|
Pawlu Seychell
"l-Għannej"
1907 - 1992 |
|
kitba ta'
Charles Mangion "Iż-Żubina" |
| |
|
Pawlu
kellu karriera twila fis-settur ta' l-għana
Malti fejn miegħu jintiżżeġ l- għana Spirtu
Pront, l-għana tal-Fatt, u l-għana la'
Bormliża. Kien u sa' issa hu is-sinonimu ta'
l-għana Malti. Kull raġuni titlob spjega,
imma rigward dan mhux żgur hemm għalfejn,
għax kull minn hu midħla ta' l-għana Malti,
jaf li Pawlu kien li żamm l-għana Malti ħaj.
Fuq Pawlu hemm ħafna x’wieħed jgħid rigward
l-għana sabiħa li kien jgħanni, rigward
is-saħħa fil-gerżuma li kellu, u kemm b’dawn
id-doni kien ipaxxi lill kull minn jisimgħu.
Pawlu Seychell twieled iż-Żejtun nhar l-10
ta’ Frar 1907.
Kienu ħafna dawk l-għannejja li għannew
miegħu u daqsxejn diffiċli biex wieħed
isemihom kollha, u għalhekk dawn li se
nsemmi huma ftit minn dawk l-għannejja li
għanna magħhom, bħal Salvu "ir-Ruġel",
Żaru
"ta' hal- Għaxaq", Żeppi "ta' Sika", Ninu
"l-Kalora" li tista’ tgħid bejn dawn
it-tnejn inħolqot ġerarkija ta' Għana li
nitkellmu fuqhom aktar il-quddiem, Fredu "l-
Kampjun", Fredu "iż-Żejtuni", Fredu "tal-Marsa",
Joe "l-Għasfur", Żeppi "il- Fenka", Karmnu "Ċirkes",
Frans "il-Budaj taż-Żejtun", Żaren "ta'
Vestru", Pawlu "l-Biez", Kelinu
"s-Superstar", Salvu "l-Kalora",
Mikiel "il-Bambinu", |
|
 |
|
Pawlu Seychell "l-Ghannej" |
|
|
|
Salvu "Sulari",
Leli "l-Bugazz", Leli "l-Moni", Fredu "l-Bamboċċu",
Gamri "Amletu", Indrin "iż-Żinzla",
Ċikku "tal-
Fjuri", Karmnu "l-Ħandrulla", u ħafna għannejja
oħra, għax kien hemm ħafna li għannew miegħu f’xi
okkazjoni li dawn kienu jqishuwa bhala cikka li tkun
għannejt ma' Pawlu. Kienu ukoll xi għannejja li
jgħixu barra minn xtutna li kellhom l-opportunità li
għannew ma' Pawlu "l-għannej taż-Żejtun".
Mhux sa' nonqos billi nsemmi l-ħanut ta' Karmni "
ta’ Wistin tal-Marsa", fejn hemm kienet il-bidu tal-karriera
ta’ Ninu "l-Kalora" ma' Pawlu "l-għannej" li
bejniethom saru ħafna w ħafna żigarelli, u kienu
huma li ġerrew l- aktar dilettanti warajhom. Fost
l-aktar għannej li kien il-favorit ta’ Pawlu ma'
kien ħadd ħlief, Ninu "l-Kalora" u Kelinu
"s-Superstar".
Pawlu kellu l-ħanut Għannejja Bar, ħdejn l-Għajn tal-Hasselin,
l-Imsida. Dan l-istess lokal ġera wara Pawlu billi
ha l-għaqam minnu, li tant hu hekk, kien kulltant
jiġi riferut bħala Pawlu ta' l-Imsida meta u mentri
Pawlu kien miż-Żejtun.
Għalkemm li Pawlu kellu l-ħanut tiegħu, Pawlu qatt
ma' nqafel ġewwa ħanutu, anzi l-kontra għax huma
ħafna dawk il ħwienet li gawdew il-vuċi vivvaċi li
kellu. Ma' tistax tonqos meta wieħed jiffoka fuq
Pawlu u ma' jissemmiex Salvu "ir-Ruġel" li tant kien
u għadu jissemma l-mument tas-siegħa li
inħolqot
bejniethom "tas-sittin u kwart", li sal-lum għadu
jiġi mistoqsi "min minnhom kellu raġun?". Minn
jissimpatizza ma' wieħed minnhom u jgħid li hu
għandu raġun, u minn ma’ l-ieħor, imma meta darba
fost l-oħrajn tressqet din il- polemika quddiem
avukat, li fil-fatt ma jaf lill ħadd minnhom wieġeb
b'dan il mod, "trid tkun int li qed toħloq dan il
kapulavur ta’ kliem, biex tispjega wara, imma jien
bħala avukat għandi l-obbligu li nistħarreġ u
nistudja dan il "manif" ta' kliem - u ma nistax
nagħti risposta issa."
L-istorja ta’ ħajjiet Pawlu tant hi twila u hemm
wieħed xi jgħid dwar għana li apparagun, meta
tiġi
mkejla hi itwal minn ħajtu. Pawlu rigward l-għana
kellu ħafna bagħatti bekki, haġa li ma tistax tonqos
f'karriera ta' 70 sena għana. Tista’ tgħid li kull
siegħa għana, minnu kien fiha storja. L-aktar
kompluti li jibqgħu imsemmija huma dawk li saru
bejnu u bejn Salvu "l-Kalora", ("tal-gidja"), ta'
bejnu u bejn Frans il-Budaj taż-Żejtun, ("tal-landa
taż-żibel"). Kien hemm ukoll mumenti bejnu u bejn
Fredu taż-Żejtun fejn l-aktar li tisboq, is- siegħa
("tal-liżar"). Bejn Pawlu u Salvu "ir-Ruġel" ("ta'
Tork u in-nanu"), u ħafna u ħafna oħrajn.
Għal Pawlu kien jista’ ma jissemma ħadd, basta kont
is-semmilu lill Ninu "l-Kalora" u tant
ieħor hu hekk
għall Ninu. Ghadek tista’ tmur
tkellmu fejn iż-żuntir tal-knisja tan-Naxxar, u jekk
ma jsemmilekx lill Pawlu, għid li |
 |
|
Il-mafkar
ta' Pawlu Seychell "l-Ghannej" |
|
|
|
Ninu mhux qed sewwa il-lum, għax go
moħħ u qalb Ninu "l-Kalora", barra
l-familja tiegħu għad hemm Pawlu
Seychell. "Il-Kalora" kien qofol
għal Pawlu. Jekk wieħed jipprova
jiġbor l-għana kollu ta' Pawlu u ta'
Ninu, għandu jsib li tant kienu
jaqbdu ma' xulxin li kont taħsibhom
li sa jiġġieldu, imma ma kien xejn
minn dan għax daqs kemm kienu
jinħabbu u qrib xulxin, dawn iż-żewġt
blajjet ta' l-għana Malti, ftit
tista’ issib fil-ġerarkija ta' dan
is-settur...
L-Istejjer fuq Pawlu huma twal u
fosthom issib l-għedud li darba
għamel jumejn u lejl jgħanni
ġewwa
l-buskett, xi ħaġa li għadu ma
għamilha ħadd.
Fredu "tal-Minoċċ" li jiġi hu Kelinu
"s-Superstar" gab l-attenzjoni li
waqt it-tikxif tal-monument ta’
Pawlu "l-Biez" fost l-għana Pawlu
għanna din li ġejja:
|
|
Sen'ilu miet Pawlu l-biezlu
Ftit warajh Konċetta
Borg,
Nirringrazzja l'ħanin
Alla
Li hdejhom għadni ma
mortċ. |
|
|
Barra din hawn xi għana ieħor li
Pawlu qalu, qabel ma miet, tista’
tgħid ftit xhur qabel ħalla is-saparju
jinżel fuq wiċċu, għanna lill
sieħbu
Ninu "l-Kalora".
|
|
Għidli rbaħtli għaxar
snin ilu
X'gidba ħoxna x'waħda
din.
Sitt snin ilu jien
ħarriġtek
Għand Karmena ta'
Wistin. |
|
|
|
|
|
|
Din l-għanja Pawlu
kien għannejja lill Ninu "l-Kalora", 24 sena qabel
ma Pawlu miet. Jekk wieħed jaħdem ftit din is- somma
jaqbel ma dan li qed jingħad:- Pawlu twieled
10-02-1907, miet fl-età ta’ 85 sena, 14 il-sena ilu
mejjet, u s-sitt snin li semma’ Pawlu jiġu 45 sena
minn meta beda il-karriera Ninu "l-Kalora". "Il-Kalora"
beda jgħanni ta’ 45 sena. Pawlu jingħad li beda
jgħanni fl-età ta’ 7 snin.
Il-mafkar ta' Pawlu Seychell jinsab f'San Girgor,
fejn iċ-ċimiterju taż-Żejtun.
Dwar Pawlu jien minn dan li naf ofrejt imma jien
nitlob biex jekk hawn minn jaf aktar jiġbor dak li
jaf u jgħaddih lill JJ. Cassar fuq
jjcassar@allmalta.com |
|
|
