allmalta.com - Ahbarijiet mill-Awstralja

It-Tnejn, 12 ta' Novembru 2007

Aħbarijiet
mill-Awstralja

ma' Lawrence Dimech OAM J.P.
Dawn l-aħbarijiet jidhru wkoll fil-gazzetta f'Malta "l-orizzont" (kull nhar ta' Tnejn) u
f'The Maltese Herald, il-gazzetta nazzjonali tal-Maltin fl-Awstralja.

Tagħrif dwar
iċ-Ċittadinanza Awstraljana u Maltija

Il-Maltese Welfare NSW Inc, organizzaw lejla ohra ta’ informazzjoni fejn gie mogħti tagħrif siewi dwar it- tibdiliet importanti li dahlu fis-seħħ dan l- aħħar li jolqotu ċ-ċittadinanza Awstraljana, kif ukoll iċ-ċittadinanza Maltija. Lawrence Dimech mexxa din il- lejla li għaliha attendew mas-70 ruħ.

L-ewwel kelliem mistieden kien Michael Crighton mid-Dipartiment tal- Immigrazzjoni u Ċittadinanza li spjega bid-dettall ir-riformi ġodda biex wieħed jakkwista ċittadinanza Awstraljana li

issa jinkludi t-test għal dawk l-emigranti taħt is-60 sena. Semma’ wkoll ir-riformi li saru fil-liġi Awstraljana li jolqtu lil dawk it-tfal minn ġenituri Maltin li twieldu l- Awstralja iżda marru jgħixu Malta għal kollox.

Fl-assenza tal-Kummissarju Għoli, Francis Tabone li kien imsiefer, tkellmet Joanna Pisani, Konslu Ġenerali ta’ Malta fi NSW li fissret sewwa dwar min u kif wieħed jista’ jakkwista ċittadinanza Maltija u ċċarat ħafna punti li dwarhom kien hemm bżonn ta’ iktar informazzjoni.

Xi uħud minn dawk li attendew għal-lejla ta' tagħrif dwar iċ-ċittadinaza. It-tieni mix-xellug
fl-ewwel filliera tidher il-Konslu Ġenerali, Joanna Pisani u ħdejha oħtha Graziella..

Michael Crighton
mid-Dipartiment Awstraljan taċ-Ċittadinanza

Dan is-suġġett qajjem ħafna interess ma’ dawk preżenti. Kien hemm ħafna li għamlu mistoqsijiet f’waqthom li għalihom ġew mogħtija t-tweġibiet u tagħrif neċessarju mill-kelliema tal-lejla.

Dan is-seminar sar fil-Parish Centre tal- Knisja ta’ Our Lady Queen of Peace fi Greystanes u ġie organizzat mill- Maltese Welfare NSW Inc. Tħabbar ukoll li seminar ieħor għandu jsir fil-12 ta' Diċembru fejn il-kelliemi se jkun il-Prof Godfrey Pirotta mill-Università ta' Malta.

Ħanut Malti fil-belt ta’ Sydney

Immaġina f’waħda mill-isbaħ bliet tad- dinja, fiċ-ċentru sewwa tan-naħat tan- negozju u kummerċ għandek isib ħanut tal-Maltin. Ħanut fejn tista’ tiekol tużżana pastizzi u ikel ieħor Malti. Iva, fis-CBD ta’ Sydney hemm il-Café Valletta. Ktibna fil-qosor dwar din l-

avventura kuraġġuża ta’ koppja Għawdxija, Joe u Miriam Portelli li għażlu li jiftħu ħanut mhux f’xi subborg imma fil-qalba tal-belt ta’ Sydney.

Joe ġej minn linja ta’ nies imdaħħla sewwa fin-negozju tal-hotels għax

Il-ħanut Cafe' Valletta minn ġewwa.

Waħda mill-pitturi kbar b’xena ta’ Malta fil-ħanut Café Valletta

Cafe' Valletta fil-qalba tal-belt ta' Sydney.

missieru John beda l-Hotel Calypso u nannuħ Paul id-Duke of Edinburgħ Hotel f’Għawdex. Il-mara tiegħu Miriam ukoll ħadmet fl-industrija tal-catering u n- nannu tagħha kien imexxi l-Victoria Hotel. Esperjenza utli ħafna li qed jipprattikawha fil-Café tagħhom f’Sydney.

Il-koppja Portelli emigraw lejn l-Awstralja għall-ewwel darba fl-1987 iżda rritornaw lejn Għawdex darbtejn. Sitt snin ilu ġew lura determinati li din id-darba jissetiljaw permanenti f’Sydney. Qabel ma fetħu f’Sydney kellhom Bakery Café fis- subborg ta’ Annandale.

Joe u Miriam qaluli li pajjiżna Malta haqqha jkollha rappreżentazzjoni f’Sydney u għalhekk għażlu isem li jkollu rabta’ sħiħa mal-Maltin u Għawdxin. Huma jittamaw li dan il-Café jistabbilixxu ruħu bħala l-post fejn jiltaqgħu l-Maltin u Għawdxin meta jżuru l-qalba tal-belt ta’ Sydney speċjalment dawk minn Stati oħra u anke viżitaturi minn Malta. Meta kienu f’Sydney il-Prim Ministru, Dr Lawrence Gonzi u martu kienu minn ta’ l-ewwel li żaru Café Valletta. Fil-ħanut tistgħu taraw żewġ pitturi kbar b’xeni ta’ Malta.

Il-propjetarji Joe u Miriam qalulna li jekk xi Maltin ikun jridu jieklu la Maltija għandhom jgħarrfuhom minn qabel. Café Valletta jinsab 12-14 O’Connell Street Sydney Tel: 02 9235 0455.

Nirringrazzjaw lill-anzjani Maltin

Għal dawn l-aħħar 14-il sena f’Sydney tiġi organizzata l-Maltese Elderly Thanksgiving Day minn grupp ta’ nisa taħt it-tmexxija tas-soru Maria Ann Grima u Maria Grima.

Dis-sena dan l-avveniment sar fil-Red Gum Function Centre f’Wentworthville u gibed lejh għadd kbir ta’ anzjani minn Day Care Centres, Hostels u Nursing Homes u oħrajn li jgħixu weħidhom.

Il-programm li kien imexxi minn Antoinette Mascari beda b’quddiesa mill-Mons Carmelo Refalo, l-Arċipriet tax-Xagħra Għawdex u Fr Leonard Testa.

Fost il-ħafna mistednin kien hemm il- Konslu Ġenerali f’NSW Joanna Pisani u Alan Cadman MP. L-iktar żewġt ixjuħ preżenti kienu Doris Pace ta’ 97 sena li tgħix fid-dar ta’ San Duminku u Thomas Galea ta’ 93 li qasmu l-kejk ta’ l- okażjoni. Kien hemm ukoll divertiment minn kantanti Maltin. Dan il-jum għall-

Il-kumitat organizzattiv tal-Maltese Elderly Thanksgiving Day flimkien ma'
Mons. Carmelo Refolo.

anzjani Maltin f’Sydney sar mhux biss popolari iżda jferraħ lil ħafna anzjani

isolati li jkollhom din l-okażjoni biex jiltaqgħu flimkien.

Logħba tal-boċċi

The Maltese Bowlers Social Group ta’ NSW huma attivi ħafna u qed jipprovdu ħafna attivitajiet lill-Maltin dilettanti tal-logħob tal-boċċi li jintlagħab fuq il-ħaxix (lawn bowls) Grupp ta’ madwar 46 ivjaġġaw iktar minn tlett siegħat f’coach u karozzi biex immorru jilgħabu f’Callala Beach RSL Bowling Club. Il-grupp ta’ Maltin tilfu 84-115 iżda qaluli li kien jum soċjali mill-aqwa għax il-klabb ta’ Callala laqgħuhom tassew u kemm il-vjaġġ lura u l-high tea kienu mill-aqwa. Il-grupp tal-Maltin spiss imorru jilgħabu kontra gruppi oħra f’diversi lokalitajiet madwar NSW u l-membri dejjem jieħdu pjaċir għax iqisuhom bħala xalata.

Il-grupp tal-Bowlers Maltin flimkien ma' l-avversarji tagħhom minn Callala Beach.