Jiena zgur li hafna mill-qarrejja ta’ l-orizzont specjalment dawk li huma qarrejja regulari ta’ din il-pagna jafu li fl-Awstralja kellna elezzjoni generali fid-9 ta’ Ottubru kemm ghall-Kamra tar-Rapprezentanti u anke ghan-nofs tas-Senat. Damu tlett gimghat biex hargu r-rizultati finali. Dan ghaliex fejn ikun hemm rizultati difficli li jibqghu vicin xulxin sa l-ahhar iridu jistennew il-wasla tal-postal votes. Iva, l-Awstraljan ghandu d-dritt li jivvuta anke jekk wiehed ma jkunx jghix fl-Awstralja, tant li hemm hafna Maltin-Awstraljani jghixu f’Malta li marru Ta’ Xbiex biex jivvutaw.
 
L-elezzjoni kienet rebha assoluta ghall-Prim Ministru John Howard, allejat assolut tal-politika ta’ G.W Bush. Il-Partiti Liberali/ National li huma f’koalizzjoni mhux talli rebhu maggoranza ta’25 siggu izda ghall-ewwel darba f’25 sena rebhu l-maggoranza tas-Senat. Dan ifisser li minn Lulju 2005, il-Gvern ta’ Howard ikun jista’ jaghmel dak li jrid ghax ma jkun hemm “checks and balances”, ir-raguni li ghaliha nholoq is-Senat.

 Ma’ l-erbat irjihat ta’ l-Awstralja ghandna ghadd ta’ radjijiet bi programmi bil-Malti, hawn imsejjha radjijiet tal-komunita’ li jitmexxu minn ghadd ta’ persuna fuq bazi voluntarja. Ma jithallsux, kollox jaghmlu minn qiegh qalbhom. Dawn ir-radjijiet kienu jistennew b’herqa l-ahbarijiet li jircievu mid-Dipartiment ta’ l-Informazzjoni ta’ Malta. Izda d-Direttur, hekk kif il-Partit Nazzjonalista rega’ mar fuq l-internet qalilhom li mhux se jkompli dan is-servizz. Kaz iehor car ta’ kemm dawn in-nies fl-awtorita’ ma jifhmux lill-komunitajiet Maltin barra minn Malta.

Ftit ilu gejna mfakkra li r-radju tal-komunita’ Maltija ta’ South Australia ghalaq 27 sena. Ftakkru li tul dawn is-snin kollha dawk li jmexxu qatt ma thallsu sold. Il-programm ta’ S.A. kien l-idea ta’ Fr Patri Pawl Mejlak ofm. Dan fittex u sab l-ghajnuna ta’ Gaetan Grech. Flimkien ma’ Joe Monsigneur u Frank Falzon huma ghalhekk il-fundaturi. Fiz-zmenijiet tal-bidu dahal ukoll John Mangion. Ghall-ewwel darba, nhar il-Hadd 1 ta’ Ottubru 1977 beda l-programm mit-8am sad-9am. Iktar tard il-hinijiet tbiddlu.
 
Dan ifisser li Geatan Grech, li ghamel zmien twil bhala Konslu Onorarju f’SA ilu jmexxi dan il-programm ghal 27 sena. Skond ma qal lil The Maltese Herald, Geatan Grech xtaq jirringrazzja bi kbir lil Carmen Debono, Bernadette Buhagiar u John Mangion li jiffurmaw il-kumitat tar-radju u l-isponsors tal-programm. Sincerament nifirhu lil dawk kollha assocjati mar-radju komunitarju ta’ South Australia ghax-xoghol utli u voluntarju li jwettqu ghall-komunita Maltija ta’ South Australia.

 Kull sena l-kumitat hekk imsejjah, Maltese Eldery Thanksgiving Day jigbru lil dawk li jinsabu fi djar tax-xjuh jew isolati biex flimkien jghaddu gurnata flimkien. Din is-sena ghazlu l-lokal tal-Workers Club ta’ Blacktown. Ghal din l-okazzjoni kien hemm sorpriza meta tfaccaw Toni (Majsi) Vella u shabu tal-Bronk Production li kienu f’Sydney dawk iz-zmenijiet.

Sr MaryAnn Grima u l-kumitat taghha dejjem jahdmu iebes biex din il-gurnata tirnexxi. Dr Gorg Boffa u Nancy Serge mexxew il-proceduri u Dr Boffa tkellem ukoll dwar l-anzjani taghna. Il-Workers Club ma tawx permess lill-organizzaturi li jorganizzaw quddiesa. Biex itaffu dan  in-nuqqas Lucy u Eddie Grasso qraw il-liturgija.