ma' Lawrence Dimech OAM J.P.
Dawn l-ahbarijiet jidhru wkoll fil-gurnal "l-orizzont", fil-pagna mill-Awstralja,
li tidher kull nhar ta' Tnejn.

 Is-sewwieq ta' trakk mill-kbar kmieni mas-sebh (3 am) waqt li kien isuq tul Reservoir Rd Blacktown ipprova jevita jolqot kelb izda baqa' diehel f'dar ta' zewg sulari ta' familja Maltija u kkaguna b'kemm jiswew $100,000 hsara. Inzerta li s-sewwieq kien Malti wkoll, Mario Borg minn Penrith.
 
Kien incident li seta' kellu rizultati ferm iktar gravi. Skond Therese Sammut ta' 56 sena u zewgha Joe (mill-Imgarr ta' Malta) li ilhom joqghodu f'din id-dar ghal dawn l-ahhar 30 sena, fejn ikkraxxja t-trakk kienet qabel kamra tas-sodda izda ftit ilu rrangaw quddiem u ghamluha kamra tas-salott.
 
Fil-hin tal-habta kien hemm reqdin fid-dar ukoll tlett itfal taghhom Felix 32, Mark 24 u Jamie 22 sena. Huma semghu habta kbira izda ghall-ewwel ma ndunaw li kienet il-faccata taghhom izda kif qamu sabu quddiemhom stragi shiha.
 
Qed jinghad li t-tort ta' din il-habta kien il-kelb   Blow  ta'  razza   "bearded collie"

 John u Mary Pisani li llum joqghodu f'Hoppers Crossing (Melbourne) ghadhom kemm iccelebraw il-hamsin anniversarju tat-tieg taghhom. Fis-7 ta' Novembru 1953 inghaqdu fiz-zwieg fil-parrocca tal-Hamrun. John kellu 20 sena u kien fil-Army meta beda johrog ma' Mary ta' 18-il sena izda kif kienet id-drawwa f'Malta dak iz-zmien, l-ewwel hargiet taghhom kienu taht il-harsien ta' ohtha l-kbira. Huma damu kwazi 18-il xahar sa kemm izzewwgu li skond Mary mhux soltu ghal dawk iz-zmenijiet izda dan kien zmien meta setghu jidraw sewwa lil xulxin. Ftakru wkoll kemm f'dawk iz-zmenijiet, in-namrati ftit kellhom liberta' biex johorgu u jiddevertu kif jaghmlu illum.
Mary titftakar li hadet grazzja ma' John mill-ewwel mument li ratu ghax kien qalbu tajba u jdahhaqha.

Fi 1961, meta kien diga' kellhom erbat itfal, Charles, Felicity, Emmanuel u Sam, huma emigraw lejn Geelong fejn diga kien hemm hu Mary. Xtaqu jaghtu lill-uliedhom hajja ahjar. John beda jahdem mal-Ford Motor Company minnufih u Mary dahlet tahdem bhala nurse aide fl-isptar tal-post. Kellhom zewgt itfal ohra Anthony u Joanne. Huma ammettaw li l-ewwel snin taghhom fl-Awstralja kienu difficli u iebsa hafna specjalment b'sitt itfal izda dejjem irnexxilhom jghixu hajja ragonevoli.
 
F'dawn l-ahhar snin kemm John u Mary kellhom ihabbtu wicchom ma' hafna mard izda dejjem baqghu jghinu lil xulxin u l-imhabba ta' bejnithom kibret. Illum ghandhom ghaxar tfal tat-tfal.

Mary u John Pisani

 Ftit ilu gibna ritratti u storja dwar studenti li gew mghotija gharfien ghall-istudju tal-Malti fl-Universita' ta' NSW f'cerimonja that il-patrocinju tal-Ministru ta' l-Edukazzjoni. Mhux l-istudenti kollha setghu jattendu biex jircievu dawn ic-certifikati; ghalhekk l-Iskola tal-Malti irrangat biex dawn ic-certifikati jigu moghtija waqt l-klassijiet normali li jsiru fi Blacktown, Horsley Park u Richmond.
Il-Kaxxier tal-Kunsill Malti ta' NSW, Sam E. Vella OAM J.P. li huwa wkoll l-kaxxier ta' l-Iskola tal-Malti pprezenta c-certifikati lill-istudenti fi Blacktown u Richmond waqt li Cynthia Cassar, il-ko-ordinatur ta' l-ghalliema pprezentat dawk ta' Horsley Park.
 
L-iSkola tal-Malti ilha mwaqqfa ghal dawn l-ahhar  hames  snin.  Kien  hemm 

ghadd ta' studenti li waslu sal-livell ta' l-iSchool Certificate u Higher School Certificate fil-Malti. Zewg studenti rebhu wkoll scholarships mill-Gvern Malti biex jistudjaw il-Malti, l-istorja u l-kultura fl-Universita' ta' Malta.

Hemm ukoll s-Saturday School of Community Languages ghall-istudenti Maltin ta' Years 7-12. L-ghalliem huwa Charles Galea.

The Maltese Herald

Bhal ma naghmlu kull gimgha, qed ingibulkom l-editorjali ta' The Maltese Herald,
il-gazzetta nazzjonali ghall-Maltin li tohrog fl-Awstralja.

 Ma hemm l-ebda dubju li l-Gvern Federali ghandu kull dritt li jipprotegi l-Awstralja. Ghadu d-dritt u d-dmir li ma jhallix persuni jidhlu jekk dawn ma jkunux qed jaghmlu dan skond l-istess regoli stretti tal-pajjiz. F'kelma wahda ghandu d-dmir li jiddecidi lil min irid jidhol f'dan il-pajjiz. Minn dawn il-kolonni ma rridux naghtu xi impressjoni li ahna qed nappoggjaw id-dhul illegali f'dan il-pajjiz.
 
Mhux hekk biss, izda naqblu perfettament li l-Gvern Federali ghandu juri l-istess hegga u determinazzjoni kontra dawk li jidhlu jew jibqghu l-Awstralja wara li tiskadilhom il-visa daqs kemm jaghmel mar-refugjati.
 
Il-"border protection" mhix xi haga facli. Daqstant iehor mhix facli li ssib soluzzjoni ghar-refugjati li qed jitlajjaw mad-dinja (mhux l-Awstralja biss, anke Malta ghandha l-istess diffikultajiet) ifittxu refugju minhabba oppressjoni politika/religjuza f'pajjizhom. Kull pajjiz ghandu obligazzjoni li jaccetta numru ta' refugjati kif qed taghmel l-Awstralja b'mod sistematiku u bl-ordni.
 
Dan l-ahhar rega' kellha dghajsa ohra li waslet qrib sewwa tat-territorju Awstraljan, l-gzira Melville qrib Darwin. Il-Gvern Federali qabbad lin-Navy Awstraljani biex immedjatament tirmonka lil din id-dghajsa bi 14-il persuna fuqha ta' nisel Kurd lura lejn l-Indonesja. Jekk dan kienx kaz ta' krudilta' zejda. Jekk il-Gvern Federali ghandux juri iktar umanita' ma' dawn ir-refugjati huwa argument shun u ferm delikat.
 
Il-Gvern Federali ta' John Howard jaf li l-maggoranza ta' l-Awstralja hija warajh u fejn jidhlu r-refugjati ghandu jzomm ponn tal-hadid. Ma ghandux jaghmilha iktar facli biex dan jersqu lejn l-Awstralja.
 
Izda bl-istess argument l-anqas ghandu jimlina b'hafna nofs veritajiet jew anke gideb. Fil-kaz ta' dawk li waslu sa Melville Island il-Ministri tieghu qalulna li ma talbux refugju. Tahsbu li waslu l-Awstralja fuq dghajsa zghira biex jaraw il-Melbourne Cup?
 
Ma hemm l-ebda dubju li dawn il-Kurdi talbu biex jinzammu l-Awstralja bhala refugjati.
 
Il-Ministru Amanda Vanstone, fl-ewwel azzjoni taghha bhal Ministru ta' l-Immigrazzjoni ftit harget bl-unuri. Li tghidilna li dawk in-nahat li waslu fihom ftit sieghat qabel gew ingassati mill-mappa ta' l-Awstralja huwa argument zopp sa l-ahhar.
 
Il-Gvern ta' Howard fejn jidhlu r-refugjati nqabdu f'hafna gideb, l-ikbar wahda hoxna kienet tac-"children overboard" fil-kaz tat-m/v Tampa liema gidba ghenithom sewwa biex rebhu l-ahhar elezzjoni.
 
Il-maggoranza tal-poplu Awstraljan irid dhul fl-Awstralja bl-ordni u bil-galbu, u ma jridx nies li jridu jidhlu fl-Awstralja billi jaqbzu l-kju. Izda jrid ukoll Gvern Federali li jghidilna l-verita' u xejn inqas mill-verita'. Ma rridux Gvern li jisserva bit-tbatija tar-refugjati biex jirbha s-simpantija politika tal-poplu. Ma rridux Gvern Federali li jaghmel kapitali mill-isfortuna u l-mizerja tar-refugjati.