|
L-ewwel Prim Ministru Mara tal-Awstralja |
|
| |
|
 Min
jgħid li kollox hu possibbli fil- politika ma jkunx qiegħed
jesaġera. Eżattament, dak li ġara fix-xena politika federali
fl-Awstralja ftit ta’ jiem ilu juri biċ- ċar kemm hi volatili
l-politika. Prim Ministru li għadu kemm irnexxilu joħroġ
lill-pajjiżu mill-agħar reċessjoni finanzjarja globali li qatt
rat id-dinja, safà mwarrab brutalment.
Kevin Rudd li f’Novembru 2007 rebaħ mhux biss elezzjoni Federali
għall-Partit Laburista wara 11-il sena ta’ ħakma konservativa u
qala’ barra kompletament mix-xena lil John Howard li daħħalna
fil- gwerra tal-Iraq u gwerer oħra iżda kemm dam bħal Prim
Ministru tant fixkel lill- partiti politiċi opposti li
l-Partit Liberali kellhom jibdlu il-mexxejja tagħhom
tlett darbiet (Brandon Nelson, Malcolm Turnbull u Tony
Abbott). L-eks Prim Ministru Rudd kien ukoll l-iktar Prim Ministru popolari li qatt
kellha l-Awstralja tant li sa Jannar 2009 kellu l- approvazzjoni
ta’ 63% tal-poplu.
Fil-lejl ta’ bejn 24/24 ta’ Ġunju l-mexxejja tal-Partit
Laburista ddeċidew li b’Kevin Rudd ħala mexxej mhux se jirbħu l- |
 |
 |
|
Kevin Rudd ma' Joseph
Muscat, il-mexxej Laburista Malti ftit ġimgħat ilu
f'Canberra. |
|
|
 |
|
Julie Gillard |
| |
|
elezzjoni li jmiss. B’mod l-iktar brutali
u ta’ malajr qalulu li ma għadux igawdi l- fiduċja tal-maġġoranza tal-Membri
Parlamentari.
Kellu għalhekk iċedi postu.
Floku ġiet eletta Julie Gillard ta’ 48 sena minn
Victoria li kienet id-Deputat Prim Ministru u Ministru ta’
l-Edukazzjoni. Kevin Rudd kien l-ewwel Prim Ministru fl-istorja
ta’ l- Awstralja
li tneħħa ma’ tul l-ewwel term tiegħu f’dik il-pożizzjoni.
L-elezzjonijiet federali fl-Awstralja jsiru kull tlett snin.
Wara 109 sena li n-nisa fl-Awstralja ġew mgħotija l-vot,
l-Awstralja għalhekk għandha l-ewwel Prim Ministru mara, is- 27 f’din il-kariga. Julie Gillard li hija avukata twieldet
fil-villaġġ żgħir ta’ Barry f’Wales fl-1961 u għexet hemm sakemm flimkien mal-familja tagħha
emigrat lejn l- Awstralja fl-1966. Hija magħrufa bħala mara ta’
stoffa u intelliġenti li dejjem kienet deżinjati
biex tilħaq fl-ogħla post fil-politika, forsi mhux
daqshekk malajr. |
|
Il-Prim Ministru ġdid ħabbret
ukoll li qabel l-aħħar ta’ din is-sena se ssejjaħ elezzjoni
Federali biex il-poplu jkun jista’ jagħti l-verdett tiegħu
dwarha u dwar il- Partit tagħha li kemm ilu fil-Gvern minn Novembru 2007 jidher li ħa ħafna inizjattivi
għal bidla aħjar.
Żewġ inizjattivi li jidher li naqqsu l- popolarita ta’ Rudd u
l-Gvern tiegħu kienu l-politika dwar il-bdil tal-klima u li meta
dan l-aħħar il-Gvern Laburista ħabbar li se jintroduċi s-super
tax fuq dawk li jħaddmu l-minjieri, liema taxxa ma
niżlet tajjeb xejn mal-biljunarji sidien tal- minjieri u l-Partit
Liberali/National f’dan il- pajjiż.
F’każ ta’ ftit xhur Kevin Rudd beda jnaqqas mill-popolarita’
tiegħu meta l- gazzetti u l-midja elettronika daru kontrih u
l-ikbar sinjuri fl-Awstralja ma aċċettawx ir-riforma tant
meħtieġa fis-sistema tat- taxxi biex kulħadd ikun jista’ jgawdi
mill- ġid enormi minerali li jippossedi dan il- pajjiż. |
|
|
|
| |
|
|
| |
|
|
|
|
|
|
|
|
 |
 |
|
Anthony u Doris Sammut |
|
|
|
|
| |
|
Għadhom jinħabbu daqs dak
in-nhar meta ltaqgħu ħerġin mat-talkies f’Malta fl-1935. Kien
għandhom tfal iżda meta Anthony Sammut lemaħ lil Doris
mill-ewwel induna li dik it-tfajla ta’ 14-il sena se tkun martu.
Illum fl-eta ta’ 89 sena din il-koppja minn Pascoe Vale, Stat
ta’ Victoria jiftakru u jiċċelebraw 70 sena mill-jum taż-żwieġ
tagħhom f’Ġunju 1940.
Ftit wara ż-żwieġ Anthony kellu jħalli Malta meta bħala kok ma’
l-Armata Ingliża bdiet il-gwerra. Wara l-gwerra hu emigra lejn
l-Awstralja u fl-1955 ġiet warajh il- familja. Il-familja Sammut
illum kibret u għandhom sebat itfal, 27 tfal tat-tfal u 30 tfal
tat-tfal tat-tfal. |
| |
|
|
|
|
|
|
|
|
|
|
Il-Midalja tal-Ordni ta’ l-Awstralja |
|
|
|
|
Darbtejn
fis-sena n-nazzjon Awstraljan jonora liċ-ċittadini tiegħu. Darba
fil-Jum l-Awstralja (26 ta’ Jannar) u darba oħra fl-egħluq snin
ir-Regina li fl-Awstralja niċċelebraw fil-14 ta’ Ġunju li hu
wkoll jum ta’ btala. Fil-lista ta’ unuri li tħabbru dis-sena,
tlett persuni ta’ nisel Malti ġew onorati. Il-Professur Joseph
A. Camilleri għas-servizz fir-relazzjonijiet internazzjonali
bħala skular, edukatur u kummentatur. Huwa fundatur/Direttur taċ-Centre
for Dialogue fl-Università LaTrobe f’Melbourne. Il-Professur
Camilleri hu iben Malti li trabba l-Eġittu u omm Griega.
Maria Attard Dickson minn Melbourne ġie onorata għax-xogħol
tagħha fil-qasam tal-volutarjat. Hija kienet soru mal-Grey
Sisters u ħadmet ħafna fil-qasam tal-welfare. Missierha Malti u
ommha ta’ nisel Irlandiża.
Carmelo Vincent Farrugia ta’ 82 sena mwieled il-Gżira huwa
magħruf ħafna mal-komunità Maltija ta’ South Australia għas-servizz
li ta lill-veterani permess tal-fergħa Maltija tal-RSL. Kien
ukoll President tal-Kunsill Malti ta’ SA kif ukoll President tal-Maltese
Guild ta’ l-istess Stat u f’diversi għaqdiet oħra. Dawn it-tlett
Maltin ġew onorati mill-Gvern Federali Awstraljan bil-Midalja
ta’ l-Ordni ta’ l-Awstralja (OAM). |
|
|
|
|
|
|
|
|
|
|
|
Il-Maltese
Language School ta’ NSW mhux biss tħeġġeġ lill-istudenti tagħha
biex jitgħallmu l-Malti iżda tisħaq li jridu wkoll isiru jafu
kemm jista’ jkun dwar il- kultura u l-użanzi Maltin tant li
tħeġġeġ lill-istudenti u lill-ġenituri tagħhom biex jattendu
l-attivitajiet tal-komunità Maltija.
Il-Ġimgħa l-oħra din l-iskola tal-Malti, l- ikbar waħda li hawn
fl-Awstralja organizzat ħarġa kulturali biex jaraw kif jinħadmu
l-pastizzi. Kien hemm bus mimlija li telqet minn Horsley Park
lejn Gato Pastizzi f’Carramar NSW fejn ġew mogħtija merħba
mill-propjetarju Charles Hili fejn spjegalhom fit-tul l-istorja
tan- negozju li l-familja tiegħu ilhom iħaddmu għal dawn l-aħħar
30 sena waqt li ma naqasx li jitmagħhom il-pastizzi.
Il-Propjetarju ħa lil kulħadd għal dawra mal-fabbrika żgħira
tiegħu fejn Doris Piscopo, waħda mill-ħaddiema ewlenin tiegħu wriethom kull stadju ta’ kif jinħadmu l-pastizzi. Din
kienet |
|
 |
|
Għadd ta' żgħażagħ
mill-Maltese Language School of NSW
quddiem il-fabbrika tal-pastizzi f'Sydney, |
|
|
|
|
 |
|
F'dan ir-ritratt jidhru
l-istudenti meta daħlu fil-fabbrika tal-pastizzi. |
|
|
|
esperjenza interessanti
tassew, kemm għall-kbar kif ukoll għaż-żgħar. Saru ħafna
mistoqsijiet mill-madwar 30 persuna li attendew u kulħadd deher
interessat f’dak li qed isir.
Gato’s Pastizzi jinsab f’The Horsley Drive, Carramar, u barra li
għandu ambjent ta’ ‘Coffee Shop’ komdu ħafna, għandu għall-bejgħ
ukoll varjetà kbira ta’ ikel u ħelu Malti.
Charles Hili ġie ppreżentat b’Ċertifikat u rigal mingħand
l- għalliema tal-iskola tal-Malti b’apprezzament ta’ din iż-żjara
impressjonanti.
Din mhix l-ewwel darba li l-istudenti u anke l-ġenituri tagħhom
ġew meħuda f’postijiet assoċjati mal-Maltin ta’ NSW u għalhekk
din l-iskola tgawdi popolarita’ kbira mal-Maltin u dejjem
tkompli tikber.
Għal kull tagħrif dwar il-klassijiet tal-Malti u kultura
f’Sydney ikkuntattjaw lil Maria Tel 0416 119 100. |
|
|
| |
|
|
| |
|
|
|
|
|
|
Il-vapur Asturias
għamel 18-il vjaġġ lejn l-Awstralja u bejn 1947 u 1950 u
ġarr miegħu 4,770 Malti, filwaqt li l-vapur Sorriento
bejn 1949/55 għamel għaxar vjaġġi u ġarr 3,381 Malti.
|
|
|
Bejn is-snin 1951-1970
waslu l-Awstralja 74 fil-mija tal- Maltin. |
|
|
|
|
|
Skond iċ-ċensiment
Awstraljan 2006, 153,805 persuna qalu li għandhom
antenati Maltin. Minn dawn 43,708 twieldu Malta;
għalhekk fl-Awstralja hawn 110,097 li għalkemm isejjħu
lilhom infushom Maltin iżda ma twieldux Malta.
|
|
|
|
|
|
|
|
|
|
|
Nieħdu gost jekk tibgħatuli
aħbarijiet mill-komunità biex indaħħluhom f’din il-website li
tmur mad-dinja kollha b’kalkolu ta’ madwar 2000 qarrejja
fil-ġimgħa.
Ibgħatu lil
lawdimech@optusnet.com.au |
|
|
|
|
|
Jekk trid taqra
l-artikli ta' dawn il-paġni li dehru qabel
Agħfas Hawn |
|
|
|
|
|
