Cross Falcons Club ħadet sehem ukoll. Sitt studenti ppreżentaw qari dwar Malta ikkomponut minn Chris Micallef rigward l-għoti tal- George Cross lil Malta għall- qlubija tal-Maltin fit-Tieni Gwerra Dinjija. Għamel wkoll diskors qasir il-prinċipal ta’ l- iskola is-sur Leli Fenech.
 
Intwera dokumentarju ta’ ftit minuti dwar il-gwerra f’Malta li ġie milqugħ sewwa minn dawk  preżenti,  speċjalment

kumitat ħaqqhom prosit tassew għall- organizzazzjoni u għall-isforz li għamlu biex din il-funzjoni tirnexxi daqstant.
 
F’Melbourne ukoll saru ċerimonji jfakkru l-għotja tal-George Cross, 65 sena ilu. The Maltese Ex-Services Association ta’ Victoria organizzaw ċerimonja fiċ-Ċentru Malti ta’ Parkville waqt li l-Maltese Australian Association ta’ Victoria organizzaw ċerimonja ħdejn il-mafkar impressjonanti, Shelter of Peace li jinsab fil-qalba ta’ Melbourne. Għaż- żewġ ċeremonji attendiet il-Konslu Ġenerali f’Melbourne, Angele Azzopardi.

 Iktar proġetti ta’ Dr Victoria Borg

 Dan l-aħħar f’Melboure ġie illonċjat il-Maltese Connection Project li għandu mira biex jgħin lill-membri tal- komunità Maltija fid-diffikultajiet li ħafna jħabbtu wiċċhom magħhom ta’ kuljum.
 
Din hija inizjattiva oħra ta’ l-Università ta’ Victoria bl-għajnuna ta’ Dr Victoria Borg, psikoloġista minn St Albans. Dr Borg qalet li l-komunitajiet Maltin kemm fl- Awstralja u anke f’Malta qegħdin iħabbtu wiċċhom ma’ diversi diffikultajiet kemm soċjali, ekonomiċi, medikali, kulturali u psikoloġiċi. Qalet li hija ħrafa li l-komunità Maltija drat sewwa fl-Awstralja għax skond ir-riċerka li għamlet fost il-komunità sabet mod ieħor.
 
Qalet ukoll li qed issib li ħafna mill-problemi qegħdin jerġgħu jispuntaw. “Ħafna huma dawk li jaħsbu li stabbilixxew ruħhom iżda fuq livell psikoloġiku sibt li qegħdin f’xifer il-ħajja.”
 
Il-proġett ta’ Dr Borg jista’ jiġi applikat għall-komunitajiet mhux biss fl-iStat ta’ Victoria iżda bħala mudell f’naħat oħra, anke Malta. Hija diġà kkomunikat mal- komunitajiet Maltin tal-Kanada u USA. Dr Borg kienet inizjalat proġett ieħor “Koala Bear” li illonċjat hija stess f’Għawdex fejn qassmet mijiet ta’ ġugarelli Koala biex ittaffi xi ftit it-trawma ta’ dawk li għandhom isofri mill-firda kawża ta’ l-emigrazzjoni.

 Discovery Tour

 Iż-żjarat lejn Malta miż-żgħażagħ Awstraljani imwielda minn ġenituri Maltin, biex ngħidu hekk saru moda. Id- Discovery Tour of Malta 2006 inizjattiva tal-Maltese Community Council Victoria u bil-ħeġġa ta’ Edwina Mallia kien suċċess. Kienet żjara organizzata ta’ tlett ġimgħat u dawk li ħadu sehem kienu studenti ta’ dixxendenza Maltija. Fost dawn kien hemm tlett studenti li rnexxielhom jispiċċaw studji fl-Università ta’ Malta bħala “credits” għall-korsijiet li qegħdin jagħmlu f’Victoria.
 
It-Tour għandu wkoll l-appoġġ ta’ Victoria University fejn skond ma rrapportat Edwina Mallia, Helen Borland ta’ l-Università tablet biex isir tour simili dis-sena tant li diġà bdew jirriklamaw biex jattiraw studenti li jixtiequ jżuru Malta.
 
Il-grupp ġie mogħti ħafna attenzjoni f’Malta tant li kienu mistieden għal ikla għand fir-residenza tal-High Commissioner Awstraljan, għamlu żjara ta’ kortesija mal-President Edward Fenech Adami u għamlu żjarat oħra organizzati lejn għadd ta’ attrazzjonijiet ta’ natura kulturali u edukattiva f’Malta u Għawdex. Waqt il-laqgħa għand il-President kien hemm preżenti l-E.T Francis Tabone, il-Kummissarju Għoli għal Malta fl-Awstralja.
 
Il-grupp kellhom ukoll tlett lectures dwar suġġetti differenti, Dr Lydia Scriha dwar il-lingwa Maltija, Prof Carmel Cassar dwar l- Inkwiżizzjoni u Prof Henry Frendo dwar il-passat u Malta tal-lum.
 
Edwina Mallia qaltli li l-istudenti jħallsu l-passaġġ tagħhom iżda kienet grata ħafna għal Għaqda Malta Star of the Sea li għenu biex bagħtu waħda mill-istudenti.

 Il-Maltin fl-Anzac Day

 Il-Maltin li ħadu sehem fil-gwerer u llum jinsabu fl-Awstralja jiċċelebraw b’qima u kburija kbira Jum l-ANZAC billi joħorġu jimmarċjaw fit-toroq prinċipali ta’ l-Awstralja flimkien ma’ mijiet oħra. Fl-Awstralja għandhom l-għaqdiet distinti tagħhom biex ifakkru l-kontribuzzjoni Maltija. Illum dawk is-suldati li ħadu parti attiva fl-aħħar gwerra daħlu f ‘età avvanzata iżda f’Sydney skond rapport fl-ewwel faċċata ta’ The Maltese Herald immarċjaw ħafna veterani fosthom Jimmy Magro ta’ 84 sena, Gorg Viarella 87 sena, Frank Balbi 86 sena, Tony Zammit ta’ 81 sena u l-ixjaħ wieħed, Laurie Libreri ta’ 89 sena.

Biex  iżommu din it-tradizzjoni  ħajja d-diriġenti tal-March ta’ l-

Anzac qegħdin jippermettu li jimmarċjaw persuni li jirrappreżentaw lill-qraba tagħhom. Dawn tgħarrafhom billi jżommu l-midalji fuq il-lemin flok fuq ix-xellug.

Fit-toroq prinċipali ta’ Sydney il-Maltin ikollhom magħhom ukoll Our Lady Queen of Peace Maltese Band li l-preżenza tagħha b’40 bandist tagħti dehra tassew impressjonanti.

Lejlet Jum l-Anzac Il-Fergħa Maltija ta’ l-RSL tpoġġi wreath f’riġlejn is-Cenotaph ta’ Martin Place fejn jindaqq ukoll l-Last Post u r-Reveille. Dis-sena x-xita ma waqfitx xejn waqt din iċ- ċeremonja.