Il-kitarrista Joseph Xerri magħruf bħala "is-Surġent" twieled fit-12 ta’ Novembru 1930, f’Birkirkara Malta. Huwa kien l- ikbar fost fost sitt aħwa, wlied Carmen nee Spiteri minn St. Julians u Dominic Xerri minn Għawdex li kien mar joqgħod Malta u kien jaħdem bħala bennej.
 
Oħt Joseph Xerri, Maria, it-tieni fil-familja mietet fiż-żmien il-gwerra bi splużjoni ta’ bomba li kienet waqat fir-raħal ta’ Birkirkara. Huh Tony joqgħodu l-Awstralja u t-tewmin Annie u Nancy joqgħodu Malta. Oħtu z-żgħira li jisimha Vicky toqgħod ukoll fl-Awstralja.
 
Meta kien Malta, Joseph Xerri daħal jaħdem bħala pulizija u fl-1955 iżżewweġ lill Censina nee Suda u marru joqgħodu tas-Sliema. Fl-1956 kellhom l-ewwel tarbija fost seba’ tit-tfal li semmew Maria. It-tfal l-oħra ta’ Joseph u Censina huma Albert, Ivan, Paul, Michael, Elaine, u Simon.
 

Fl-1958 Joseph beda jdoqq il-kitarra u minn dak fiż-żmien il- quddiem, fejn kien ikun hemm l-għana kont issib lil Joseph "is-Surġent" idoqq dan l-istrument li tant kien iħobb.
 
F’Mejju ta’ l-1981, mal-mara tiegħu Censina u t-tfal emigra għal-Awstralja fejn beda jaħdem bħala security guard.
 
Kif wasal l-Awstralja Joseph involva ruħu fil-Klabb Għannejja Maltin fejn wara żmien sar membru tal-kumitat. Huwa kien wieħed mil-kitarristi regulari ta’ dan il-klabb, fejn hawnhekk, tawh il-laqam tas-Surġent imħabba li meta kien Malta kien laħaq surġent tal-pulizija.

Joseph Xerri kellu mħabba kbira kemm għal-għana u daqq tal-prejjem kif ukoll għall-folklor Malti.

Nhar il-ġimgha, 12 ta’ Novembru f’jum l-74 sena tat-twelid tiegħu, kien fil-klabb ta’ l-għana, fejn kullħadd xtaqlu il- “happy birthday” u xtaqulu wkoll li kollox imur tajjeb fl- operazzjoni tal-qalb li kellu jagħmel it-tlieta ta’ wara. Din kienet l-aħħar darba li mar il-klabb ta’ l-għana, għax nhar it- tnejn 15 ta’ Novembru ttieħed l-isptar b’attakk go qalbu fejn għamlulu l-operazzjoni imma sfortunatament ma’ rnexxietx.

Joseph Xerri "is-Surġent" miet nhar it-2 ta’ Mejju 2005 imdawwar mal-familja tiegħu.