| |
|
It-tempju ta’ l-Mnajdra f’Sydney |
|
| |
|
 Ħafna
drabi nfakkru li l-emigranti Maltin ġarrew ħafna iktar
mill-bagalji u l-kaxxi li ġabu magħhom minn Malta għal
Awstralja. Ġibna magħna ukoll il-lingwa, l-kultura u ħafna
użanzi tradizzjonali Maltin. Dan l-aħħar jidher li t-tempji tal-
Mnajdra ġew l-Awstralja wkoll. Bernadette Flynn li hija ta’
nisel Irlandiż u qed tistudja fl-Universitą ta’ NSW (School of
English, Media and Performing Art) u tispeċjalizza fi proġett
fantastiklu hekk imsejjħa Spaces of Mnajdra li joffri lill-
poplu laqgħa fil-viċin maċ-ċiviltą artistika u kumplessa li
tieħdok lura madwar tliet jew erba’ millenji qabel Kristu.
Dan il-proġett huwa ppreżentat bħala advanced visualization and
interactive environment fis-sistema iCinema fuq skrin ta’ 30
metru wiesgħa u għoli tlett metri u nofs f’għamla ta’ f’nofs
ċirku.
L-esperjenza li ħolqot Bernardette Flynn flimkien mal-għajnuna
teknika ta’ sħabha li tiġbor fiha sittax il-kamra tar-ritratti
tieħdok dawra mat-tempju u turik kif kien meta kienu jgħixu fih
l-antenati tagħna. Huwa xogħol tassew delikat iżda maħdum
b’sengħa u attenzjoni kbira tant li dam madwar tlett snin biex
ġie żviluppat. |
|
 |
|
Waqt The Images of Mnajdra.
Mix-xellug, Lino Vella, John Aquilina MP,
il-Gvernatur ta' NSW Prof Marie Bashir, Il-Kummissarju Għoli
Francis Tabone,
Bernardette Flynn, Lawrence Dimech u Charles Mifsud. |
 |
|
L-Universitą offriet
l-opportunitą li turi dan l-ispettaklu lill-għadd ta’ Maltin li
marru jarawh. Kien hemm ukoll ftuħ uffiċjali li għalih attendew
il-Gvernatur ta’ NSW Prof Marie Bashir, l-Onor John Aquilina,
l-Kummissarju Għoli, Francis Tabone, Adam Scicluna u
membri prominenti tal-komunitą attiva’ Maltija. Din kienet ukoll
l-ewwel okkażjoni pubblika
li |
|
għaliha attenda l-Konslu
Ġenerali ta’ Malta f’NSW, Christopher Mercieca u martu.
Kull min irnexxilu jara dan l-ispettaklu ħareġ iffaħħru għax
tassew jieħdok lura lejn żmien il-qedem b’mod realistiku ta’ kif
kienu jgħixu f’dawn it-tempji neolitiċi dawk li ġew qabilna. |
|
|
|
| |
|
|
| |
|
|
| |
|
Kien
xieraq li l-50 anniversarju mit-twaqqif tal-Kunsill Malti ta’
Victoria fl-1958 jiġi ċċelebrat permezz ta’ ktieb ġdid dwar
l- istorja ta’ din l-għaqda. Madwar mitejn ruħ attendew iċ-Ċentru
Malti f’Parkville fl-Istat ta’ Victoria fejn il-ktieb,
Under One
Umbrella: A history of the Maltese Community Council of
Victoria, 1958-2008 tal-Professur Maurice Cauchi ġie mniedi
mill-Premier tal-Victoria, l-Onorevoli John Brumby. Preżenti
wkoll kien hemm l-ET is-Sur Francis Tabone, Kummissarju Għoli u
s-Sur Charles Mifsud, Konslu Ġenerali għall-Victoria.
Bla dubju ta’ xejn, dan il-ktieb huwa studju mill-aktar komplet
fuq dak kollu li kellha tiffaċċja il-komunitą Maltija
fil-Victoria |
|
|
|
tal-Kunsill biex iżomm
il-kultura u l-lingwa Maltija. Wieħed isemmi t-twaqqif ta’
l-ikbar librerija ta’ ‘Melitensia’ barra minn Malta, iċ-ċelebrazzjoni
tal-festi nazzjonali u t-tagħlim tal-Malti fil-bini tal-Kunsill,
kif ukoll għadd ta’ attivitajiet oħra.
Fil-ktieb hemm ukoll diskussjoni twila fuq aspetti li jolqtu
lill- Maltin direttament, fosthom il-ħidma tal-Kunsill biex
jiżgura ġustizzja soċjali permezz tal-portabilita’ tal-pensjonijiet
u l- ftehim reċiproku dwar is-saħħa. |
|
|
 |
|
Il-Premier ta' Victoria
qiegħed iniedi l-ktieb tal-Prof M Cauchi
fiċ-Ċentru Malti. |
| |
|
Fi kliem il-Premier tal-Victoria,
dan il-ktieb “jagħti stampa unika tal-komunita’ Maltija li
kkontribwiet ħafna f’dan l-Istat. Huwa xogħol uniku u
mportanti.”
Huwa ttamat li dan il-ktieb ikun interessanti mhux biss
għall- Maltin tal-Victoria imma wkoll għal kull min huwa
intressat fl- emigrazzjoni fi stati oħra fl-Awstralja kif ukoll f’Malta u f’pajjiżi oħra fejn emigraw il-Maltin.
Dan il-ktieb jista’ jiġi akkwistat mic-Ċentru Malti 477 Royal
Parade, Parkville, Victoria 3052 [Tel: 03 93878922]. |
|
|
| |
|
|
| |
|
Tislima lil Joe Galea mir-Rabat Għawdex
(1943-2010) |
|
| |
 |
|
Joe Galea |
|
|
Il-ħabib
tiegħi Mark Caruana bgħatli dan ir-rapport dwar wieħed
mill-ħaddiema tal- komunitą Maltija. Qed nissellef il-kitba
tiegħu.
Meta ħadt l-aħbar li Joe Galea kien ħalliena fl-10 ta’ Jannar
2010, ħassejt dieqa kbira. Ġewni ħafna memorji nostalġiċi ta’
kemm kien attiv u kemm għen familji, speċjalment fi problemi li
kienu jolqtu l-wirt u l-prokuri minn Malta.
Joe, jew Ġużeppi kif kienu jsibuħ ħafna, twieled ir-Rabat
Għawdex |
|
|
fl-4 ta’ Novembru 1943.
Kien jaħdem il-Qorti ta’ Għawdex bħala Reġistratur Pubbliku. Fi Diċembru 1981 emigra
għall- Awstralja flimkien ma’ martu Margaret, li hi għalliema
fl-iskejjel, u żewġ uliedu Georgette ta’ 10 snin u Felix ta’ 8
snin.
Għal tlett snin ħadem miċ-Ċentru La Valette bħala grant-in-aid
welfare worker(1981-84) fejn għin lill-Maltin f’kull xorta ta’
għajnuna. Kien jattendi wkoll il-laqgħat tal-Maltese Welfare
(NSW). Imbagħad għamel kors ta’ studju fil-welfare u sab impjieg
permanenti mad-Department of Community Service u ħadem minn Mt
Druitt, bħala child protection worker. Minkejja li dan kien
xogħol diffiċli fost familji fejn jidħol xi abbuż tat-tfal, Joe
kien maħbub u popolari u kien jaqdi dmiru b’effiċenza u impenn. |
|
|
Wara, kien sofra attakk ħafif tal-qalb
fis-snin 1987 u 1993, u kellu jnaqqas mix-xogħol u ħadem biss
part-time. Joe stabbilixxa ruħu f’Riverstone fejn
rabba familja u kien nannu ta’ sebat itfal. Kienu l-mimmi ta’
għajnejh. Għalkemm irtirat, xorta kien imfittex mill-Maltin għal
pariri dwar ereditą minn Malta.
Lil Joe nafu bħala bniedem prattiku, li kien jifhem sewwa l- mentalita
Maltija u kien kapaċi jagħtik parir tajjeb. Kien it-tieni
persuna mqabbda miċ-Ċentru La Valette biex taħdem bħala welfare
worker Malti full-time għall-Maltin u kien jaqsam ħafna
mill-bżonnijiet ta’ għajnuna flimkien ma’ Fr Paul Baron OFMCap.
Meta rtira mix-xogħol, Joe kien iqatta’ ħafna ħin fost
id-diversi għodod li kellu fil-garaxx. Kellu l-opportunitą li
jħaddem it-talent tiegħu fl-arti ta’ l-injam, u lit-tfal
tat-tfal, jirreġalalhom bosta ġugarelli, djar tal-pupi u għamara
għat-tfal. Tkisser sewwa f’din l-arti, tant li għamel ħafna
xogħol volontarju lil-Kunvent fil-qrib fit-tiswija ta’ għamara
miksura u ħolqien ta’ inkwadri, slaleb ecc. Kiseb fama lokali
tant li hu u martu Margaret daħlu għal proġett ta’ rinovazzjoni
ta’ l-artal tal-knisja ta’ Riverstone, u dan għamluh b’imħabba
devota għall-parroċċa.
Kull min kien jaf bil-ħila
tiegħu, kien jgħidu Joe will fix it, u t-tfal tat-tfal l-istess
kienu jgħidu Nannu will fix it.
Lil familja ta’ Joe nixtiqilhom l-għomor u minn dawn il-paġni
nsellem lil bniedem li għen bosta u bosta Maltin u Għawdxin
f’diversi bżonnijiet li kellhom bżonn, kemm ta’ ktiba u xogħol
ta’ l-injam. Mulej agħtih il-mistrieħ ta’ dejjem. Qatt minsi u
dejjem fi qlubna. |
|
| |
|
|
| |
|
Fil-ġimgħat li ġejjin jekk tridu
taqraw din il-kolonna tridu tidħlu dirett f’www.allmalta.com.
Mhux possibbli li nibgħatilkom dirett fil-mailbox tagħkom. |
|
|
|
|
|
|
|
Nieħdu gost jekk tibgħatuli
aħbarijiet mill-komunitą biex indaħħluhom f’din il-website li
tmur mad-dinja kollha b’kalkolu ta’ madwar 1500 qarrejja
fil-ġimgħa.
Ibgħatu lil
lawdimech@optusnet.com.au |
|
|
|
|
|
Jekk trid taqra
l-artikli ta' dawn il-paġni li dehru qabel
Agħfas Hawn |
|
|
|
|
|
|
|
|
|
