allmalta.com - Maltese Falklore

Maltese History and Folklore

Gabra ta' Rimar Malti

Maltese Rhymes

1	Banni banozzi Ġej il-Papa ġej Bil-pastizzi tal-ħabtejn Kollox għalik U l-mama ma tieħu xejn

2	Ninni ninni ruħi ninni, fil-benniena tal-ħarir. Għandek ommok il-Madonna, u missierek il-Bambin.

3	Meta ommi kellha lili Kemm kienet ferħana biha Kif poġġietni fil-benniena ll-granpun inqala' biha

4	Bajda bajda għax bit-terra Ħamra ħamra għax bil-kulur Ħoxna ħoxna għax bil-ħwejjeġ Twila twila għax bit-takkun

5	Ajma żaqqi kemm tuġgħani Kilt il-għeneb mhux misjur Iddendelt mal-kannizzata Qisni kelb tal-kaċċatur

6	Ċetta furfiċetta L-għarus tagħha parrukkier Qatalha xagħra kollu U ħallielha ta quddiem

7	Saħħa sinjura Għada jkollna t-tieġ Parrokka bajda bajda kollha qamel u subien

8	Kalanġ idoqq il-fifra Mananni tiġbidhielu Tiġbed, tiġbed, tiġbed Sa fl-aħħar qatgħitilhu

9	A' lilek tal-libsa ħamra Ċoff wara ieħor quddiem Ta' wara tgħattilek ommok Ta' quddiem tgħatulek jien

10	A lilek tal-libsa twila, għidli xkielet illum sabiħ. Illum kilt il-ħobż bil-ġobon, u tazza ilma xrobt sal-qiħ.

11	Is-Sinjura Barunessa Kellha ż-żokra qatt ma tmissa Tmissa biss darba fix-xahar Biex taħsilha bl-ilma żgħar

12	Trid tara z-zija Mer Tiżfinlek mas-suldati Tpejjiplek sigarrett Tibda taqbeż daqs mullet

13	Katerin ġibtlek lampuka Katerin kebbes in-nhar Katerin iftaħ it-tieqa Ħalli jgħaddi id-duħħan

14	Meta kelli tnax il-sena Kont inxammar il-qalziet Kont immejjel il-beritta Biex inħajjar it-tfajliet

15	Tlajt it-tela' tas-Saqqajja Rajt it-twieqi miftuħin ll-mama tifrex is-sodda ll-papa ħassu ħażin

16	Ċikli ċikli iċ-Ċumbini ll-bizzilla ma tiswa xejn Kemm titkessaħ dik Kelina Meta tara l'Pawlu ġej

17	Għal-Lapsi għamilna bandla Għamilniha fuq il-bejt Ma kellniex min ibandalna Ġie il muċċu (fenek) għarkuptejħ

18	Mary Merun X'għamlilha l-spettur Dawwarha d-dawra-kollha Bit-trumbetta u t-tanbur

19	Żiemel żiemel tas-sultan liema nieħu? nieħu l-dan ll-dan ma rrdux Mela nieħu l-dak

20	Barabba waqa' u miet Fuq erba' ravjuliet Ommu tibkiħ U missieru jidħaq biħ

21	Johnny Ġonta f'imnieħru għandu ponta Ponta mhux musmar naqqarhielu id-dundjan

22	Willie Willie Ġonta F'żaqqu kellu ponta Ponta mhix musmar Naqqarhielu ż-żunżan

23	Ċettina marret Wembly Marret tixtri l-qarabgħali Qaltlhu "isa fittex tini Għax il-borma qiegħda tgħalli"

24	Erminja fil-kernija Żaqqha l-isfel, dahra il-fuq La tiekol lanqas tixrob għax m'għandiex aptit idduq

25	Dawra Durella Qasba żigarella Ċoff tal-Bellus Ċaqċaqilhu lill-għarus

26	Ara ġejja l-mewt għalik, biex tixwik, biex taqqlik. Ara ġejja, ara waslet, din id-daqqa min ta' jgħielek?

27	Ċensa l-mewt Itfalha qatta xewk Poġġieha fil-Kantina Sa' filgħodu issir Xadina

28	Anġlu Bellu Saqajh tal-fildiferru Denbu tar-rix Meta jagħmel ma jagħtix

29	Ġentillisma sinjorina Jien noffrilek l-umbrellina Ngħattik, tikkultivak U sad-dar nikkumpanjak

30	Issa 'mmorru t-tieġ Bil-laħam u t-tiġieġ Ċawsli biz-zokkor Pastizzi bis-summien

31	Hawn xiħ gerguri, La siġar u lanqas fjuri. Jagħmel ir-ragħwa bla sapun, U jekk jaqbdu 'l-kaccatur

32	In-nannu u n-nanna ggieldu iggieldu fuq il-bejt in-nanna qabdet t'ghajjat u n-nannu dilkilha ż-żejt

33	In-nannu u n-nanna ġġieldu iġġieldu fuq iz-zuntier in-nanna qabdet twerżaq u 'n-nannu dilikha bil-butir

34	Ġanni l-bidwi razzett għandu, fih irabbi l-annimali mogħża u ħmara fih insibu kif ukoll xi sitt majjali.

35	Għandu żiemel abjad kollu baqra smina u tal-ħalib, tiġieġ, flieles u kelb iswed, li ta' dawn huwa l-ħabib.

36	Haġa moħġaġa Il-ħaj jerfa’ lill-mejjet. Il-mejjet jgħajjat kemm jiflaħ u l-ħaj jibqa’ bla nifs.

37	Il-frawli ġewwa l-bixkilla Iz-zokkor ġewwa l-Qantas Nitolbok tgħolli l-beritta Ha nara intix fartas

38	Storja vittorja l-angli jdoqqu l-glorja siġġu fin-nofs qarabagħli sold u nofs

39	1 - 2 - 3, Iż-żokra ta' Mari. 1 - 2 - 3 - 4, Iż-żokra ta' Vitor. Uno - Due - Tre, La signora pappa il-Re.

40	Iż-żunżana ddur iddur, fuq il-bejt tal-kaċċatur Żinn... Żinn... Żinn...

41	Agħmel xita agħmel ħalli jikber il-ħaxix. Il-ħaxix natugħ il-mogħża u l-mogħża tagħtina l-ġbejniet. Il-ġbejniet nagħtuhom lin-nanna u n-nanna tħitilna qmis.

42	Ideja fuq rasi spallejja u wiċċi ġenbejja u ħaddejja u issa warajha inġibhom quddiemi inċapċap ferrieħa

One - il-ħarufa ta' San Ġwann,
Two - il-palazz tal-Gvernatur,
Three - il-banda ta' Indri,
Four - il-festa ta' Vitor,
Five - la xitwa u lanqas sajf,
Six - il-banda ta' San Franġisk,
Seven - il-qasam ta' Buleben,
Eight - it-tiġiega fuq il-bejt,
Nine - it-tiġiega fuq it-tajn
Ten - intik daqqa u nixħtek l'hemm.

44	Pizzi pizzi kanna Dolores ta Sant Anna Sant Anna tal-Morina Qatgħet bicca Pellegrina Mgħarfa tal-fidda Bandiera tal-ħarir Koni kannoli, Insara qaddisin.

Mort għand oħti Dora
Tlabtha qmis tgħatni barjola
Barjola le ssaħħanni
Issaħħanni dik ix-xemx
X'jiswa x-xemx jekk is-sħab jgħattini?
X'jiswa s-sħab jekk ir-riħ iġerrini?
X'jiswa r-riħ jekk il-ħajt jilqani?
X'jiswa l-ħajt jekk il-ġurdien igerrimni?
X'jiswa l-ġurdien jekk il-qattus jigrifni?
X'jiswa l-qattus jekk il-kelb jigdimni?
X'jiswa l-kelb jekk il-baqra tikolni?
X'jiswa l-baqra jekk ir-raġel joqtolni?
X'jiswa l-raġel jekk tiġi l-mewt toħodni?

46	Sur Spiteri baqbaqu " Xkilt il-bieraħ?" " Kejla ful" " Hi xrobt fuqha?" " Bajda friska " " Għaddi l-ġewwa, ara tkisser dik it-tomna tas-sinjur"

47	Ninu Ninu tal-Milied Ommu tagħmel il-qagħqiet Il-qagħqiet tal-qastanija Santu Rokku tat-tiġrija Għaddew il-festi kollha baqa' biss Santa Maria

48	Ninni la tibkix iżjed, ninni Ġesù Bambin, ħallieh għalina l-biki għax aħna midinbin. Ejjew ejjew ja Angli mis-sema mija mija, taragħu li Gesù twieled, Bambin gewwa l-fisqija.

Smajt it-trumbetta ddoqq
Ħriġt nara min kien għaddej
Kien għaddej Ġesù Kristu
Ghidtlhu "fejn sejjer?"
Qalli "sejjer għat tbagħtija"
"Għat tbagħtija niġi miegħek"
Neżżgħulu l-libsa I-bajda
Libsuh il-libsa I-ħamra
Tawh daqqa ta katina
Quddiem ommu il-ħanina
Sodda salib
Mħadda kuruna
Min iħobb il-Bambin ċkejken
Ikollhu xorti u fortuna

O' Ġesù se mmur qo dari
Qabel xejn għalik inselli
Hawn kont nibqa' dejjem miegħek
kieku dik is-setgħa kelli
Imma inti tista' kollox
Tista' tiġi miegħi d-dar
hemmhekk tibqa' kuntent miegħi
Il-qalbi nagħmilha artal
Bħala xema' nixgħel għadmi
F'qalbi ż-żejt nixgħel id-demm
Inċens nagħmel b'ruħi kollha
Jiena fik irrid nintemm

51	Darba z-zija ta Hal Lija Ġiet għaliha filgħaxija Oħti Pia qabdet fiha Għax iz-zija ferħet biha Jiena sfart daqs il-lumija Qbadt qasrija tfajtha l-hija llqatt iz-zija li din toqgħod Numru mija, triq San Lija, go Hal-Lija

52	One day, Charlie Chaplin kien għaddej Kien għaddej minn strada rjali Beda jkisser il-fanali Qabduh il-pulizija Beda jibki daqs tarbija Niżel l-isfel l-isfel Sab xadina qiegħda tiżfen Tela' l-fuq l-fuq Sab sold u daħlu fil-but.

53	Ħnejsa mietet Ommha tibki, tibki ls-siġra waqqat werqitha L-għasfur waqqa' rixhu Is-seftura kissret il-ġarra U s-sinjura ħarġet bil-patata barra

54	Fis-siegħa twieled dudu Fis-sagħtejn beda jitwal Fit-tlieta kellu l-mara Fl-erba' kellu t-tfal Fil-ħamsa tagħtu taqlibha Fis-sitta miet Fis-seba' ħaduh Fit-tmienja difnuh Fid-disa' qalgħuh Fl-għaxra sajruh Fil-ħdax kieluh F'nofs il-lejl għadduh

Darba kien hemm sultan
Ħabat siequ mat-tigan
It-tigan irid il-bajd
ll-bajd għand it-tiġieġa
It-tiġieġa trid in-nuħħala
In-nuħħala għand il-il-furnara
Il-fumara trid it-flus
Il-flus ghand l-istampier
L-istampier irid il-warda
Il-warda fil-qasrija
Il-qasrija trid l-ilma
L-ilma fil-bir
Il-bir irid il-barmil
Il-barmil irid il-ħabel
Il-ħabel tal-istokka
Min jiġbed u min jimbotta

Lanċa ġejja u oħra sejra,
minn tas-Sliema ghall Marsamxett.
Il-kaptan bil-pipa f'ħalqu
jidderieġi l- bastiment.

Meta waslu f'nofs ta' baħar
il- kaptan ħassu ħażin.
Ma kellux minn idur miegħu,
daru miegħu il-baħrin.

jew........

Sewwa sewwa f'nofs ta' baħar
Il-kaptan ħassu ħażin
Ma kellux min idur miegħu
Daru miegħu id-dubbien (jew Katerin)

Għamillu karta
Għamillu karta
Għamillu karta
Għal tax-xjuħ.

57	Paċi kulaċi l-Madonna fuq rasi Kristu fuq l-artal qed ibierek it-tfal żgħar dawn it-tfal imberkin għax se jsiru qaddisin

58	Paċi bejnietna Il-Madonna fuq rasi. Il Bambin jaħbini u l-Madonna issibni. Kristu fuq l-Artal ibierek lit-tfal żgħar.

59	Ħames kordi fiha kitarra Ħames swaba fiha l-id Ommi ħabbet lil missieri Jiena nħobb lil min irrid

Wieħed tnejn tlieta,
Paċik qabeż mit-tieqa.
Ġie fuq blata, weġgħa' il-patata.
Mar għand ommu, ċapċapthomlu.
Mar għand missieru, kisirlu sninu.
Mar għand ir-re, garalu gabarrè.
Mar għand ir-Regina, garatlu kuċċarina.
Mar għand it-tabib, diliklu l-butir.
Ħaduh l-isptar, għattewh bl-liżar.
Ħallewlu ż-żokkra barra u kielilu d-dundjan.

61	Wiċċ il-ward u wiċċ il-qronfol Wiċċ it-tursin u n-nagħniegħ Għandna t-twal u għandna l-qosra Għandna l-koroh u għandna s-sbieħ Sema safi u bla riħ, ebda sħaba jum sabiħ. ġib ballun u lkoll flimkien niġru, niġru ġewwa l-ġnien. ġnien sabiħ u b'siġar kbar b'dawn jifirħu t-tfal iz-zgħar.

Għandi pupa wisq sabiħa,
aħmar wiċċha bħal-pepprin.
B'par għajnejn minn lewn is-sema,
bħalha żgur ma ssibx ħelwin.

Il-mama' bħali tlibbisha,
mid-drapp stess tal-libsa tiegħi.
Oħti z-żgħira nistħajjilha,
meta jien noħroġha miegħi

Fejn immur dejjem noħodha.
għax mingħajrha ma jien xejn,
Minn fejn ngħaddi nisma' jgħidu.
"Dawna donnhom pupi t-tnejn"

63	Ghandi kaxxa ġugarelli, din mimlija sa fuq nett, Għandi l-pupa u l-karozza u tat-tè jien għandi sett. Ballun ċkejken u safrani, Ors jiċċaqlaq u vapur, hemm xadina qisha ħajja, pupu ħelu fuq mutur.

64	Bumm Bumm il-bieb Min ġie, min ġie, min ġie? Ġie Patri Kapuċċin Ġabilna qoffa tin It-tin pappejnih U l-patri keċċejnih

Bum Bum il-bieb, onġi onġi onġella
Bum bum il-bieb, onġio kavallier
Min ġie, min ġie?, onġi onjgi ongelta
Min gie, min gie?, onġio Kavallier
Ġie il-paxxatore, onġi onġi onġella
Ġie il-paxxatore, onġio kavallier
Xi jrid il-paxxatore?, onġi onġi onġella
Xi jrid il-paxxatore?, onġio kavallier
Irid tifla sabiħa, onġi onġi onġella
Irid tifla sabiħa, onġio kavallier
X'nagħtuha lil din it-tifla?, onġi onġi onġella
X'nagħtuha lil din it-tifla?, onġio kavaltier
Nagħtuha libsa sabiħa , onġi onġi onġella
Nagħtuha libsa sabiħa, onġio kavallier
Dan huwa mhux biz-żejjed, onġi onġi onġella
Dan huwa mhux biz-żejjed, onġio kavallier
Nagħtuha brazzuletta, onġi onġi onġella
Nagħtuha brazzuletta, onġio kavallier
Min hija din it-tifla?, onġi onġi onġella
Min hija din it-tifla?, onġio kavallier
Din hija (isem ta xi tifla), onġi onġi onġella
Din hija (isem ta xi tifla), onġio kavallier
Ħuduha la triduha
Għax aħna ma għandniex x'nanbuha

66	Il-ħmura ta' filgħodu lesti ż-żwiemel fejn joqgħodu Il-ħmura ta' filgħaxija lesti ż-żwiemel għat-tiġrija

67	Qalbi naqla' u nibatilek ġo plattina tal-ġelat għax kemm ilni ninnamra miegħek qegħda nonqos bis-siegħat

68	Meta ommi kellha lili missieri kemm feraħ bija mar jgħid lil ġirien kollha "il-mara tiegħi kellha tarbija"

69	Meta ommi kellha lili stiednet lil Arċipriet daħlilha taħt is-sodda u kililha kull ma sib

Iż-żunżana ddur iddur,
fuq il-Bejt tal-kaċċatur,
meta tasal taħt il-mina,
tagħmel żinn, żunn, żann.

Iż-żunżana ddur iddur,
fuq il-bejt tal-Gvernatur,
meta tasal taħt il-mina,
tagħmel żinn, żunn, żann.

Iż-żunżana ddur iddur,
fuq il-bejt ta` l-arkitettur,
meta tasal taħt il-mina,
tagħmel żinn, żunn, żann.

Iż-żunżana ddur iddur,
fuq il-bejt tal-pittur,
meta tasal taħt il-mina,
tagħmel żinn, żunn, żann.

71	Ċikki ċikki iċ-ċombini Ċikki ċikki l-barbazzal Il-għarusa minn Hal-Lija U l-għarus minn Hal Balzan.

72	San Nikola tal-Venturi Tlabtu waħda tagħni tnejn waħda għamja u l-oħra zoppa Kemm aħjar ma tagħni xejn

73	Niżżik ħajr San Pawl ta' Malta Talli ġibtni go din l-art Sajf u xitwa tinti barra Mistagħġeb kif ma nħossx bard.

74	O' Ġesù xi grazzja tagħtni Kont fix-xifer u 'mbottajtni Kont musmar ġibtni grampun U issa qiegħed kif għandi nkun.

75	Gallarija ma' ġenb l-oħra Kemm hi tajba għan-Namur Hi titfali ċ-ċikkulata U jien nilqagħha fil-maktur.

76	Qalulek mgħedniex inħobbok Dik mhix ħlief għejra tal-gara jekk indur id-dinja kollha Isbaħ minnek l-anqas nara.

77	Jien jisimni Wiġi l-laggu Bin Wenza tal-gatterell ommi kienet tbiegħ il-vopi Missieri bejjiegħ l-arznell.

Darba n-nannu kif iż-żewweġ
kera dar f'nofs il-Furjana
F'nofs il-bitħa sewwa sewwa
Xettel siġra tal-banana.
Darba n-nannu nagħsu tajjar
Għaliex sema' t-tħaxwix
Il-qattusa f'nofs il-bitħa
Kienet tiekol il-haxix.
"Kixxi, kixxi, qlilha n-nannu
Ma tarax li dik mhix ħuta."
Denbha ħxien għajnejha xegħlu
Sufa qam bhaż-żigarelli'
Minn għajnejh bdiet ittajjar
Trikki trakki u suffarelli.

79	Raġel xiħ ħiereġ mid-dinja Xejn m'hu jagħli għax ser imut Biss qed jagħli għall-ispiża Li ser jagħmel għat-tebut.

80	Kalafrana nieħdok naħslek Birżebbuġa nixxottak Biex meta jiġi l-ħanini hemmhekk joqgħod jiggostak

81	Kont għaddej' minn Strada Rjali, Għadda ġuvni u ttantani, Misli l-qoffa biex jinkini, U sa fastidju ried jagħtini. Lejn ir-raħal nerġa' mmur, Lil missieri nugzaħ żgur, Taħt is-siġra jien kellimtu, U hemmhekk tani l-maktur. Il-maktur tal-ħarir abjad, U ċ-ċurkett tal-fossa blù.

82	Kilt il-qalba tal-karfusa, Xrobt it-tazza ta' l-inbid, Ommi ħadet lill-missieri, W jien nieħu lil min irrid.

83	Min dit-triq għaddejt u ngħaddi, W go di t-triq se nerġa’ mmur, Għax hemmhekk għandi l-ħanini U jxejjirli bil-maktur.

84	Min dit-triq għaddejt u ngħaddi, Għax f'dit-triq għandi qasrija, Jien ma nħobx il-ward li tagħmel, Inħobb it-tfajla li ssaqqiha.

85	Nirrak taqbdek puplesija, W it-tabib tiegħek inkun jien, Nagħtik duwa kontra l-marda W neqirdek f'erbat ijiem.

86	X'par għajnejn għandu ħanini, Kif se nagħmel neħodomlu Nilgħabu il-Bella Donna W waħda waħda nisraqhomlu.

87	X'dawl ta' qamar tela l-lejla Ċaqqufa ħsiebta xelin, It-tfajliet tar-raħal tagħna Kbar u żgħar kolla kesħin.

88	Il-lejla lejliet l-imnarja N-nies tax-xatt iġorru d-dgħajjes, U kannestru biċ-ċirasa Fuq il-mejda ta' l-għarajjes.

89	Dak għasfur min tad-durrgħajsa, Min fuq siġra għal oħra jtir, Jiekol il-bajtra l-misjura U n-nejja jħalliha ssir.

90	Min dit-triq għaddejt u ngħaddi, W go dit-triq se nerġa’ mmur, Għax ax-xemx għandi l-umbrella W għall-għaraq għandi l-maktur.

91	Smajt tisfira f'nofs ta’ baħar Żewġ ħutiet għajtu l-xulxin, Jinnamraw il-hut fil-baħar Aħseb w ara il-bnedmin.

92	Il-kunjata ġġieldet miegħi Kemm għajritni ċarċarula Ċarċarula kont u għadni Basta 'ssa l-binha ħadtula.

93	Ħanini mar u telaqni Kif se nagħmel biex ninkih Naqla’ ieħor isbaħ minnu W min quddiemu ngħaddi bih.

94	Trid tiddandan u trid tilbes Biex turi kemm int min tagħna, Għax ma tmurx itħallas dejnek, Taċ-ċurkett u l-ġiżirana.

95	W'a lilek tas-sigarru f'ħalqek Neħħieh għax taħraq xuftejk, Int taħseb li jiena inħobbok Għax tarani nħares lejk.

96	Saħħa Sinjura, Għada mmorru it-tieġ bil-laħam u t-tiġieġ frawli biz-zokkor pastizzi tas-summien, karozza bajda bajda, kollha ward u ġiżimin minn huma dawn l-għarajjes huma Toni u Vitorin.

97	Anglu Bellu Saqajn tal-fildiferru Denbu tar-rix Meta jagħmel ma jbatix.

98	Il-Kitarra fiha toqba Go fiha daħal ġurdien Ma kienx hemm min jaqbaduli Daħħalt idi w qbadtu jien.

99	Madonna ta’ Pompeii Ħarisna bin-nhar u bil-lejl.

100	Tan-nanna ħelu manna Ta’ Gerit ħelu penit Tan-nanna bil-bandieri Ta Gerit bil-kantunieri.

101	Meta ommi kellha lili Għamlet ir-ross fil-forn Stiednet lill kelb u l’ qattusa u ħabtithom sorm ma’ sorm.

102	U il-lejla sejjer ngħanni Taħt it-tieqa tal-isptar Wieħed jagħjat bil-ferita W'l-ieħor jiġri bl-awrinar.

103	Lilek tal-gallerija Idħol ġewwa aħseb dnubitek Ħutek koroh kollha żżewġu Int sabiħa, ħadd ma jridek.

104	Imbagħad is-sur pawl miet U l-patri għalaq il-ktieb, Fittxu ħuduħ 'il-barra Biex naqsmu dak li ħalla, Geżwruh ġo gverta kbira Minn daċ-ċuċ naqlgħu nofs lira, Kemm ser ndumu tgħelin tlajja Għal dil-qaħba disa' rbajja, Kemm ser ndumu sejrin bih Kellu żiemel iġerrih.

105	Labra msadda u ħajt imħabbel Kif triduni insewwi l-qmis Ix-xbejbiet jiġru warajha kif triduni insir qassis.

106	I am, thou art, figolla, He is, kielili kollha, I am, thou art, tu sei, Tela' lottu w ma ħadt xejn.

107	ITE MISSA EST, Wara l-bieb dejjem bil-lest.

108	Karozza b'erba' roti Ma tgħaddix minn Putirjal, Iftħulu l-bieb tal-bombi, Ħalli jgħaddi (isem it-tifel).

109	Sejjer norqod u nirposa, Noffri ruħi 'il Santa Roża, Sejjer norqod u nirposa, Norqod raqda qisni mogħża.

110	Meta pastarda ssir kaboċċa, Tal-Karmnu ssir parroċċa.

111	Bravu Ċirillu Għalhekk jgħidulu hekk, Rebaħ bandiera ta' la Valette.

112	Bravu Ċirillu Għalhekk jgħidulu hekk Hara f'qalzietu u mesaħ fil-ġlekk.

113	Tar-rizzi waqa' l-baħar, Tal-imħar qabeż għalih, Tar-rizzi tela' jiġri' Tal-imħar baqa’ fil-qiegħ.

114	Pawlu Pasparawlu Taħt is-sodda jisparawlu Ommu tibkieh U missieru jiġri bih.

Jekk taf xi rimar ieħor bil-Malti li mhux imniżżel hawn nitolbok tibgħathom għand
jjcassar@allmalta.com

Ġaħan jiġbed il-bieb warajh

Tpinġija meħuda mill-ktieb

Il-Ġaħan ta’ Madwarna

Stejjer miġbura minn
Doris Vella