Ahbarijiet mill-Awstralja

It-Tnejn, 29 ta' Diċembru 2008

Aħbarijiet
mill-Awstralja

ma' Lawrence Dimech OAM J.P.
Għal aktar aħbarijiet mill-Awstralja aqraw The Maltese Herald
li toħroġ fl-Awstralja kollha kull nhar ta' Tlieta.

Bqajna barra għal darba oħra

Għal darba oħra il-Maltin ta’ Barra jinsabu ddisappuntanti bil- mod kif qed jiġu injorati fl-għotjiet ta’ unuri li joħroġ il-President tar-Repubblika ta’ Malta f’Jum ir-Repubblika. Malta fakkret il-34 sena minn meta r-Reġina tar-Renju Unit ma baqgħetx il-Kap ta’ l-iStat u Malta fl-1974 saret Repubblika.

Nifirħu minn qalbna lil dawk li dis-sena ġew magħżula biex jidħlu fix-Xirka Ġieħ ir-Repubblika ta’ l-Ordni tal-Mertu u l- Midalja għall-Qadi tar-Repubblika.

Aħna li nafu mill-qrib ix-xogħol utli li jsir mill-Maltin ta’ Barra, liema ħidma kemm il-darba ssir taħt kundizzjonijiet ferm diffikultużi ma nistgħux nifhmu kif ħadd minn dawn il- persuni ma jaslux fil-lista finali tal-President tar-Repubblika

speċjalment meta nafu li l-President preżenti ferm iktar minn kull politiku ieħor għamel żjarat fost il-Maltin ta’ l-Awstralja u jaf u jifhem sewwa l-ħtieġa lil dawk li qed jaħdmu kontinwament għal ġieħ Malta barra minn pajjiżhom ħaqqhom ukoll li jirċievu l-unuri f’Jum ir-Repubblika. Kont wasalt ukoll biex għamilt is-suġġeriment li l-Għoti tax-Xirka Ġieħ ir-Repubblika jkollha sezzjoni speċjali għaċ-ċittadini Maltin li jgħixu barra minn Malta.

Din kienet l-aħħar investitura li mexxa Dr Edie Fenech Adami u kien ikun xieraq li qabel iħalli din l-ogħla pożizzjoni u qabel ma jerġa’ jiġi jżurna fl-Awstralja jkun daħħal fil-lista ta’ l-unuri għas- sena 2008 xi Maltin ta’ Barra.

Għadd ta’ attivitajiet qabel il-Milied

F’dawn l-aħħar ġimgħat ta’ ferneżija, il-ġimgħat ta’ qabel il-Milied u l-aħħar tas-sena il-komunità Maltija tkun mimlija attivitajiet. Ħafna minnhom nisimgħu bihom iżda ma jkunx possibbli li niġbru xi rapporti dwarhom għax ħafna drabi min jorganizza ftit jagħti każ li barra l-membri li jattendu, l-oħrajn li huma fil-maġġoranza jkunu jixtiequ jafu x’qed isir ukoll.

Il-Maltese Welfare (NSW) kellhom l-ikla annwali tal-Milied li dis-sena saret fi Blacktown fejn ġew mogħtija ċertifikati għal dawk li ilhom iktar minn tletin sena u dawk li ilhom iktar minn għaxar snin. Kienet okkażjoni fejn is-segretarja ħabrieka u effiċjenti Maria DeCarlo għalqet sninha.

Il-Membri tal-Maltese Welfare li rċevew ċertifikat għas-snin twal li ilhom f'din il-għaqda: Mix-xellug: Lino Vella, Marlene u Lawrence Dimech, Maria DeCarlo, Antoinette u Mark Caruana.

Il-grupp li attendew l-ikla tal-Milied tal-Maltese Welfare

Din l-għaqda torganizza għadd ta’ laqgħat ta’ informazzjoni tul is-sena u qegħdin jaħsbu wkoll biex il-lejla speċjali Quiet Achievers Night of Recognition li se ssir fit-18 ta’ Marzu 2009 dis-sena tkun waħda memorabbli għax hemm ippreparat programm speċjali. Dawk li jridu jinnominaw lil xi anzjani biex jirċievu l-unur f’din il-lejla għandhom iċemplu: Mobile 0416119100 jew mailto:secretary@maltesewelfare.com

Għaxar snin ilu l-ħabrieki Moses Mifsud ra l-ħolma tiegħu sseħħ meta organizza grupp żgħir ta’ Maltin biex jibdew jilgħabu l-lawn bowls. Kien fis-6 ta’ Diċembru 1998 meta saret l-ewwel lagħqa f’Bexley Bowling Club. Dan il-grupp għamel l-Auburn Bowling Club bħala d-dar tiegħu iżda meta dak il-klabb għalaq f’Mejju 2005, il- Maltese Bowlers Social Group NSW marru f’Rosehill Bowling & Recreation Club fejn għadhom sallum u fejn ftit ilu ċċelebraw l-għaxar anniversarju flimkien ma’ l-ikla tal- Milied u l-Għotjiet annwali tal-kampjonat. Kien nofs ta nhar organizzat mill-aqwa fejn ġew ippreżentati diversi trofew u midalji li dawk li ħarġu rebbieħa waqt logħob li sar tul is-sena.

Victor Fenech, il-President tal-Maltese Bowler irringrazzja lil dawk preżenti speċjalment lill-isponsors Breakaway Travel u The Maltese Herald u lil kull min ta’

Il-membri tal-Maltese Bowlers jiċċelebraw l-għaxar anniversarju

Victor Fenech, President u Anthony Pace-Feraud, Segretarju tal-Maltese Bowlers
Bowler Social Group

daqqa t’id biex kien hemm sena oħra ta’ suċċess. Tony Pace-Feraud, is- segretarju mexxa kollox bil-galbu u għandu jiġi mfaħħar għal mod li jippreżenta n-newsletter regulari lill- membri b’tant informazzjoni u dettalji. Kien hemm wirja ta’ kant mill-JC Choir li ppreżentaw ukoll xi kanzunetti b’tema komika li niżlu tajjeb ħafna ma’ l-udjenza speċjalment is-segment Sisters Act fejn ħarġu libsin ta’ sorijiet.

L-istess JC Choir taħt id-direzzjoni ta’ John Beale u John Xuereb ippreżentaw għall-ewwel darba serata fil-klabb tal- Hamrun f’Marsden Park jiġifieri mhux biss kantaw iżda ppreżentaw żewġ l-programmi bi skeċċijiet miż-żewġ membri tagħhom Doris Caruana u Sam Farrugia. Ġie organizzata wkoll

It-tfal ifakkru t-twelid ta' Ġesù bambin fil-Hamrun Club.

Il-JC Choir jimitaw is-Sister Act mill-film ta' l-istess isem
fil-Hamrun Club.

paġent tal-Milied bit-tfal. Dehret ukoll Dame Edner. Għal din is- serata attendiet ukoll Josephine Zammit Cordina u żewgħa Harry u t-tifel tagħhom Henry li jinsabu l-Awstralja għat-13-il darba u ffilmaw kollox għall-programm tat-TV Malta, Waltzing Matilda.

Il-Maltese Australian Women’s Association ta’ Sydney iċċellebraw ukoll is-37 anniversarju tal-Għaqda tagħhom b’festin f’Depiro House East Sydney fejn kien hemm preżenti wkoll il-mexxejja tal-programm Waltzing Matilda. Il-President tal-MAWA, Pauline Attard ippreżentat rigal lil Josephine Zammit Cordina kif ukoll lil żewgħa u binha li qegħdin jivvjaġġaw magħha.

Il-mexxejja tal-programm Waltzing Matilda żaru wkoll l-inħawi tal-belt ta’ Wollongong fuq inizjattiva li ħa George Bartolo fejn barra li għamlu diversi intervisti ma’ persunaġġi magħrufa f’dawn in-naħat u sintendi għamlu żjara lill-klabb tal-George Cross Falcons f’Gringila fejn ġew milqugħa mill-President ta’ George

Louis Parnis u Josephine Zammit Cordina f'Cringilla NSW

Fiċ-ċentru Malti ta' Cringila, mix-xelluq jidhru Fr L Testa, Louis Parnis,
Henry, martu u Josephine u Harry Zammit Cordina.

Cross Falcons Club, Louis Parnis tħalltu wkoll mal-pensjonanti waqt l-ikla tagħhom ta’ nofs in-nhar. Żaru wkoll il-parroċċa ta’ San Franġisk f’Warrawong li nbniet bil-ħila tal-Maltin. Hawn insibu wkoll lis-sorijiet Franġiskani tal-Qalb ta’ Ġesù. Is-superjura Sr Grace Cini, Fr L. Testa u l-Isqof Peter Ingham li f’Ottubru kien żar Malta ġew intervistati.

Sa fejn naf, għax ma rnexxielix nakkwista l-programm sħiħ taż-żjara, id-diriġenti tal- programm Waltzing Matilda żaru wkoll ċ-Ċentru La Valette f’NSW u marru fil-belt ta’ Perth u Melbourne. Dawn l-intervisti kollha jidhru fil-programm Waltzing Matilda fuq l- istazzjon TV Malta fix-xhur li ġejjin.

Djar tal-Maltin imżejna għal Milied f'Cumberland Road Greystanes NSW. Ħafna Maltin marru jaraw dawn id-djar f'din it-triq u attendew għall-għanjiet annwali tal-Milied li jorganizzaw ħdejn id-dar tagħhom Joe u Doris Caruana. Kien hemm ikantaw il-JC Choir li tassew taw wirja mill-aqwa.

Ġimgħa oħra jkollna rapporti dwar il-festa ta’ San Nikola fi Plumpton u l-festin ta’ l-għaxar anniversarju ta’ l-Għaqda Kulturali Maltija ta’ NSW u attivitajiet oħra. Jekk tieħdu gost taqraw dawn l-aħbarijiet regulari ibgħathom lill-sħabkom jew qrabatkom. Jekk tridu taddu xi kummenti iktbuli lawdimech@optusnet.com.au

Nieħu din l-opportunità biex nixtieq lill-qarrejja numerużi ta’ din il-website, Milied Qaddis u sena mimlija risq u prosperità.

Jekk trid taqra l-artikli ta' dawn il-paġni li dehru qabel
Agħfas Hawn