Ahbarijiet mill-Awstralja

It-Tnejn, 9 ta' Marzu 2009

Aħbarijiet
mill-Awstralja

ma' Lawrence Dimech OAM J.P.
Għal aktar aħbarijiet mill-Awstralja aqraw The Maltese Herald
li toħroġ fl-Awstralja kollha kull nhar ta' Tlieta.

Nitkellmu mal-Ministru Tonio Borg

Is-sitt żjara ta’ Dr Eddie Fenech Adami fl-Awstralja u l-aħħar waħda tiegħu bħala President tar-Repubblika ta’ Malta ntemmet b’wiċċ il-ġid. Il-President kien akkumpanjat mas-sinjura tiegħu Mary kif ukoll mad-Deputat Prim Ministru u Ministru ta’ l-Affarijiet Barranin, Dr Tonio Borg u kontinġent imdaqqas ta’ uffiċjali u ġurnalisti.

F’dawn iż-żminijiet mhux possibbli li aħna l-ġurnalisti Maltin fl-Awstralja nġiebu rapport dettaljat ta’ kull fejn żaret din id-delegazzjoni għax dan isir minnufih minn dawk li bi spejjez kbar jiġu minn Malta jakkumpanjaw id-delegazzjoni li din id-darba żaret Melbourne, Canberra. Sydney u Brisbane.

Waqt il-waqfa f’Sydney, il-Ministru Tonio Borg għoġbu jiddjaloga mal-ġurnalisti ewlenin Maltin f’dan l-iStat waqt konferenza stampa fl-uffiċċju tal-Konsulat Ġenerali li għaliha attendew, Rita O’Dwyer mill-SBS Radio, Lino Vella mill- Maltese Herald u Lawrence Dimech mill- allmalta.com u l-Union Press.

Il-Ministru ġie mitlub biex jiżvela r- raġunijiet għaliex il-benefiċċji tal-karta Ewropea tal-Assigurazzjoni ma japplikawx għaċ-ċittadini kollha Maltin u għalhekk il-Maltin residenti fl-Awstralja ma għandhomx dritt għaliha meta jivvjaġġaw fis-27 pajjiż ta’ UE. Il-Ministru wiegħed li se jeżamina din l-anomalija fil- kompitu tal-liġijiet ta’ UE.

Saru wkoll mistoqsijiet kemm fuq il- pensjonijiet li l-Maltin jirċievu minn Malta kif ukoll l-urġenza li l-istorja ta’ l- emigrazzjoni għandha tidħol fis-sistema edukattiva. Issemma’ wkoll il-mużew ta’ l-istorja ta’ l-emigrazzjoni u l-proposta Konvenzjoni tal-Maltin ta’ Barra li ġiet imħabbra ftit ilu u li ser issir Malta fis- sena 2010.

It-tixrid tal-lingwa Maltija u l-wegħdiet li sarulna li għadhom ma ġewx imwettqa tressqu wkoll quddiem il-Ministru Borg.

Dwar id-dewmien fl-applikazzjonijiet għaċ-ċittadinanza doppja minn Malta, il-Ministru Borg qal li qed isir sforz qawwi biex ikun hemm iktar effiċjenza iżda ċertu każijiet huma diffiċli u jieħdu ħafna żmien.

Kien hemm suġġeriment ukoll li l- Kummissjoni Għolja Maltija fl-Awstralja għandha toħroġ minn żmien għal żmien rendikont tax-xogħol li tkun qed twettaq fost il-komunità.

Id-Deputat Prim Ministru flimkien mal-ġurnalisti Malti f'NSW. Jidhru wkoll il-Kummissarju Għoli Francis Tabone u l-Konslu Ġenerali Annamaria Bonnici.

Issemma’ wkoll li l-ftehim reċiproku dwar il-pensjonijiet mal-Gvern ta’ NZ wasal fi stadju avvanzat u x’aktar li dan jiġi ffirmat f’qasir żmien meta il-Ministru responsabbli tiġi minn Malta għal żjara f’NZ.

Il-Ministru Borg qal li kellu taħditiet ta’ siwi fuq bażi Federali kemm ma’ Stephen
Smith MP, il-Ministru ta’ l-Affarijiet Barranin kif ukoll mas-Senatur Chris Evans, il-Ministru ta’ l-Immigrazzjoni fejn il-problema tar-refuġjati ġiet diskussa. Il- Ministri Awstraljani wegħdu li qegħdin jagħtu konsiderazzjoni attiva lid- diffikultajiet serji li tinsab fihom Malta għalkemm ma saru l-ebda wegħdiet

definiti dwar ir-refuġjati.

Il-Ministru Borg spjega ukoll kif il-Gvern ta’ Kevin Rudd qiegħed jagħti ferm iktar importanza lir-relazzjonijiet ta’ l-Awstralja man-Nazzjonijiet Magħquda kif ukoll ma’ l-Unjoni Ewropea. L-Awstraljani fil-fatt talbu lil Malta appoġġ fit-talba ta’ l- Awstralja biex takkwista siġġu mhux permanenti fis-Security Council ta’ UN fl-2013 u l-Asian-Europe Meeting. Il-Ministru qal li jidher li l-Awstralja qed taddotta politika ferm iktar miftuħa fejn jidħlu l-pajjiżi tad-dinja. Hemm possibbiltà li l-Ministru Federali Awstraljan għal Affarijiet Barranin, Stephen Smith iżur Malta f’Ottubru li ġej.

San Ġorġ Preca infakkar

Il-komunità Maltija ta’ Melbourne ħaqqha prosit bl-inizjattiva li ħadet biex twaqqaf tifkira xierqa fl-Awstralja lill- ewwel u uniku qaddis Malti, San Ġorġ Preca.

Illum, biswit il-Katidral ta’ St Patrick’s f’East Melbourne insibu bust tal-bronż ta’ dan il-qaddis (ara ritratt). Il-komunità permezz ta’ kumitat apposta ilha tiġbor biex dan il-bust isir realtà.

Kienet okażjoni xierqa għalhekk li meta kien hawn f’Melbourne l-President tar- Repubblika ta’ Malta, Dr Eddie Fenech Adami ġie mitlub biex jikxef dan il-bust waqt li l-Arċisqof ta’ Melbourne, Rev Dennis Hart għamel it-tberik f’okożżjoni storika u speċjali qabel ma saret quddiesa konċellebrata fl-istess Katidral.

Il-Mafkar ta' San Ġorġ Preca

Għajnuna u donazzjonijiet

Il-programm Malti fuq l-istazzjoni tar- radju Special Broadcasting Service (SBS) li jitrassmetti ma’ l-Awstralja kollha dejjem ikunu minn ta’ l-ewwel biex jgħinu l-vittmi ta’ xi traġedji kbar li jsiru fl- Awstralja. Hekk ġara meta kellna l-Bush Fires ta’ Black Saturday fis-7 ta’ Frar. Flimkien mar-Red Cross l-SBS Radio organizzaw radiothon fejn ix-xandara tal-

Joe Axiak u Marlene Galea zewg prezentaturi ta' l-SBS Maltese Radio Programme

Grupp li kienu ta' għajnuna fir-radiothon tal-programm Malti ta' l-SBS.

programmi Maltin flimkien ma għadd ta voluntieri ħeġġu lis- semmiegħa Maltin jiftħu il-bwiet tagħhom u juru ġenerożità mal-vittmi. Joe Axiaq, l- Executive Producer tal-programmi Maltin waqt li rringrazzja lil dawk kollha li ħadu sehem kellu grazzi speċjali għal dawk kollha li

bagħtu d-donazzjonijiet li laħqu madwar $21,210. It-32 kommunità etnika li għandhom il-programmi fuq dan l- istazzjon ġabru flimkien miljun dollaru bħala donazzjoni. L-SBS Radio mis-sena 1997 kemm ilhom jorganizzaw telethons ġabru madwar $9 miljun.

Ikompli jikber it-tagħlim tal-Malti f’NSW

L-iskola tal-Malti fi NSW, jew kif inhi magħrufa aħjar f’Sydney, l-Maltese Language School of NSW, tat bidu gћall- 11-il sena tagħha, meta bdew il-klassijiet f’Horsley Park fis-sena skolastika 2009. Din l-iskola hija mmexxija mill-Kunsill Malti ta’ NSW. Ġew irreġistrati ’l fuq minn sebgħin student bejn l-età ta’ 7 snin u s-67 sena, bit-28 minnhom li komplew mis- sena ta’ qabel.

Bħala introduzzjoni għal din is-sena skolastika, kullħadd iltaqgħa flimkien fejn ingħatat merħba mill-kordinatriċi tal-iskola Maria DeCarlo lill-istudenti u ’l-għalliema ġodda u. ġie mogħti it- tagħrif kollu meħtieġ dwar l-iskola.

Klassi oħra tal-Malti f'Horsley Park NSW fejn dis-sena in-numru ta'
l-istudent laħaq rekord.

Dehra mill-klassi ta' l-adulti f'Horsley Park flimkien ma' l-għalliema Mary Pace-Feraud

Josephine Borg, li studjat il-Malti sal-livell tal-HSC mal-Maltese Language School of NSW u llum hija s-segretarja tal-Maltese Community Council, ġiet mistiedna tkellem ’l-istudenti fejn inkoraġġiethom jistudjaw il-lingwa u ħeġġithom biex jgħożżu l- kultura u l-istorja Maltija.

F’Horsley Park hemm tlett klassijiet, waħda għat-tfal u tnejn għall-kbar. L-għalliema f'Horsley Park huma Lawrence Dimech, Marthese Caruana u Anna Chetcuti li qed jiġu mgħejuna wkoll minn Mary Pace-Feraud u Gabrielle Galea. Filwaqt li Maria De Carlo hija l-għalliema fil-klassijiet ta’ Seven Hills u Schofields. L-istudenti tal-klassi ta’ Seven Hills kważi rduppjaw u din l- iskola topera kull nhar t’Erbgħa filgħaxija. Fetħet b’suċċess kbir klassi oħra fi Schofields b’numru sabiħ ta’ student li għadhom imorru l-iskola.

Il-Kunsill Malti ta’ NSW flimkien mal-kumitat ta’ l-Iskola u l- għalliema jħabirku ħafna biex l-iskola tkompli timxi ’l quddiem ħalli t-tagħlim tal-Malti fl-Awstralja jkompli jinxtered.

Bħala parti mit-tagħlim tal-kultura u l-lingwa, l-istudenti dejjem jiġu mħeġġa mill-għalliema biex jattendu attivitajiet varji li jsiru fil-komunità Maltija.

L-iskola hija kburija ħafna li minnha ħarġu numru sabiħ ta’ studenti li tul dawn l-aħħar 11-il sena saru jiffurmaw parti attiva fil-komunità Maltija.

Nieħdu gost jekk tibgħatuli aħbarijiet mill-komunità biex indaħħluhom f’din il-website li tmur mad-dinja kollha b’kalkolu ta’ madwar 1500 qarrejja fil-ġimgħa. Ibgħatu lil lawdimech@optusnet.com.au

Jekk trid taqra l-artikli ta' dawn il-paġni li dehru qabel
Agħfas Hawn