħol fl-ispirtu ta dak li jkun jara għax isir parti minnu.
 
'Walking the Line": New Australian Drawing. hi wirja ta’ xogħlijiet ġodda minn artisti żgħażagħ li juru spirtu ta’ avventura fid-dinja ta’ l-arti u li wkoll iġġebbed ġmielha t-tifsira ta’ x'inhi l- arti u kif jifhmuha ħafna minnha.

John Vella jidher li għadu għaddej bl-arti l-favorita tiegħu li hi li joħloq xi ħaġa ġdida fid-dinja ta l-arti, u jissogra joħroġ mit- tradizzjoni tagħha. Minflok ma naraw kwadru sabiħ bis-siġar u b'xi xmara għaddejja tirrifletti l-veduta.
 
John jippreferi jixxokkjana u jkollna nħabblu moħħna biex ingawduha dak li joħroġ minn moħħ artistiku u wkoll biex forsi naqbdu xi tarf rigward it-tifsira tagħha.

Mhux il-Kummissarji Għolja kollha li jservu l-Awstralja jħallu warajhom fama tajba, l-istess nistgħu ngħidu għal uffiċċjali oħra li l-Gvern ta’ Malta jibgħat biex iservu fl- Awstralja kemm f’Canberra, Sydney jew Melbourne. Hemm eċċezzjonijiet tant li x’iħud meta jiġu biex jispiċċaw is-servizz tagħhom iħallu ukoll ħafna vojt. Ftit ġimgħa ilu spiċċat ix-xogħol tagħha fl-Awstralja, Angele Azzopardi li kienet Konslu Ġenerali għall-iStat ta’ Victoria minn Marzu 2006 sa Awissu 2009.
 
Il-Kunsill Malti għall-Victoria organizza riċeviment biex isellem lill-Konslu-Ġenerali. Is- serata bdiet b’diskors mill-President tal-MCCV, l-avukat Victor Borg. Saru diskorsi ukoll mill-Kummissarju Għoli, l-ET Francis Tabone, l-Isqof tad-Djoċesi ta’ Sandhurst, Mons. Joseph Grech, u l-Provinċjal tas-Soċjetà’ Missjunarja ta’ San Pawl, Dun Noel Bianco.

Il-kelliema kollha faħħru lil Angele Azzopardi għall-ħidma tagħha fost il-Komunità Maltija f’dawn l-aħħar tlett snin u nofs.
 
Angele Azzopardi fid-diskors tagħha rringrazzjat lill-MCCV u lill-komunità Maltija in ġenerali li dejjem laqgħu lilha u lill-familja tagħha. Irringrazzjat ukoll lill-Kummissarju Għoli u lill-kollegi u l-istaff tagħha għall-koperazzjoni li dejjem sabet fihom Espremiet kliem  ta’  apprezzament  ukoll  lejn  il-Ministru ta’ l-Affarijiet Barranin u lis-Segretarju

Mix-xellug jidhru; Anna Maria Bonnici, Angele Azzopardi, Cecilia Borg, Francis Tabone,
Giaconda Schembri, Miriam Cassar u Charles Sultana.

Angele Azzopardi

Permanenti fl-istess Ministeru tal- opportunità li tawha.

Angele Azzopardi qabel ma serviet f’Melbourne kienet serviet ukoll b’distinzjoni fil-Kummissjoni Għolja f’Canberra minn Settembru 2001 sa Frar 2006. Kemm-il darba għamlitha wkoll bħala Deputat tal-Kummissarju Għoli. Kienet uffiċċjal effiċjenti u dejjem għamlet mill-aħjar biex tgħin lill-Maltin fl-Awstralja u żżomm fl-għoli l-isem ta’ Malta.

Ma kien xejn faċli għalija li tidħol fil-Konsulat Ġenerali f’Melbourne fejn damet minn Marzu 2006 sa Awissu 2009 meta dak ta’ qabilha kien ilu fil-pożizzjoni għal ħafna snin.

Lil Angele nirringrazzjawha u nawgurawlha. Il-Gvern ta’ Malta ħatar lil Charles Mifsud il-kap tal-Corporate Services fid-Dipartiment ta’ l-Affarijiet Barranin biex jieħu l-pożizzjoni li ħaliiet Angele Azzopardi fl iStat ta’ Victoria.