Il-Jum tal-25 ta’ April jista’ jissejjaħ bħala Jum ieħor Nazzjonali ta’ l-Awstralja. Dak in-nhar in-nazzjon Awstraljan jiċċelebra Jum l-Anzac. Tifkira ta’ waħda mill-agħar traġedji fi gwerra. Kienu żminijiet oħra. L-Awstralja kienet parti integrali mill-Imperu Ingliż u z-żgħażagħ Awstraljan ġew imsejjħa biex jiddefendu l-Imperu u bl-eluf tagħhom salpaw lejn n-naħa l-oħra ta’ l-Awstralja biex ikunu parti mill-armata ta’ l-Allejati f’dik li sejħulha l-Gwerra l-Kbira.
 
92 sena ilu l-armati ta’ l-Allejati (madwar 500,000) komposti minn suldati mill-Britannja, Franza, l-Indja, l-Kanada, Malta, l- Iżrael, Greċja, l-Eġittu u sintendi l-Awstralja u New Zealand iddeċidew jinvadu il-fortizza Gallipoli fit-Turkija, illum tista’ biss tiġi deskritta bħala ġennata militari. F’medda ta’ disa’ xhur ħalliet mejta madwar 2.5 miljun u 5.5 miljun oħra feruti miż- żewġ naħat. Kemm huma koroh il-gwerer hux!!.
 
It-truppi Alleati kellhom finalment jirtiraw iżda l-leġġenda ta’ Gallipoli baqgħet bħala waħda ta’ kburija, qlubija u turija ta’ determinazzjoni miż-żgħażagħ suldati voluntieri mill-Awstralja (60,000) u minn New Zealand (18,000) li ħadu sehem.
 
Kienet ta’ sinifikat għall-Awstralja għax kienet l-ewwel darba li t-truppi ħadu sehem fi Gwerra minn meta l-Awstralja saret nazzjon 14-il sena qabel. Kienet il-battalja ta’ Gallipoli li għaqdet flimkien lill-Awstraljani u bniet pedament ta’ nazzjon kburi bil-qlubija taż-żgħażagħ tiegħu.
 
Ili ngħix f’dan il-pajjiż għal 52 sena. Dejjem kont konxju mill- fatt li Anzac Day, il-jum eżatt tal-25 ta’ April meta l-forzi Awstraljani llandjaw fix-xatt ta’ Gallipoli seta’ b’xi mod jikkommemora il-ħruxijiet tal-gwerra.

Meta servejt bħala rappreżentant tal-Gvern Malti f’NSW għalkemm dejjem għamilt dmiri u rrappreżentajt lil Malta fiċ- ċerimonja uffiċjali li jorganizzaw il-fergħa Maltija ta’ RSL lejlet Jum Anzac u fiċ-ċerimonja uffiċjali tat-tqegħid tal-fjuri f’riġlejn il-monument f’Martin Place mir-rappreżentanti tal-Gvernijiet, qatt ma ħadt parti fil-marċ ta’ l-Anzac Day għax qatt ma servejt fil-forzi armata. Kont għadni żgħir wisq fl-aħħar gwerra u qatt ma ħassejt li għandi nimmarċja għan-nom ta’ ħaddieħor.

Illum daħlet id-drawwa li mhux biss dawk li servew parti attiva fil-gwerra jistgħu jimmarċjaw, iżda tista’ tmur timmarċja tirrappreżenta lill-ġenituri jew qraba tiegħek. Maż-żmien ukoll tgħallimt li waqt li ma għandna qatt nigglorifikaw il-gwerer iżda fl-istess ħin ma għandna qatt ninsew lil dawk li taħt direzzjoni obbligatorja mill-Gvernijiet tagħhom (ħafna drabi taħt il-liġi tal- lieva) marru jiddefendu lill-pajjiżhom b’direzzjoni tal-Gvernijiet tagħhom. Liema direzzjoni setgħet kienet għaqlija jew assurda (bħal gwerer f’Vjetnam u Iraq).

Lil dawn il-veterani tal-gwerer irridu nagħtuhom l-aqwa tifkira u ringrazzjament għax dawn is-suldati huma l-eroja u ħaqqhom min jiftakarhom.

Malta wkoll għandha konnessjoni qawwija ma’ l-ANZACs (l- isem  ifisser  Australian  New Zealand  Corps)   għax  pajjiżna

Żewġ ritratti minn anglu differenti ta’ Australia Hall li tinsab
f’Anzac Street Pembroke (St Andrews) Malta u l-plakka li hemm
fuq il-bieb prinċipali li tfakkar fil-konnessjoni mat-truppi
Awstraljani li kienu f’Malta.

serva ta’ sptar għal dawk il-mijiet ta’ feruti minn Gallipoli li nġiebu f’Malta għal kura tant hu hekk li fiċ-ċimiterju militari tal- Pieta hemm midfuna 229 Awstraljani u 79 minn New Zealand.
F’Pembroke (Malta) hemm ukoll l-Australia Hall li ġiet mibnija mill-Australian Red Cross biex iservi ta’ post ta’ rikreazzjoni għat-truppi Alleati li nġabu f’Malta dak iż-żmien. Illum Australia Hall tinsab mitluq u fi stat ta’ abbandun. Waqt li fil-belt Valletta għandna l-Opera House relikwa tat-tieni gwerra, f’Pembroke għandna abbandunata l-Australia Hall, tifkira ta’ l-ewwel gwerra.

Fir-ritratt jidhru l-kumitat kif ġie maħtur għas-sena 2007/2008.