Fil-politika

 Ir-riżultat ta’ l-elezzjoni federali li kien rebħa assoluta għall-Partit Laburista fakkarna kemm persuni ta’ demm Malti jew oħrajn mħallta biz-żwieġ magħna nsibuhom ukoll f’din l-isfera fejn daqs il-kantanti għandhom ukoll talenti speċjali.
 
L-ikbar suċċess bla dubju huwa dak ta’ Chris Bowen MP li għalkemm din kienet t-tieni elezzjoni tiegħu, u fl-eta ta’ 34 sena ġie maħtur Assistant Teżorier u Ministru għall-Politika dwar il-Kompetittività u Affarijiet tal-Konsumatur, Chris Bowen miżżewweġ Maltija u jitla’ mid-distrett ta’ Prospect fejn għandna joqgħodu eluf ta’ Maltin.
 
Kien hemm ukoll Mark Buttigieg, kandidat ieħor Laburista li għalkemm ma ġiex elett fid-distrett ta’ Cooks (NSW) iżda żied sostanzjalment il-vot tiegħu.
 
David Bradbury hu isem ieħor li sploda fi-xena politika. Huwa kien Kunsillier fil- Kunsill Lokali ta’ Penrith u issa daħal għall-politika federali. Huwa rebaħ l-elettorat kontraversjali ta’ Lindsay (naħat ta’ Penrith NSW) fejn kienet tirrenja l-eks Ministru Jackie Kelly. Kienet rebħa kbir għal dan il-politiku ta’ nisel Malti li ommu twieldet Ħaz-Żabbar.

 Materjali velenuż

 Festa ta’ San Nikola

 Il-festi ta’ Malta, kif nikteb kemm- il darba jiġu ċċelebrati fl-Awstralja wkoll. Jien mhux xi wieħed li mmur dawn il-festi li sfortunatement anke hawn ma għadhomx jattiraw il-mijiet li kienu jagħmlu qabel iżda ftit ilu mort fis-subborg ta’ Plumpton għall-festa ta’ San Nikola fejn iltaqjna mal-ħabrieki President Bill Schembri, l-PRO Jim Borg u membri oħra tal-kumitat li jaħdmu bi shih biex inferrħu lis-Siġġiwin ta’ NSW.

Għal festa kien hemm quddiesa mill-kappillan tal-knisja, Good Shephard ta’ Plumpton, Fr Henry Paul OFM Cap waqt li l-priedka saret minn Fr Benedit Sant MSSP.
 
L-istatwa ta’ San Nikola inħarġet mill-knisja fejn tħalliet barra. Kien hemm ukoll il-banda Maltija OLQP u l-kor ta’ l-Għaqda Kultural Maltija ta’ NSW u JC Choir. Fit- tmiem sar ukoll il-logħob tan-nar. Dejjem titgħallem xi ħaġa ġdida. Sirt naf li l-qaddis Malti Dun Ġorġ Preca għandu konnessjoni sewwa mas-Siġġiewi għax il-ġenituri tiegħu u n-nanniet tiegħu jinsabu midfuna fil-knisja tas-Siġġiewi.

 Daħq u varjetà

 Il-Maltese Past Pupils ta’ Don Bosco (NSW) kull sena jippreżentaw kunċert varjat biex ikomplu jiġbru l-flus għall- karità. Dis-sena fi Greystanes ippreżentaw “Way Back When” fejn ħadu sehem membri ta’ din l-għaqda iżda l-iktar li ppresjonaw kienu l-għadd ta’ żgħażagħ li ħadu parti attiva fuq il- palk. Fetaħ il-kunċert il-President il-ġdid, Victor Grech meta ta’ merħba lil kulħadd.

Iz-zfin mit-tfal mill-familja Mamo u mill-familja Micallef/Gallgher kien ferm addattat. Fil-fatt, iktar kien hemm tfal u żgħażagħ fuq il-palk, xi ħaġa rari fil- komunità’ Maltija. Il-kunċert kien mimli skeċis mill-films li ddawru f’atti komiċi fejn għal darba oħra bbrillaw Joe Fabri u Charles Micallef. Ħa sehem ukoll il- kantant Joe Galea. Is-sala kienet mimlija b’udjenza entużjażmata li ma qatgħu xejn ikantaw u jiżfnu ma’ dak li kien qiegħed isir fuq il-palk.

 It-tagħlim tal-Malti fl-Awstralja

 It-tagħlim tal-lingwa Maltija f’NSW qiegħed dejjem ikompli miexi ‘l quddiem. Għalkemm waqt iż-żjara tal-Prim Ministru Gonzi f’NSW xi għalliema iddeċidew li jiftħu xi żewġ klassijiet għar- rashom, l-iskola mmexxija mill-Maltese Community Council of NSW iktar ħadet spinta ‘l quddiem għax issa jidher li l- aċċent hu iktar fuq l-istudenti u mhux fuq l-għalliema.

Il-MCC sa anke offrew term mingħajr ħlas għax ħassew li l- istudenti għandhom jibbenefikaw mill- għaqal amministrattiv ta’ qabel fejn daħlu l-finanzi.

Għas-sena l-ġdida ħabbru ukoll rati ferm irħas milli qatt kien hawn f’NSW. F’dan ir-ritratt jidhru studenti (u xi għalliema) fil-klassijiet li jsiru f’Horsley Park. Għalkemm mhux l-istudenti kollha jidhru f’dan    ir-ritratt    iżda    bla    dubju    hu