F’Melbourne u Canberra

 F”Melbourne jiċċelebraw ukoll bil- kbir. Il-festa annwali ta’ Maria Bambina tiġi organizzata mir-Reskeon Maltese u s-Seniors Group ta’ din l-assoċjazzjoni flimkien ma’ l-MSSP. Saret quddiesa fiċ- Ċentru Malti ta’ Parkville. Wara kien hemm is-St Albans Melita Band. Ix- Xagħra Maltese Association ukoll iċċelebraw billi organizzaw quddiesa fiċ- Ċentru ta’ Albion u wara kunċert mill-Maltese Own Band.
 
Il-festa prinċipali saret fil-knisja ta’ St Michael f’North Melbourne. Qaddisha l- Isqof Hilton Deakin flimkien ma’ għadd ta’ saċerdoti Maltin. Ha sehem il- Maltese Choir of Victoria. Fost dawk preżenti attendew il-Konslu Ġenerali, Angele Azzopardi u l-President tal-MCC ta’ Victoria, l-avukat Victor Borg. Saret il-purċissjoni fl-istatwa artistika ta’ Maria Bambina fit-toroq ta’ madwar il-knisja akkumpanjata mill-Maltese Own Band u St Albans Melita Band.
 
Fil-belt Kapitali ta’ Canberra ssir ukoll il- festa   ta’   Maria  Bambina  organizzata

 F’Mackay Qld

 Il-festa tat-8 ta’ Settembru ġiet iċċelebrata wkoll f’Mackay fit-tramuntana ta’ Queensland fejn f’dawn in-naħat beda l-qtugħ tal-kannamieli u fejn tista’ tgħid bdiet l-immigrazzjoni minn Malta madwar is-sena 1883. F’dawn in-naħat dħalna fil-ħames u sitt ġenerazzjoni ta’ Maltin.
 
Ġie organizzat dinner-dance mill- Mackay Maltese Club Inc li fih ha sehem il-magħruf kantant Malti Joe Galea li tela’ MacKay apposta biex ikanta u jferraħ bil-viċi qawwija tiegħu lil dawk preżenti li tawh applawsi kbar. Kien hemm ukoll quddiesa mill-Isqof Brian Heenan fejn ħadu sehem fiha tfal ta’ l-iskola . Wara ħarġet l-istatwa tal- Bambina fit-triq qrib fejn hemm d-Dar tax-Xjuħ (Francis of Assisi) li hi mmexxija mis-sorijiet Maltin Franġiskani tal-Qalb ta’ Ġesù.

 L-Arċipriet tax-Xagħra

 Festa kbira tiġi ċċelebrata wkoll fis- subborg ta’ Greystanes NSW kif ilha ssir għal dawn l-aħħar 42 sena.. Dawn joħorġu ktejjeb mill-aqwa kkordinat minn ħabibi Emmanuel Grima li tassew jagħmel unur lill-organizzaturi OLQP Festa Committee. Il-ktejjeb mhux biss fih programm tal-festa iżda jkopri fih għadd ta’ artiklu interessanti.

Fil-ktejjeb din id-darba kien hemm l- aħbar li għal festa kien hawn fostna l- Mons Carmelo Refalo, l-Arċipriet tax-Xagħra, Għawdex. Fil-ktejjeb ġew imfakkra ukoll żewġ personalitajiet lokali. Mro Joseph Darmanin li beda l- banda f’din il-parroċċa u dis-sena ħabtet l-ewwel anniversarju tal-mewt tiegħu u Fr Michael Camilleri wieħed mill-pijunieri li ilu mejjet għaxar snin. Fil-kumpless tal- knisja ta’ Greystanes għandha bħala memorja tiegħu, il-Camilleri Hall.

Semmajna li fostna fl-Awstralja hawn l- Arċipriet tax-Xagħra, Mons Refalo. L- Għawdxin kollox jagħmlu b’ħafna ħsieb u ż-żjara ta’ dan l-Arċipriet ħadet hajja daqs meta kellna fostna l-Prim Ministru Gonzi. Tista’ tgħid mar kullimkien.

 Ilmenti

 Waħda mill-gazzetti Awstraljani ta’ kuljum ikkritikat lil John Aquilina MP għax skond din il-gazzetta dan il- Membru Parlamentari Statali pprova jwaqqaf negozju ta’ houseboat taħt l- isem ta’ Paradise Afloat li takkomoda nies b’diżabilità’ għax qed tkun ta’ tfixkiel għal paċi u s-serħan tiegħu qrib fejn għandu dar ta’ btala.
 
Is-sena l-oħra John Aquilina MP ipprova jniedi kampanja biex dan in-negozju ma jkomplix. Huwa qabbad ditta ta’ konsulenti biex tħejji rapport għall-Kunsill ta’Baulkham Hills dwar dan in- negozju li skond is-sid tiegħu ilu jitħaddem mis-sena 2000 mingħajr ilmenti. Iżda jidher li meta fis-sena 2002,

John Aquilina xtara dar ħdejn fejn topera din il-kumpanija huwa kkuntattja lill- Kunsill Lokali għax sab li ma hemmx il- permessi kollha meħtieġa.
 
Darren Osmotherly li jmexxi l-Paradise Aflote qal li għandu il-permess mill- Waterways Authority biex iħaddem in- negozju tiegħu iżda ma kellux kuntatt mal-Kunsill tal-lokal għax billi hu jmexxi “river business” ħaseb li ma għandux bżonn permess mill-Kunsill. John Aquilina MP qal li huwa kontra n- negozju għax ma hemmx permessi u n- negozju kiber tant li issa hemm restaurant u ħanut li qed jattiraw ħafna inġenji tal-baħar u karozzi madwar id-dar tiegħu.