L-Ghaqda ta’ l-Anzjani ta’ South Australia iccellebraw it-22 sena mit-twaqqif taghha f’attivita’ li kellhom fil-klabb taghhom stess fis-subborg ta’ Kilburn. Ghal din l-attivita’ attendew il-Konslu Onorarju, Frank Scicluna u John Farrugia, il-Vici Konslu flimkien man-nisa taghhom. Attendew ukoll Jennifer Rankine MP u l-Kunsillier ghal Port Adelaide/Enfield, Peter McKay u ohrajn.

Il-Konslu Onorarju f’diskors interessanti semma li din l-ghaqda ghandha madwar 200 membru u rringrazzjhom tal-kontribut li jaghtu. Irringrazzja wkoll lil dawk li tul l-ahhar 22 sena wrew tant dedikazzjoni. Tkellmet ukoll Jennifer Rankine MP fejn semmiet l-ghajnuna li jaghti l-Gvern Statali fi grants lill-anzjani u wriet ix-xewqa ukoll li xi darba tmur izzur Malta. Hija rringrazzjat lill-President, Thomas Borg u pprezentat ghan-nom tal-Premier ta’ South Australia Mike Rann, bhala rigal tlett kotba dwar Malta.

Din l-okazzjoni giet diskritta bhala wahda li ma tintesa qatt fl-istorja tal-Maltin ta’ Adelaide. Sar ringrazzjament ukoll lil Thomas Borg, il-President, Lucy Camilleri, Vici President, John Mangion Segretarju, Frank Grima Tezorier u l-membri tal-kumitat: Eddie Camilleri, Jane Grima u Carmen Degabriele. Dawk li jixtiequ jikkomunikaw mal-Maltese Seniors Citizens Association of South Australia ghandhom jiktbu PO Box 174 Kilburn SA 5084. Australia.

 Salvatore Scevola, l-kap ta’ stazzjoni tat-TV etniku f’Sydney bl-isem ta’ AMTV li fuqu mistennija li se jidhru programmi bil-Malti qieghed jghid li r-raguni li ma hallasx il-mizati tal-workers compensation fin-negozju li kellu qabel kien kollu tort ta’ l-imgieba vjolenti ta’ missieru. Hekk gie rrapportat fi storja prominenti li dehret fis-Sunday Telegraph ta’ NSW taht ir-ras ta’ Son blames gangster dad for his sins.

Scevola qal lill-NSW Industrial Commission li missieru jien jorqod b’pistola kkargata hdejh meta kien jahseb li hbiebu jew il-qraba tieghu gew maqtula. Tlett snin ilu Scevola gie multat $5,000 talli ma hallasx il-workers’ compensation premiums fin-negozju ta’ hasil ta’ karrozzi li kellu f’Five Dock.

Ftit ilu n-NSW Industrial Commission qablet li tisma’ l-appell tieghu kontra din il-multa ibbazat fuq cirkustanzi mhux

tas-soltu Il-Kummissjoni nnutat li Scevola ma kellux idea ta’ kemm kien influwenti missieru fil-mod kif kien imexxi n-negozju tal-familja.

Wara li talab parir legali u anke kkonsulta psikologista hareg l-impatt ta’ kif missieru kien igib ruhu u kemm kien jabbuza lill-familja.

Il-Kummissjoni sabet li missier Scevora seta’ kellu konnessjonijiet mhux legittimi u x’aktar kien involut ma’ mewt ta’ nies fil-komunita”. Scevola, illum qed ihoss sens ta’ dispjacir u disprament bl-impatt ta’ missieru fuq il-familja tieghu. Bhala rizultat ta’ trobbija brutali anke huh sar ivvizjat tad-droga. Qal ukoll li anke sahhtu batiet taht rassa mentali f’negozju tal-familja fejn kien jaf li l-affarijiet ma kienux qed isiru sewwa u b’etika. WordCover qed jopponu l-appell ta’ Salvatore Scevola, l-kap ta’ l-AMTV.

 Waqt cerimonja qasira fil-kazin tal-Banda Beland fiz-Zejtun, il-vici-president, Charles Debono pprezenta trofew lil Emmanuel Formosa bhala turija ta’ apprezzament tal-hidma siewja tieghu, li wara waqfa ta’ kwazi ghoxrin sena rnexxielu jerga’ jwaqqaf skwadra tal-futbol fil-George Cross Falcons Club bl-isem gdid ta’ Falcon United Soccer Team fin-nahat ta’ Wollongong, NSW.

Charles Debono filwaqt li awgura kull success lil dan it-team, irringrazzja lil Emmanuel Formosa u lill-kumitat kollu ghax-xoghol siewi taghhom. Huwa heggeg u appella lil hutna emigranti Maltin biex ikomplu jfittxu l-ghaqda bejniethom u flimkien ikomplu bil-hidma taghhom b’risq il-komunità Maltija fl-Awstralja.

Charles Formosa min-naha tieghu, waqt li rregala donazzjoni lill-kazin tal-Banda Beland, f’isem il-kumitat tal-Falcons United Soccer Team irringrazzja lill-kumitat u lill-membri kollha tal-Banda Beland, specjalment lil Joe Spiteri li kienet l-inizjattiva tieghu biex dan il-gest hekk sabih seta’ jkun possibbli.