L-Australia Hall li tinsab fi stat ta’ abbandun fi Pembroke (Malta) għandha rabta qawwija mal-Awstralja. Din il-binja nbniet f’Novembru 1915 mill-fergħa Awstraljana tal-British Red Cross għall- benefiċċju tas-suldati ta’ l-Imperu li dak iż-żmien kienu qed jiġġieldu fid-Dardanelles. Ħafna minnhom sabu refuġju f’din il-Hall waqt li kienu qed jirkupraw mill-feriti tagħhom u mill-qilla tal-ewwel gwerra dinjija. Dawk iż-żminijiet Malta  ħadet  l-isem  ta’ “The Nurse of the  Mediterranean”  għax  is-suldati ta’ l-

Kien hemm ftehim li fuq l-art ta’ St Andrews titħallas bħala ċens is-somma ta’ 20,000 lira Maltija kull sena li l-PL kellu jiġbor mingħand l-Malta Shipbuilding. Jidher li dan iċ-ċens qatt ma tħallas u għalhekk illum hemm kwistjoni taħraq dwar din il- propjetà li l-Gvern ikklassifikata bħala Grade Two.
 
Meta f’Malta saret il-Konvenzjoni għall-Maltin li jgħixu Barra f’Marzu 2010 saret stedina lid-delegati biex jattendu laqgħa informali li saret eżatt f’Australia Hall. Jidher li hemm grupp immexxi mill-ħabrieka Yasmin Jovette (Maltija-Awstraljana) li tgħix f’Malta biex dan il-post jiġi mogħti l-ħajja u fl-istess ħin iservi bħala ċentru għall-Maltin Awstraljani u speċjalment il- mijiet li jżuru Malta mill-Awstralja kull sena.
 
Fl-istess żminijiet il-Partit Laburista għamel applikazzjoni lil MEPA biex jiżviluppa dan il-post. Jidher ukoll li dan l-aħħar saret tindifa sewwa u għalkemm l-Australia Hall li kienet vittma ta’ ħruq f’Diċembru 1998 għadha żdingata iżda bi ftit irranġar ieħor tista’ tiġi wżata almenu sakemm din il-kwistjoni bejn il- Gvern u l-PL tiġi solvuta.
 
L-Australia Hall Malta Society li qed tmexxi Yasmin Jovette għandhom ħafna pjanijiet u lesti wkoll biex jitolbu l-għajnuna ta’ EU. Għalkemm dan mhux l-ewwel attentat biex l-Australia Hall tiġi mogħtija l-ħajja mill-ġdid xejn ma jista’ jimxi ‘l quddiem qabel ma tiġi solvuta l-kwistjoni dwar min kellu l-obbligu legali li jħallas iċ-ċens.

Daż-żmien ma tistax tiftaħ it-televixin li ma tarax xi kok jew koka isajru kull kwalità ta’ ikel minn madwar id-dinja kollha. Iva, il-wirjiet ta’ kif isajjar saru popolari ferm. Dan hu s-sabiħ tal-Awstralja li hawn nies jgħixu fiha mill-erbat irjieħat tad-dinja.
 
Kok li qed jagħmel isem għalih, għal pajjiżu u għan-negozju tiegħu huwa l-Malti Awstraljan, Shane Delia.
 
Shane li huwa sid tar-restorant fil-qalba tal-belt li jġib l-isem ta’ Maha Bar & Grill, liema restorant jinsab  f’21/27 Bond Street Melbourne. Magħruf għal ikel ta’ fama. Sikwit ikun fuq il-programm tal-ikel mtella’ fuq Kanal 10 minn Sydney taħt it-titlu “Ready Steady Cook”. Shane dan l-aħħar kien intervistat minn Joe Axiaq tal-SBS u għall-Programm Waltzing Matilda. Ismu sikwit jidher fuq xi gazzetti lokali f’Melbourne.
 
Ħaġa li dejjem ħadt gost biha f’Shane hija li huwa kburi li hu ġej minn familja Maltija u qatt ma jixba’ jsemmi u jirrakkomanda l-ikel Malti bħall-fenek stuffat, ġbejniet, zalzett, pastizzi eçç. Mal-bieb tar-restornat tiegħu jirriklama wkoll ikel Malti bħala “Maltese Middle Eastern dining experience”.