Wieħed mill-ikbar klabbs li hawn f’NSW dan l-aħħar kien fl- aħbarijiet meta żewġ membri esekuttivi ġew akkużati b’serq ta’ madwar $14-il miljun. Dawn iż-żewġ impjegati ta’ Revesby Workers Club li huwa ffrekwentat ħafna mill-Maltin huma Jai Kumar li rriżenja f’Diċembru 2007 iżda huwa allegat li seraq iktar minn miljun dollaru f’perjodu ta’ 18-il xahar u Andrew Lam li kien l-uffiċjal ewlieni tal-finanzi li ammetta li seraq bejn $300,000 u $400,000.
 
Edward Camilleri, iċ-Chief Executive Officer ta’ dan il-klabb li għandu madwar 32,000 membru, qal li l-awdituri KPMG qalulu biex jingassa dawn l-ammonti qabel ma jiffirma l-kontijiet tas- sena  2007-08.  Camilleri  ma  aċċettax  li jagħmel dan u ordna

investigazzjoni fejn instabu ħafna tranżazzjonijiet oħra mhux normali.
 
L-assi ta’ Kumar ġew iffriżati u waqt l-investigazzjoni Lam ammetta li seraq iżda sadanittant ħallas il-flus lura lill-klabb. Jidher li l-klabb se jieħu passi kriminali kontra dawn il-persuni.
 
Edward Camilleri hu iben Tony, it-tnejn magħrufa sewwa fit- tmexxija tal-klabbijiet f’NSW. Tony li l-familja tiegħu huma assoċjati ma’ Eddie’s Bar il-Belt Valletta kien xi żmien inkarigat ukoll mill-klabb Malti f’NSW il-Phoenician Club meta dan kien fl-aqwa tiegħu f’George Street, fil-qalba tal-belt ta’ Sydney.

In-nirien li ħakmu n-naħat ta’ l-iStat ta’ Victoria fi Frar ta’ din is-sena ħallew warajhom ħerba u diżastru. Dawn id-diżgrazzji donnhom iġibu magħhom ukoll simpatija u ħniena minn dawk li għalkemm mhux effettwati direttament iżda jkunu lesti biex jagħtu  daqqa  t’id.  Wara  in-nirien, ġie mniedi l-Victorian Bush

Fire Appeal mill-Gvern ta’ Victoria u r-Red Cross. Sakemm għalaq l-appell fis-17 ta’ April ġiet miġbura s-somma fenomenali ta’ $A300 miljun. Jidher li għad hemm iktar attivitajiet xi jsiru għax dawn ġew ippjanati qabel l-għeluq tas- 17 ta’ April.

Fil-belt kapitali ta’ Canberra kemm-il darba kien hemm ħwienet ta’ l-ikel immexxija mill-Maltin. Dan l-aħħar qrajt fejn il- qalba tal-belt hemm ir-resturant/café bl-isem ta’ Raw Sugar li barra ikel bnien għandu veduta sabiħa tal-muntanja Ainslie. Il- café  huwa  mqassam  fi tlett partijiet u sa għandu parti komda

fuq barra. Dan il-café jirreklama li jservi hobs biż-żejt la Maltija imħawwar bis-soltu ingredjenti. Il-ħobż biż-żejt hija l-idea ta’ wieħed mill-propjetarji tar-Raw Sugar Omar Muscat għax jiftakar meta ommu kienet tlestilu dan it-tip ta’ ħobż meta kien żgħir. Raw Sugar jinsab f’Canberra Centre fil-livell ta’ fuq.

Għamilt kumment ftit ilu dwar il-mod kif ċerti gruppi fil- minoranza qed jippruvaw ixaqilbu jekk ukoll mhux jeqirdu dak li hu aċċettat fil-komunità. Każ eżemplari kien dak li ġara fl- iskola primarja ta’ Deer Park North (Melbourne). Charlie Cremona magħrufa bħala “lollipop man” ġie mwaqqaf mill- Kunsill ta’ Brimbank għax kien iħalli lit-tfal ta’ l-iskola jagħtuh is-sinjal tant familjari mat-tfal, dak jiġifieri ta’ “high five”.

Xi ġenituri ilmentaw li dan jista’ jwassal għal xi periklu waqt li t- tfal ikunu qed jaqsmu t-triq. Iżda l-prinċipal ta’ l-iskola, Joe Vella qal li Charlie fil-fatt qiegħed jagħmel dmiru sewwa. Għal dawn l-aħħar 18-il sena, Charlie Cremona kien jindokra lit-tfal waqt li jkunu jaqsmu t-triq f’dan is-subborg fil-punent ta’ Melbourne.
 
Charlie li se jkun nannu dalwaqt qal li hu jħobb jara lit-tfal ferħana u meta jagħtihom “high five” tidher daħqa fuq fommhom. Dan l-aħħar wara d-deċiżjoni tal-Kunsill meta waslu xi tfal quddiemu Charlie spjega lill-ġenituri li ma jistgħax iferraħ lit-tfal bħas-soltu u xi tfal bdew jikbu.

Il-Kunsill ta’ Brinbank jidher li investiga l-imġieba ta’ Cremona u sab li kien ta’ periklu waqt li t-tfal ikun qed jaqsmu t-triq. Joe Vella l-principal ta’ l-iskola qal li Charlie għandu qalb tad-deheb