Is-soċjetà Missjunarja ta’ San Pawl (MSSP) iċċelebrat b‘solennità kbira l- ewwel ċentinarju mit-twaqqif tagħha b’quddiesa lejlet Santa Maria mmexxija mill-Kardinal tal-Awstralja E.T. George Pell assistit mill-Isqof Terance Brady fil- knisja maestuża ta’ Horsley Park f’Sydney iddedikata lil Madonna tal- Vitorja. Kienet okkażjoni xierqa quddiem knisja mimlija nies fejn il-kappillan u l- provinċjal, Fr Mario Zammit estenda merħba lil dawk kollha li marru għal din iċ-ċelebrazzjoni storika waqt li Fr Jude Pirrotta fakkar fix-xogħol ta’ l-MSSP f’dawn l-aħħar mitt sena.

Fid-diskors tiegħu l-Kardinal George Pell ukoll faħħar ix-xogħol kbir li din l-Ordni Maltija għamlet mhux biss fl-Awstralja iżda mal-pajjiżi l-oħra bħal Kanada, l- Amerika, il-Peru, il-Pakistan, il-Filippini u l-Etjopja.

L-Ordni Missjunarja ta’ San Pawl ġiet imwaqqfa fl-1910 minn Mons Ġużeppi  DePiro li barra x-xogħol spiritwali tiegħu baqa’  magħruf  ukoll bħala wieħed li kellu parti attiva fis-Sette Giugno 1919. Serva bħal Senatur fil-Parlament Malti mis-sena   1932   sakemm  miet  waqt  li

Is-Superjur tal-MSSP fl-Awstralja,
Fr Mario Zammit.

Is-saċerdoti kollha li ħadu sehem fiċ-ċelebrazzjoni tal-mitt sena mit-twaqqif tal-MSSP
flimkien mal-Kardinal George Pell, l-Arċisqof ta' Sydney.

Sirna nafu li l-parruċċani ta’ din il-knisja li għandha konnessjoni kbira mal-Maltin u minn fejn toħroġ il-purċissjoni tradizzjonali tal-Ġimgħa l-Kbira li l-MSSP mhux se jkomplu jmexxuha, liema deċiżjoni diġà waslet lill-Kardinal Pell, l-Arċisqof ta’ Sydney.

Din l-aħbar urtat ferm mhux biss lill-parruċċani iżda lill-komunità Maltija. Sirna nafu li qegħdin isiru talbiet qawwija biex l-MSSP terġa’ taħsibha dwar din id-deċiżjoni li titlaq minn taħt il-ħarsien tagħha din il-parroċċa ta’ Horsley Park f’NSW.

Il-Knisja ddedikata lill-Madonna tal-Vitorja f'Horsley Park f'NSW.         

Dehra mill-Maltin li attendew għall-festa ta' Santa Maria.

Il-komunità Maltija ferm attiva ta’ South Australia jiċċelebraw b’devozzjoni kbira kull sena l-festa ta’ Santa Marija. Din is- sena kien hemm ukoll quddiesa minn Fr Gabriel Micallef li saret fil-Maltese Cultural Centre li hemm fis-subborg ta’ f’Beverley. Il-kumitat tant ħabrieki f’dan l-iStat tal-Maltese Guild ipprovdew ikla BBQ bid-deżerta wkoll lil dawk kollha li attendew.

Kien hemm ukoll il-banda, Maltese Queen of Victories li daqqet marċi brijjużi kif iħobbuhom il-Maltin. Kif jidher minn dawn ir-ritratti l-attendenza kienet numeruża u kulħadd ħareġ sodisfatt li l-Maltese Guild għal darba oħra reġgħu ħadu ħsieb l-interessi tal-komunità Maltija. Grazzi lil Joe Briffa li għaddili din l- informazzjoni.