U beka r-raġel bħal tarbija
mingħajr ma wera il-mistħija
xtaq jesprimi dak l-iebes uġiegħ
li kien qed jinġema’ ġewwa fih

B'ħarsa kurjuża ħarsulu n-nies
mingħajr ħadd minnhom żgur qatt ma qies
x’ kien qed iħoss b'dawk fuqu l-għajnejn
b'swaba ppuntati lejh ta’ l-idejn

Kellu dritt jibki bla jgħid għaliex
dritt nsiru nafu żgur ma kellniex
ħalluh ħalli jibki, lilu twaqqfux
bil-ħarsa wisq kattiva tiksrux