Ilna nistennewha, waslet, għad baqa’ biss 6 tijiem, le mhux xi festa tal-patrun tar-raħal iżda l-elezzjoni Federali fl-Awstralja. Nhar  is-Sibt,  21  ta’  Awissu  l-poplu Awstralja se jmur jagħti l-ġudizzju  tiegħu f’din il-43 elezzjoni ġenerali biex naraw min se jiggverna għat-tlett snin li ġejjin. Il-mexxejja taż-żewġ partiti ewlenin qegħdin imexxu l-kampanja elettorali għall-ewwel darba. Fuq in-naħa tal-Liberali għandna lil Tony Abbott ta’ 52 sena  mwieled  Londra  u  fuq  in-naħa  l-oħra  għandna  lil Prim Ministru Laburista Julia Gillard ta’ 38 sena mwielda f’Wales UK. Żewġ emigranti li ġew l-Awstralja meta kienu għandhom tfal.

L-Opinion Polls qegħdin ibassru li se tkun photo-finish. Daqqa jgħidulna li l-Laburisti huma xi punti minn fuq u daqqa r-rota ddur u nsibu l-Liberali fuq quddiem. Dak li hu żgur, se nkunu nafu wara li mmorru nivvutaw fil-21 ta’ Awissu. Jista’ jkollna l-ewwel mara eletta bħala Prim  Ministru għax fil-24 ta’ Ġunju 2010 Julia Gillard kien biss appuntata mill-Partit Laburista u ħadet post Kevin Rudd li kien ilu Prim Ministru mis-sena 2007. Fil-preżent l-pożizzjoni tal-partiti fil-Kamra tar-Rappreżentanti hija hekk: Laburisti 83 siġġu, Ko-alizzjoni (Liberali/Nationals) 65 u tnejn Indipendenti.

Dan l-aħħar saret għotja ta’ kotba lill- Iskola tal-Malti t’Adelaide, fl-Awstralja. L- istudenti u l-għalliema tal-iskola stiednu lil Father Gabriel Micallef OFM, il- kappillan Malti tas-South Australia, biex jippreżenta dan is-sett ta’ kotba bil-Malti.
 
L-awtur ta’ dawn il-kotba huwa Monsinjur Anton Saliba minn Sannat Għawdex li bis-saħħa ta’ Anthony Stivala huwa rregala numru mhux ħażin ta’ kotba ta’ proża u poeżija biex dawn jiġu esibiti fil- librerija sabiħa tal-Iskola tal-Malti ġewwa ċ-Ċentru    Kulturali   Malti   f’Beverley   u

jintużaw mill-għalliema, l-istudenti u l-membri tal-komunità Maltija.

Il-prinċipal tal-iskola, Frank Scicluna, spjega kif din l-għotja hija riżultat ta’ korrispondenza bejn Anthony Stivala, George Caruana (Torresnsville SA) u Mons. Saliba li urew ix-xewqa li jgħinu lill-iskola tal-Malti t’Adelaide billi jagħmlu din id- donazzjoni ta’ kotba biex jgħinu fit-tagħlim tal-Malti fost il- Maltin li jgħixu barra minn Malta.

Fid-diskors tiegħu Father Micallef faħħar ix-xogħol  siewi  li din l-iskola  qed  twettaq  fost  il-komunità  Maltija  t’Adelaide  biex

iżżomm  ħaj  l-Ilsien  u  l-kultura tal-gżejjer Maltin. Father Micallef imbagħad ippreżenta lill-istudenti u l-għalliema  f’isem  Mons  Anton  Saliba, l-kotba.  Father  Gabriel  kellu l-okkażjoni li jiltaqgħa ma’ Mons Saliba waqt iż-żjara li għamel f’Għawdex f’April ta’ din is-sena.
 
Ta’ minn jinnota li l-Iskola tal-Malti t’Adelaide hija affiljata mal- Ethnic Schools Board tas-SA , mal-Ethnic Schools Association of SA u tagħmel parti mill-Federazzjoni tal-Iskejjel Maltin tal-Awstralja. L-iskola twaqqfet fi Frar 1982 u għalhekk dis-sena tagħlaq 28 sena.

Żagħżugħ ta’ nisel Malti, Paul Darmanin ta’ 15-il sena minn NSW flimkien ma’ student ieħor, Chase Lurati minn Victoria għadhom kemm rebħu s-sezzjoni tal-catamaran fil-World Youth Sailing Championship li saret fil-Bosphorous Strait fit-Turkija. Din kienet rebħa kbira għax iż-żewġ żgħażagħ qatt ma kienu baħħru fis-Serina SL 16 tal-catamaran li ġew użati f’din ir- regatta dinjija. Darmanin u Lurati qalu li fl-Awstralja ma hawnx Serina Cats u għalhekk qatt ma kienu raw bħalhom iżda ma sabuhiex diffiċli wisq biex draw LS16 tant li rnexxielhom jirbħu. Kienet ferm diffiċli għal dawn iż-żewġ żagħżagħ għax Lurati minn South Gippsland – Melbourne kellu jmur Sydney kull ġimgħatejn biex jittrejnja ma’ Darmanin. Huma saru partners wara li ħadu sehem fl-Australian Youth Nationals li saru f’Sydney. Il-koppja Awstraljana rebħu dan it-titlu globali billi għelbu baħħara magħrufa ferm ta’ pajjiżi bħal US, Gran Brittanja, id-Denimarka u Franza.