Rari biex grupp ta’ ħbieb jiċċelebraw għeluq żmienhom fl-istess ġimgħa. Hekk ġara meta grupp kollha membri tal-Past Pupil ta’ Don Bosco iltaqgħu f’restaurant f’Castle Hill NSW biex jiċċelebraw mhux birthday wieħed iżda disa’. L-etajiet ivarjaw minn 57 sena (it-tarbija tal-grupp) sa 73 sena (l-anzjan tal-grupp). Meta għoddejna l-etajiet kollha flimkien wasalna biex sibna li dawn id-disgħa persuni għaqqdu s-sitt mitt sena. Qaluli li mhux sewwa li nġib l-etajiet individwali wara kollox hemm ħafna nisa. Li nista’ ngħid hija li, dejjem bejn wieħed u ieħor, l-eta’ medja hija ta’ 66 sena.

F’dan ir-ritratt li fih jidher kulħadd ferħan bl-eta li jġorr jidhru: Fuq wara mix-xellug: Fred u Mary Camilleri. Hannibal Shabaz u Ernest Attard. Quddiem mix-xellug: Joe u Anna Fabri, Mary Mizzi, Charles Micallef u Marlene Dimech.

Jum l-Awstralja ġie u għadda iżda dis-sena l-Maltese Community Council ta’ NSW ħasbu biex jorganiżaw festin biex il-komunità ta’ Sydney ikollha l-opportunità li tfakkar il-jum nazzjonali tal-pajjiż li addottjana. Kienet idea mill-aqwa għax fil- Parramatta Town Hall (it-tieni l-eqdem belt fl-Awstralja) inġabru madwar 250 persuna flimkien ma għadd ta’ persuni distinti.
 
Kif qalilna l-President tal-MCC, Alfred Fenech, il-komunità Maltija għandha bżonn iżomm kuntatti fil-qrib mal-mexxejja politiċi Awstraljani ta’ kull naħa. Il-President kompli biex ħejja power-point presentation li fiha ta tagħrif kemm dwar il-Maltin li ġew f’NSW kif ukoll l-istorja tal-Kunsill. Dawk il-mistednin speċjali li attendew kienu:-

 
Fost dawk li attendew u tkellmu f’din il-laqgħa kien hemm, l- Onor David Borger Ministru tad-Djar ta’ NSW li irrapreżenta lill- Premier Nathan Rees. Louise Markus MP, is-Sindku tal-Belt ta’ Parramatta Cr Tony Issa u l-Kummissarju Għoli Francis Tabone. Tkellem ukoll William Galvin iċ-ċermen tal-Order of Australia, NSW Branch.

Kien hemm ukoll rappreżentanza mdaqqsa ta’ dawk il-Maltin li mis-sena  1993 ‘l hawn ġew onorati bl-Ordni ta’ l-Awstralja. Din

Ritratt ta' tifkira: Kollha onorati mill-Gvern Federali Awstraljan. Fuq wara jidhru: Lawrence Dimech, Lino Vella, Alfred Fenech. Fuq quddiem mix-xellug: William Galvin (ċerpersin ta l-Order of Australia, Fergħa NSW), Dr Stephen Gatt, Doris Athanasio, Sam Vella u Dr George Boffa.

iċ-ċelebrazzjoni,  fil-fatt kien iddedikat għalihom. Dawk preżenti kienu: Alfred Fenech, Sam Vella, Assoc. Prof Stephen Gatt, Lino Vella, Doris Athanasio, Lawrence Dimech u Dr George Boffa.

Maltin oħra li ġew onorati iżda ma setgħux jattendu huma: Monica Attard, Eleen Jerga, Leslie Attard, Janelle Falzon u Joe Dougall waqt li Dr A. Buhagiar u Joseph L. Forace huma mejtin.

Il-kor ta’ l-Għaqda Kulturali NSW kantaw taħt id-direzzjoni ta’ Marisa Privitera u ġew mogħtija applaws għal mod kif interpritaw il-kanzunetti li għażlu. L-innijiet nazzjonali tkantaw minn Joe Galea u l-MC kien Charles Mifsud.

Kienet lejla kommemorattiva u kommoventi. Nittamaw li tkompli ssir kull sena.

Gough Withlam, l-uniku Prim Ministru li ġie mkeċċi mill-pożizzjoni tiegħu se jagħlaq 93 dalwaqt, l-iktar eks Prim Ministru li dam ħaj. Dan it-titlu kien iżommu Frank Forde li għalkemm dam Prim Ministru tmien tijiem biss dam jgħix sa kemm kellu 92 sena.
 
Forde, kien dam Prim Ministru minn Lulju 1945, wara li miet John Curtin u sa kemm il-Labor ħatru lil Ben Chifley fl-istess xahar tas-sena 1945.
 
Gough Whitlam ġie elett Prim Ministru darbtejn u żamm postu minn Diċembru 1972 sa kemm il-Gvernatur Ġenerali, Sir John Kerr neħħih minn dik il-pożizzjoni fil-11 ta’ Novembru 1975, azzjoni li qajjmet ferment kbir fost il-poplu u tibqa’ bħala deċizzjoni dubjuża iżda ċertament ta’ valur storiku fl-annali ta’ l-istorja politika Awstraljana.