Bħala ma jagħmlu għadd ta’ Maltin imferrxa ma’ l-Awstralja, il-Maltese Australian Association ta’ Canberra u Quenbeyan iċċelebrat il-festa tal- Vitoria. Iċ-ċelebrazzjonijiet b’ Dinner Dance u li għalih attendew ftit nies mhux ħażin. Fost il- mistednin distinti kien hemm id- Deputat Kummissarju Għoli ta’ Malta, Charles Sultana u Fr Claude Borg. Ma’ Fr Borg kien hemm ukoll il-J C Choir minn Sydney ma’ xi ħbieb tagħhom. Is- sala fejn sar id-dance ġiet imżejna b’ritratti ta’ attivitajiet li saru fil-passat mill-MAA u kien hemm slide show dwar xeni Maltin li baqgħet għaddejja tul il-lejla kollha.

Il-Ħadd wara nofs-in-nhar Fr Claude Borg iċċelebra il-festa tal-Vitoria fil-knisja ta’ San Benedittu ġewwa Narrabundah. Sfortunatament din is-sena l-purċissjoni bl-istatwa tal-Madonna ma ħarġitx minħabba it-temp ikrah. Wara li spiċċaw il-funzjonijiet tal-knisja in-nies preżenti inġabru fis-sala maġenb il-knisja biex jieħdu kikkra tè jew kafè u xi ħelu li ġie pprovdut minn nies li kien hemm preżenti. Waqt li kullħadd kien qed jiekol u jixrob, membru tal-JC Choir beda jkanta kanzunetti folkloristiċi Maltin fuq il-  piano accordion u l-membri l-oħra tal- kor komplew bil-kant miegħu.

Din kienet vera atmosfera sabiħa ħafna u li   tat  pjaċir  lil  kull  min  kien  preżenti,

Għaqda oħra f’NSW li qegħda tikber dejjem u tipprovdi ħafna żvog soċjali u divertiment lill-membri tagħha hija l-Maltese Bowlers Social Group. Dan l-aħħar kellhom il-laqgħa ġenerali annwali fir-Rosehill Bowling Club ta’ Parramatta fejn skond ma qalulna attendew għaliha l-ikbar numru ta’ membri għal dawn l- aħħar għaxar snin, kemm ilu mwaqqaf dan il-grupp.

Il-laqgħa approvat mozzjoni biex il-President, Victor Fenech jiġi maħtur membru għal għomru. Huwa ilu assoċjat ma’ din l- għaqda mill-bidu tagħha u serva dejjem b’żelu u dedikazzjoni li ġibdu r-rispett tal-membri. Victor Fenech issa ngħaqad ma’ Moses Mifsud bħala t-tieni membru għal għomru ta’ din l- għaqda. Fred Fardell ġie wkoll maħtur bħala l-umpire u Robert Stewart bħala l-coach. Il-kumitat ġie maħtur hekk:

President: Victor Fenech, Viċi President: Tony Cini, Segretarju: Tony Pace-Feraud, Kaxxier: John Sciberras, Bowls Secretary: Lina Role’, Social Organiser: Mary Nicholson, Public Relations Officer: Lilian Attard, Membri: Michael Vassallo u Mary Pace-Feraud

Ikun tajjeb jekk nagħtu ħarsa lejn ix- xena tal-futboll fl-Awstralja fejn għadna timijiet b’affinità qawwija mal-komunità Maltija. Fl-iStat ta’ Victoria fejn għandna lis-Sunshine George Cross, l-eqdem tim tal-futbal Malti fl-Awstralja li għadu jieħu sehem f’xi kampjunat, rebħu l-kampjunat ta’ l-iState League u għalhekk ġew promossi fl-ogħla diviżjoni jiġifieri l- Premier League fejn se jingħaqdu mat- tim tal-Green Gully li kellhom ukoll staġun pożittiv billi spiċċaw l-ewwel u rebħu l-premiership iżda ma marrux tajjeb wisq fis-serje taċ-Championship.
 
F’NSW fejn għandna lil PCYC Parramatta Eagles (qabel kienu Melita  Eagles) spiċċaw il-League fit-tieni post u rnexxielhom jidħlu wkoll fil-Grand Final iżda tilfu l-aħħar logħba 1-2 fil-ħin barrani.

Ftit ilu kellhom l-Presentation Night għall- plejers kollha kemm tal-Youths u l-kbar. Madwar 350 persuna mlew il-Westella Ballrooms f’Lidcombe fejn kemm Chris Gardiner c-CEO u anke l-coach anzjan Jason Falzon stqarru li l-istaġun 2008 kien wieħed ta’ suċċess. Il-Players’ Player of the Year rebħu l-Malti, Ben Delicata li wkoll hu l-kaptan tat-tim. Iżda għat-tieni staġun wara xulxin Foootball NSW irrifjutaw li jtellgħu lil PCYC Parramatta   Eagles   fil-Premier  Division