L-istatwa tal-Madonna fit-triq lejn
s-santwarju f'Ephesus, it Turkija

Festa oħra li jiċċelebraw f’Sydney hija dik ta’ Santa Marija. Din is-sena kienet bil-wisq aktar speċjali minħabba li l-15 ta’ Awissu ħabat is-Sibt u ċ-ċelebrazzjoni saret fil-jum proprju meta Malta kienu qegħdin ukoll jiċċelebraw f’mhux inqas minn seba’ parroċċi l-Assunzjoni ta’ Marija.

F’dan il-jum ġie mfakkar ukoll is-67 anniversarju mill-miġja tal-vapur Ohio fil-gżira ta’ Malta fi qrib tmiem il-gwerra fl-1942. Jingħad li kien irnexxilu jidħol fil-port kawża tat-talb u devozzjoni lejn dan it-titlu tal-Madonna biex b’hekk baqa’ magħruf bħala l-Konvoj ta’ Santa Marija.
 
Madwar 400 persuna attendew il-ballu annwali li għall-għaxar sena konsekuttiva sar fil-Balmoral Hall fi Blacktown. Din kienet imżejna sabiħ bil-blu u abjad għal din l-okkażjoni.
 
Id-divertiment ma waqafx il-lejl kollhu bil-mużika u kant ta’ Vince Bezzina u akkumpanjat minn Joe Grima u Godwin

L-istatwa ta Santa Marija u l-bandalora, it-tnejn ġew imniedja fil-festa

Uħud minn dawk li attendew għall-ballu ta' Santa Marija fi Blacktown

Grech. Kien hemm ukoll il-mistiedna speċjali minn Adelaide, Tracey Saliba li kantat taħlita ta’ kanzunetti bil-Malti u bl-Ingliż.
Iżda l-qofol tal-lejla kien meta l-banda “Our Lady Queen of Peace” daħlet fis-sala ddoqq marċi brijjużi u Marjani. Jakkumpanja l-banda kien hemm Richard Saliba, żagħżugħ Malti, li daħal bil-bandalora ġdida tal-Grupp Santa Marija. Fid-disinn artistiku deher pittura tal-Konvoj ta’ Santa Marija. Hekk kif il-folla kienet aljenata tifraħ bil-banda u tifli l-bandalora, kellna sorpriża oħra sabiħa. Fuq pedestal tar-roti, miksi bis-satin ikħal, daħlet fis-sala statwa ħelwa ta’ Santa Marija fost iċ-ċapċip u l-entużjażmu tal-folla numeruża. Wara li tkanta l-innu tal-Ave Maria, Fr Benedict Sant MSSP bierek din l-istatwa li dehret f’Sydney għall-ewwel darba.
 
Greg Caruana, f’isem il-grupp organizzattiv qal li din kienet ħolma li bil-għajnuna tal-Madonna saret realtà. Huwa rringrazzja li dawk kollha f’Malta u Sydney li kellhom sehem f’din l-aħħar inizjattiva.

Kellna f’Melbourne waħda mill-ikbar festi tradizzjonali li jsiru biex iqimu lil Santa Elena Issir wkoll il-festa ta’ pajjiżi l-Hamrun jiġifieri l-festa ta’ San Gejtanu li ġiet iċċelebrata għal 31 sena nfila.
 
Il-kumitat ta’ din il-festa taħt id-direzzjoni ta’ Gejtu Deguara dejjem jagħmlu l-almu tagħhom kollha biex din il-festa tibqa’ f’qalb il-Maltin ta’ Melbourne.
 
F’Sydney ukoll għandna l-klabb tal-Hamrun f’Marsden Park u hawn ukoll jiċċelebraw il-festa tal-patrun.

Il-convoy ta’ Santa Marija jidher li għadu fil-memorja ħajja ta’ ħafna Maltin li jgħixu fin-naħa ta’ Wollongong, il-belt industrijali li tinsab madwar 90km minn Sydney.
 
Il-George Cross Falcons Club ta’ Wollongong iċċelebraw din il- ġrajja storika ta’ 67 sena ilu b’dinner dance fis-sala spazjuza ta’ Ribbinwood Centre li hemm fis-subborg ta’ Dapto.
 
Għal din l-okkażjoni attendew mal-mitejn u ħamsin persuna u jidher li ħadu pjaċir bil-lejla ta’ divertiment li kien hemm. Il-lejla bidet b’wirja ta’ video ta’ ftit minuti fuq screen kbir fuq il-palk b’xenarju ta’ Malta fil-gwerra u bil-vapur Ohio dieħel fil-Port ta’ Malta.
 
Il-Banda id-Dynamic Rock allegrat lil kulħadd kif għamel il- popolari kantant Malti Jimmy li jimita tajjeb lil Elvis Presley.
 
Kien hemm ukoll kompetizzjoni tas-żfin tar-rock-n-roll li daħlu għalija tnax il-kopja. Ir-rebbieħa kienet Jammie Gatt u is-sieħeb tagħha.
 
Minn naħat ta’ Sydney kien hemm grupp li vvjaġġaw bil-coach organizzata min Tony Borg.

Fil-festa ta' San Gejtanu f'Melbourne

Waqt it-tifkira tal-konvoj f'Wollongong

Il-President tal-GCFC, Louis Parnis u l-kumitat ħaqquhom prosit għax għal darba oħra l-organizzazzjoni kienet tajba ħafna.