Iktar dwar il-Kunsill għall-Maltin ta’ Barra. Fl-istadju tal- Kumitat reġa’ ġie rrevedut it-tqassim tal-membri.

Sar ftehim bejn iż-żewġ Partiti politiċi li jitnizzlu n-numru għal għaxra, bla ma jintmissu dawk allokati għall-Awstralja. B'hekk is-saħħa tal-membri mill-Awstralja fil-fatt żdiedet.

Qabel in-numru totali kien ta’ 12-il-membru.

Dan wara li komplejna nimilitaw li kif kienu mqassma it-tnax il- membru kien se jkun hemm ftit spariġġ meta wieħed iqabbel man-numru ta' Maltin ma' dawn kienu se jirrappreżentaw.

Il-membri skond din l-aħħar aħbar se jkunu mqassma hekk:

Ħamsa mill-Awstralja, l-Amerika u l-Kanada tlieta u UK u EU wieħed kull wieħed.

Il-Prim Ministru xorta jrid iżid ħamsa oħra.

Il-kelliemi tal-Oppożizzjoni Dr George Vella MP enfasizza li qiegħed jingħata impenn minn naħa tal-Gvern għax dan il- Kunsill ma rriduhx politizzat, u li kull min jiġi appuntat ikun hemm qbil dwaru.

Dwar it-twaqqif ta' l-Istitut għall-Kultura Maltija, insistew li din ma titpoġġiex fuq l-ixkaffa u li mal-ewwel ċans li nsibu, invarawh.

Wara kuntatti bejn il-kumpanija u l-Konslu Ġenerali ta’ Malta fil-Victoria, Charles Mifsud, il-Kumpanija Maltija Consolidated Biscuits qed tesporta l-prodotti tagħha lejn l-Awstralja. Id-distribuzzjoni tal-prodotti hija f’idejn Simply European, kumpanija Awstraljana tal-Malti-Awstraljan, Tony Busuttil.
 
Simply European impurtat l-ewwel konsenja ta’ tipi differenti ta’ galletti ta’ Malta, Crix u Krispini. Dawn il-prodotti jinsabu għall-bejgħ fil-Victoria, New South Wales u Queensland.
 
Tony Busuttil informa lill-Konsolat Ġenerali f’Melbourne li l-konsenja li importa marret tajjeb u nbiegħet fi ftit jiem. Konsenji oħra diġà ġew ordnati.
 
Din hija suċċess għall-kuntatti li saru f’Malta mill-Konslu Ġenerali ta’ Melbourne sabiex jitkabbar il-kummerċ bejn Malta u l-Awstralja. Kuntatti kummerċjali oħra qed jiġu segwiti mill-qrib mill-Konsolat Malti ta’ Melbourne fil-Victoria. Jekk jirriżultaw f’suċċess ukoll, allura aktar prodotti magħmula f’Malta jkunu fis-suq Awstraljan, sabiex jitgawdew partikularment mill-komunità Maltija.
 
Simply European  timporta wkoll prodotti tal-ħġieġ tal-kumpanija Maltija, Mdina Glass.

Il-logħba tar-Rugby League saret popolari ħafna mal-komunità Maltija u għalhekk ma setax jonqos li jkun hemm Maltin imdaħħla wkoll fl-amministrazzjoni taż- żgħażagħ. Bill Borg, imwieled San Lawrenz, Għawdex ilu involut fil-Junior Rugby għal dawn l-aħħar 30 sena meta ibnu beda jilgħab ma’ St Clair JRLC u beda jagħti daqqa t’id.

Fis-sena 1989 ġie maħtur segretarju fejn sal-lum għadu jżomm din il-pożizzjoni. Fil-bidu tal-amministrazzjoni tiegħu kien hemm 18-il tim; illum hemm 48 tim b’800 plejer minn ta’ taħt is-sitt snin sal-A grade, jiġifieri saru l-ikbar JRCL fid-distrett ta’ Penrith. Dak li beda bħala interess illum jinvolvi ħafna siegħat tax-xogħol.

St. Clair JRLC rebaħ l-unur ta’ Best Managed Club fid-distrett ta’ Penrith ħames darbiet. Bill Borg ingħata Life Membership kemm ta’ St Clair u anke ta’ Penrith District JRLC. Irċieva iktar unuri bħal Sports Achievement Award minn Penrith City Council u Centenary Medal mill-Australian Rugby League. Fis-sena 2009 ġie onorat billi ġiet imsemmija football field għad-unuru. The Bill Borg Mini Field f’Peppertree Reserve, Erskine Park NSW fejn jilgħabu St Clair Comets.

Fil-ħarġa ta’ The Maltese Herald tas-6 ta’ Novembru 2011, il- korrispondent politiku li jikteb minn Malta fakkar lill-qarrejja li kont jien wieħed mill-ewwel ċittadini Maltin li pprotestajt dwar it-tariffi inġusti tal-Arriva, il-kumpanija ġdida tal-karozzi f’Malta. Hu kiteb tajjeb dwar kemm qanqalt kummenti bil-kritika tiegħi.
 
Fil-fatt fit-Times ta’ Malta dehret stqarrija mill-Custom Services tal-kumpanija ARRIVA miktuba fit-31 ta’ Ottubru 2011 li kienet tgħid hekk;

We would like to inform you that the passport is a good evidence of Maltese Citizenship, therefore you will benefit from the discounted fares.
 
Se nħalliha bl-Ingliż biex ma jkunx hemm xi skużi. Ippruvajna nikkonfermaw din l-istqarrija iżda sa kemm ktibt dan l-artiklu ma kellna l-ebda tweġiba.
 
Niftakar ukoll li f’Diċembru 1995 kont ipprotestajt bil-qawwa fil- ġurnali Maltin meta l-Gvern Malti kien iddeċieda li jneħħi mill- pjanċi tal-karozzi privati f’Malta, l-arma Maltija u minflokha idaħħal l-arma tal-UE. Kont ilmentajt ukoll li l-bandiera tal-UE qed tiġi mogħtija l-istess importanza daqs il-bandiera Maltija, ħaġa li għadha ssir sal-lum.