Sentejn ilu, Sam Mifsud (tal-Mifsud Brothers) fetaħ stazzjon fuq l-internet li jixxandar kuljum. Sam qalli li l-ħsieb tiegħu kien li peress li l-kompjuter issa sar parti neċessarja mill-ħajja tal- bniedem, ħaseb li jagħmel użu min din it- teknoloġija biex iwassal ‘entertainment’ Malti b’xejn bl-użu tal-kompjuter. B’hekk ikompli jżomm il-kultura Maltija 'ħajja'  (speċjalment fil-qasam ta’ divertiment Malti) f’qalb il-Maltin, huma fejn huma.
 
Bis-saħħa ta’ l-istess teknoloġija, is- semmiegħa jistgħu wkoll jaraw kif Sam ixandar dawn il-programmi bl-użu tal- ‘webcam’.
 
Qiegħed ta’ kuljum ixandar programmi varjati ta’ mużika ta’ kull stil speċjalment Maltija, telefonati ‘Candid,’ aħbarijiet fil- qosor li għandhom x’jaqsmu mal-Maltin f’Malta u fl-Awstralja kif ukoll interventi mingħand is-semmiegħa bl- użu tal- MSN.
 
Kull nhar ta’ Ħadd filgħodu (ħin ta’ Sydney) jindaqqu Marċi Maltin għal sagħtejn sħaħ.
 
L-iżjed programm mistenni mis- semmiegħa żgur huwa l-programm Nostalġija  Maltija,  meta  bl-għajnuna ta’

ħuh Tony, iwassal programm ‘live’ ta’ siegħa u nofs dwar il-ġrajjiet tagħhom fl- imgħoddi f’Malta, fejn anke jagħmlu intervisti mas-semmiegħa.
 
Sam qali li huwa sodisfatt ħafna bir- rispons li qiegħdin jagħtuh ħafna semmiegħa speċjalment, Maltin minn madwar id-dinja.
 
Sam kien minn ta’ quddiem nett li beda l- ħolqa bejn ix-xandir Malti speċjalment ir- Radju Super One (f’Malta) u l-Maltin u Għawdxin ta’ l-Awstralja bl-interventi u l- messaġġi li kien iwassal.
 
Sam Mifsud huwa l-korrispondent prinċipali għal Radju Hompesch fejn ilu għal dawn l-aħħar sentejn u fejn qiegħed ta’ kull ġimgħa iwassal lis-semmiegħa ta’ Malta, tagħrif, informazzjoni u tislijiet dwar u mingħand il-Maltin ta’ l-Awstralja. Id-direttur ta’ l-istazzjon Radju Hompesch issuġġerixxa lil Sam jekk jistgħax isir ‘relay’ darba f’ġimgħa ma’ l-istazzjon tiegħu.
 
Biex tkun tista’  tisma’ lil Uncle Sam DJ – Australia wieħed għandu jidħol fil- websajt  ta’  Sam  Mifsud  u  minn  hemm tistgħu tillowdja il-‘player’: "http://www.sammifsud.webs.com/".

Il-kantant popolari Malti, Renato sar midħla sewwa tal-Maltin ta’ l-Awstralja tant li reġa’ kien magħna din id-darba fuq stedina tal-Annunciation Association (Tarxien) ta’ Sydney. Renato kien il- kantant speċjali f’ballu kbir li sar f’Parramatta fl-aħħar tas-sena li għalih sa anke attenda l-Kummissarju Għoli għal Malta fl-Awstralja, Francis Tabone.
 
Flimkien ma’ Renato kien hawn ukoll Alison White u Helen Micallef li hi oħt Renato. Fil-ballu, it-tlieta li huma kantaw u tassew ħallew impressjoni tajba ma kull min attenda.

Sa anke is-segretarja ta’ l-Għaqda, Catherine Grech telgħet tkanta ma’ Renato. Renato u sħabu komplew billi żaru l-Gold Coast fejn taw serata oħra u anke kellhom River Cruise. Wara Brisbane marru wkoll f’Melbourne. L- istess serati ħa sehem ukoll Vince Bezzina,  kantant lokali. L-aħħar dehra ta’ Renato  se  tkun   mill-ġdid   f’Sydney