Fil-George Cross Falcons Club ta’ Lake Avenue Cringila (naħat ta’ Wollongong) sar festin biex jiġi jikkommemoraw is- sittin anniversarju mit-twaqqif ta’ din il-għaqda Maltija, waħda mill-eqdem fi NSW, jekk mhux fl-Awstralja.
 
Għal din il-festa, il-Maltin ta’ Wollongong attendew bi ħġarhom. Attendew ukoll ħafna Maltin minn naħat ta’ Sydney.
 
Il-President taċ-Ċentru Malti, George Cross Falcons, Louis Parnis fetaħ iċ-ċerimonja fejn l-ewwel irringrazzja l-folla kbira li attendiet u l-mistednin tal-unur fosthom l-Isqof ta’ Wollongong, Rev Peter Ingham, il-Kummissarju Għoli għal Malta. L-E.T. Francis Tabone, Noreen Hay, Membru Parlamentari għal Wollongong, Stephen Jones, il-Membru Federali għal Throsby, Alfred Fenech il-President tal-Kunsill Malti ta’ NSW, id-direttur spiritwali tal-klabb, Patri Leonard Testa, Lino Vella u Rita Kassas tal-Maltese Herald.
 
Il-President qal kemm hu importanti li ċ-Ċentru jibqa’ sod għax mhux biss hu post fejn niltaqgħu soċjalment imma wkoll joffri servizzi oħra speċjalment għall-pensjonanti.
 
Patri Testa qara silta min-nawfraġju ta’ San Pawl fuq il-gżejjer Maltin u wara l-Isqof Peter Ingham għamel diskors qasir għall- okkażjoni fejn semma’ kemm kien ħa pjaċir meta żar Malta sentejn ilu.
 
Wara bierek skultura li tirrapreżenta l-emigranti Maltin li se tkun imwaħħla permanenti fuq quddiem tal-każin b’tifkira għall- eluf ta’ Maltin li ħallew l-ixtut Maltin speċjalment dawk li ġew Wollongong.
 
Azzjoni oħra importanti kienet il- pittura kbira mal-ħajt ta’ quddiem tal-każin fejn turi parti mil-Port il-Kbir ta’ Malta u xena Awstraljana,  simbolu  tal-integrazzjoni  ta’  l-emigrant  Malti fil-

Il-faċċata taċ-Ċentru Malti bil-mural ftit wara li ġie mwaħħal

Il-monument żgħir li ġie nawgurat ma' ġenb iċ-Ċentru

M’inhix dilettant taż-żwiemel iżda l-ħabib tiegħi, il-Ħamruniż Gejtu Deguara jżommni informat dwar dak li jsir f’Melbourne u dan l-aħħar qalli li l-veteran ġerrej Darren Gauci kien għandu kif iċċelebra għeluq sninu (45 sena) kien involut, flimkien ma’ żewġ ġerrejja oħra f’inċident li ġara wara li ż-żwiemel tat-tiġrija kienu għadhom kemm qabżu l-Winning Post fil-kors ta’ Caulfield ftit jiem qabel il-Milied. Gauci u t-tnejn l-oħra spiċċaw mal-art iżda għalkemm tkaxkru xi ftit ma kienx hemm ġrieħi kbar.. Il-ġerrej li kien il-kaġun ġie sospiż għal 18-il tiġrija. Darren Gauci ma ħax part fl-aħħar tiġrija iżda qal li jinsab tajjeb wara li mar fl-isptar ta’ Epsworth u sab li kellu l-għaksa minfuħa. Mhu qiegħed iwaħħal f’ħadd minħabba il-waqgħa. Dan il-ġerrej ta’ fama kemm–il darba żar Malta. Fl-isport tar-Rejiet, kif isejjħu t-tiġrijiet taż-żwiemel, il-Malti, Darren Cauchi hu wieħed mill-istilel fl-Awstralja.

Il-President tal-Green Gully Soccer Club, Chares Farrugia b’intervista ma’ gazzetta f’Melbourne qal li kien imħasseb dwar l-attentati ta’ serq li qegħdin isiru fin-naħat li jinvolvu hotels u klabbijiet li għandhom il-liċenzji tal-logħob tal-azzard. Farrugia qal li għalkemm mhux xi ħaġa sabiħa li jsir dan is-serq iżda assigura lill-klijent tagħhom li ma hemmx bżonn ta’ tħassib meta jżuru postijiet fejn hemm il-makni tal-pokies għax il- pulizija jinsabu għassa. Jekk xi ħadd jilmaħ lil xi persuna ta’ suspett għandu jirrapurtha minnu fih.

Il-GG Soccer Club ġie mwaqqaf bħala Ajax Soccer Club fis-sena 1955 minn emigranti Maltin partitarji tal-Furjana. Il-klabb biddel ismu għal Green Gully meta akkwista l-home ground tiegħu fil-punent tal-Melbourne. L-isem ta’ Ajax ġie mneħħi fis- sena 1982 u t-timijiet tas-soccer bdew jikkompetu bħala Green Gully Cavaliers.

Fil-preżent dan il-klabb jikkompeti fil-Premier League ta’ Victoria u huma wieħed mill-aqwa timijiet ta’ dan l-iStat. F’dan l-iStat hemm ukoll il-kompetituri tagħhom, klabb ukoll tal- Maltin, is-Sunshine George Cross.