allmalta.com - Ahbarijiet mill-Awstralja

It-Tnejn, 22 ta' Ottubru 2007

Aħbarijiet
mill-Awstralja

ma' Lawrence Dimech OAM J.P.
Dawn l-aħbarijiet jidhru wkoll fil-gazzetta f'Malta "l-orizzont" (kull nhar ta' Tnejn) u
f'The Maltese Herald, il-gazzetta nazzjonali tal-Maltin fl-Awstralja.

Konferenza Nazzjonali għat-tagħlim tal-Malti

Kienet bla dubju Konferenza li tista’ tħalli ħafna ġid għat-tixrid ta’ l-ilsien Malti u l-kultura Maltija għall-ġejjieni. L- iskejjel tal-Malti fl-Awstralja ilhom organizzati għal ħafna snin iżda f’dawn l- aħħar snin meta t-tagħlim tal-Malti fl- Awstralja beda jidher li qiegħed jieħu skoss ‘l isfel inħasset il-ħtieġa li tiġi organizzata konferenza nazzjonali biex tiddiskuti diversi aspetti tat-tagħlim tal- lingwa u l-kultura, biex teżamina dak li qiegħed isir u biex ikun hemm sforz f’direzzjoni aħjar għall-futur.

Fil-konferenza li saret fil-Kanċellerija tal- Kummissjoni Għolja ta’ Malta f’O’Malley fil-belt kapitali ta’ Canberra attendew persuni interessanti, kemm għalliema, amministraturi u oħrajn mill-iStati ta’ NSW, Victoria, North Queensland, South Australia, Western Australia, l- ACT u New Zealand.

Wara z-żjara riċenti tal-Prim Ministru Dr Lawrence Gonzi, il-Gvern Malti għoġbu jgħin finanzjarment lill-konferenza billi ta għotja ta’ Lm2,000 ($A8,000). Kien hemm xi għajnuna wkoll mill-Ministeru ta’ l-Edukazzjoni, il-BOV u l-Kunsill Malti ta’ NSW.

Il-Prim Ministru Gonzi bagħat ukoll messaġġ speċjali lill-Konferenza li nqara mill-Kummissarju Għoli Francis Tabone. Il-Prim Ministru qal li l-emigranti huma sors ta’ tiġdid tat-tradizzjonijiet u l- kultura waqt li fakkar li se jwaqqaf grupp ta’ persuni esperti minn Malta li l-għan tagħhom ikun biex irawmu u jagħtu appoġġ it-tixrid tal-Malti f’pajjiżi bħal l-Awstralja.

Il-Kummissarju Għoli Francis Tabone qal li din il-konferenza laqgħet 33 rappreżentant minn seba’ skejjel tal- Malti u tnejn fil-formazzjoni tagħhom li marru Canberra minn sitt stati ta’ l- Awstralja. Il-Kummissarju Għoli talab li l-

Xi wħud mid-delegati li attendew il-konferenza f'Canberra.

konferenza tapprova fil-prinċipju t-twaqqif ta’ Federazzjoni Nazzjonali ta’ l-Iskejjel tal-Malti u fil-fatt dan is-suġġeriment ġie approvat mid-delegati kollha tal- konferenza.

Frank Scicluna, il-Konslu Onorarju ta’ Malta f’South Awstralja ħadem ħafna

Frank Scicluna

biex din il-konferenza tirnexxi u għalhekk kien ħaqqu li jmexxiha. Ġie mogħti wkoll l-inkarigu li jfassal abbozz ta’ kostituzzjoni li fuqha għandha timxi l- Federazzjoni l-ġdida.

Il-konferenza semgħet diskors mirqum minn Roderick Bovingdon dwar l-oriġini tal-lingwa Maltija u l-iżvilupp tagħha tul is-sekli. Sar diskors minn Victor Vella, iċ-ċerman tal-Maltese Language School ta’ NSW dwar kif fil-fehma tiegħu għandu jiġu mgħallem il-Malti. Iż-żewġ diskorsi flimkien mad-deliberazzjonijiet aħħara ppreżentati b’mod professjonali minn Dr Carmen Dalli, il-Konslu Onorarju f’New

Zealand, kienu bla dubju l-waqtiet ewlenin ta’ din il-konferenza.

Il-konferenza kellha wkoll ħin għal workshops fejn ġew diskussi punti speċifiċi bħal amministrazzjoni, żvilupp ta’ kurrikulum u tagħlim tal-lingwa. Fuq in-naħa soċjali l-Kummissarju Għoli organizza għad-delegati u xi mistiedna oħra pranzu stupendi fil-residenza tiegħu waqt li Fred u Ann Flask ta’ l-Għaqda Maltija ta’ ACT offrew final ta’ ħbiberija, ikel u divertiment waqt BBQ fid-dar sabiħa tagħhom fis-subborg ta’ Gordon ACT. Kull minn attenda għal din il-konferenza ġie mogħti ċertifikat iffirmat mill-Kummissarju Għoli Francis Tabone u Frank Scicluna, il-ko-ordinatur.

Għalkemm din il-konferenza saret fid-dell ta’ qasma kera u embarrazzanti fl- iskola ta’ Malti f’NSW, id-delegati preżenti rnexxielhom jgħaddu jumejn qisu ma gara xejn waqt li kien hemm ħafna diskorsi dwar għaqda, kommunikazzjoni, ko-operazzjoni u fiduċja.. Attentat biex jiġi influwenzat l- isem tal-proposta Federazzjoni jidher li ma rnexxiex.

Banda unika u speċjali

Il-komunità Maltija ta’ NSW ġiet wiċċ imb’ wiċċa mal- banda Skorba meta dawn ta’ wirja speċjali fil-Quiet Achievers Night of Recognition 2006 fis-Sala Annunciation tal-Hostel San Duminku ta’ Blacktown. F’dan l-avveniment organizzat kull sena mill-Maltese Welfare (NSW) dejjem jiġi introdott xi talent ġdid. Minn dak in-nhar ‘l quddiem SKORBA baqgħu dejjem sejrin ‘l quddiem. Daqqew b’suċċess kbir ukoll fil-New England University f’Armidale waqt il-konferenza dwar Malta tal-Country Women’s Association.

Dan ix-xahar kienu prominenti wkoll fil-Global Carnival ta’ Bellingen NSW. The Maltese Herald iddiskrivit din il-banda bħala waħda li ddoqq il-mużika antika ta’ Malta. Barra l-kant speċjali li jkantaw dwar it-tempji magħrufa ta’ Malta, din il- banda dejjem turi immaġini ta’ Malta fuq skrin kbir matul il- kunċerti tagħhom.

Andy Busuttil il-mexxej ta’ din il-banda, Malti tat-tieni ġenerazzjoni qalli kemm jinsab aċetat u kburi għax f’kull kunċert li jdoqqu jara interess qawwi dwar it-tempji storiċi ta’ Malta u s-sbuħija tal-lingwa Maltija mhux mill-Maltin tat-tieni u t-tielet ġenerazzjoni biss iżda mill-Awstraljani wkoll.

Skorba għandhom ukoll jieħdu parti fil-Festival of the Olives f’Elizabeth Farm Parramatta u f’Folkus Room f’Canberra. Andy Busuttil qalli wkoll li jillonċjaw c-CD tagħhom fil-Blue Mountains f’kunċert speċjali li qed jorganizzaw. Huma qed jippjanaw serje ta’ programmi speċjali għall-komunità Maltija ta’ Sydney, Melbourne u Brisbane tul is-sena 2008. Skorba hija banda unika mmexxija minn Andy Busuttil, Malti tat-tieni

Il-banda Skorba

ġenerazzjoni li ddoqq mużika etnika ta’ Malta b’ħoss tassew oriġinali bbażata fuq r-ritmu ta’ l-għana Malti. Fuq kollox, il- kunċerti tagħhom huma wirja assoluta dwar is-sbuħija tat-tempji u l-lingwa Maltija bil-mod kif jipproġettaw xeni ta’ Malta bħala sfond fuq l-iskrin.

Mogħti ċertifikat
ta’ apprezzament

Il-ħabib tagħna Paul Lapira minn Highland Park Queensland ma jixba’ qatt jippromovi Lil Malta f’dak li Stat iżda dan l-aħħar l-isforzi tiegħu flimkien max-xogħol dedikat fost il-komunità ġenerali ġew mogħtija għarfien mill-Membru Federali għal Moncrieff, Steven Ciobo MP li għal dawn l-aħħar sitt snin ilu jorganizza il-Moncrieff Community Awards.

Ftit ilu Paul Lapira magħruf bħala l-Marathon Man kien wieħed minn dawk il- magħżulin li f’Nerang Bi Centennial Community Centre irċieva ċertifikat ta’ apprezzament. Bħas-soltu Paul Lapira mar armat bil-bandiera Maltija biex juri kemm hu kburi bil-pajjiż li twieled fih u bil-bandiera Awstraljana bħala xhieda ta’ kif assimila mal-ħajja lokali.

Paul Lapira huwa anzjan li għadu kemm għalaq 80 sena, Malti ta' karattru ferrieħi, ħabrieki u ta' stamina enormi. Paul twieled il-Belt Valletta u jiftakar sewwa l-qilla tal- gwerra li tant ħakmet lill-belt ta' kapitali ta' pajjiżna. Paul Lapira sar magħruf ħafna fin-naħat tal-Gold Coast (QLD) fejn joqgħod u spiss jieħu parti f'ħafna attivitajiet komunitarji. Dejjem jieħu l-opportunità biex juri kif għandha taħdem tajjeb l- integrazzjoni għax Paul jiftaħar li hu kburi li hu Malti u Awstraljan ukoll. Personalità li ma tistgħax tinsiha.

Paul Lapira

Għall-ħarsien tal-lingwa

Ftit ilu l-Għaqda Storika Maltija ta’Melbourne organizzaw Language Immersion Morning. L-għan ta’ dan l- avveniment kien biex l-istudenti jinħargu mill-ambjent ta’ klassi fl-iskola u jipparteċipaw f’attivitajiet li jagħlmuhom fuq il-kultura u l-istorja ta’ Malta. Dawn l- attivitajiet huma mmexxija kemm jista’ jkun bil-lingwa Maltija biex l-istudenti jisimgħu l-Malti mitkellem.

L-istudenti li jitgħallmu l-Malti fi Brimbank College, fergħa tal-Victoria School of Languages u l-MCC ta’ Victoria iltaqgħu kollha fiċ-Ċentru Malti ta’ Parkville. Il-kumitat ta’ l-Għaqda Storika ħejja attività skond l-eta’ ta’ l- istudenti. L-istudenti żgħar raw u tagħlmu fuq il-kostumi ta’ l-antik imbagħad libsu pupi tal-kartun. Wara ħadu sehem fil-logħob tat-tfal ta’ l-antik bħal passju, iċ-ċirku, kant u rimi popolari Maltin.

L-istudenti l-kbar ħadu sehem f’writing workshop fil-lingwa Maltija, diskussjoni fuq Ħagar Qim, il-Piramidi min kien l-

Il-Language Immersion Morning ta' l-Għaqda Storika Maltija ta' Melbourne.

ewwel? u taħdita fuq s-sehem li kellha Malta waqt it-tieni gwerra dinjija. Kienu tlett siegħat b’ħafna attivitajiet ta’ siwi u dehen lill-Għaqda Storika li

organizzathom. Meta l-Prim Ministru ta’ Malta Dr Lawrence Gonzi u martu kienu f’Melbourne dawn l-aħħar attendew għal din l-attività (ara ritratt).