Fil-gżira t’Għawdex hemm ħafna x’tara. Kull meta nżur Malta minn dawn in-naħat tad-dinja, wasla f’Għawdex hi prominenti fl- itinerarju ffullat tiegħi. F’Għawdex għandek tinnota kemm dawn in-nies huma avventurużi, kemm siefru biex fittxew il-futur u l- ġid tagħhom u ta’ uliedhom iżda fuq kollox hemm ħafna minnhom li wara xogħolhom f’pajjiżi mbiegħda reġgħu lura għall-kenn tal-Gżira tat-Tliet Għoljiet.

Bla dubju, barra li baqgħu Għawdxin ġarru lura magħhom il- memorji sbieħ tal-pajjiż li sar t-tieni art tagħhom. Tgħallmu ħafna mill-pajjiż li marru fih, jidher ukoll li ġabu lura magħhom ħafna ġid u riżorsi finanzjarji riżultat tax-xogħol u l-bżulija li wrew.

Ħsibt li l-Kummissjoni Għolja Awstraljana f’Malta minn Ta’ Xbiex fejn għandhom l-uffiċini jew ir-residenza f’San Pawl tat-Tarġa marru fil-gżira tal-Calypso. Dan ir-ritratt juri dar sabiħa f’kantuniera li fuq nett għandha l-arma (coat–of-arms) tal- Awstralja mnaqqxa fil-ġebel. L-isem tad-dar fuq sfond tal- mappa Awstraljana hu, Aussie Ville. Fuq diversi bjut ta’ din il- gżira tinnota wkoll simboli oħra ta’ l-Awstralja bħal statwi tal- ġebel tal-kangaroos fuq il-bjut. Fil-faċċata ta’ dar oħra rajt ħasira bil-mappa ta’ l-Awstralja u mill-ġdid l-annimal simbolu ta’ dan il-kontinent, prominenti. Kollox juri li ma fiha xejn ħażin li tkun tħobb u tgħożż iż-żewġ pajjiżi li tkun qattajt ħafna minn ħajtek tgħix fihom.

Dar b'ħasira bil-mappa ta’ l-Awstralja.

Id-dar bl-arma (coat-of-arms) tal-Awstralja.

L-isem tad-dar fuq sfond tal-mappa Awstraljana.

Iktar jafuh bħala l-fotografu uffiċjali ta’ Parramatta Eagles FC jew għax-xogħol volontarju tiegħu mal-Maltese Welfare (NSW) u Gosford Vision Australia iżda Lawrence Gatt, imwieled il- Birgu li flimkien ma’ martu Nathalie joqgħodu f’Umina Beach għandu delizzju ieħor, dak ta’ l-isparar bil-qaws tant li sar instructor u coach f’dan l-isports mal-Police & Community Youth Club (PCYC) ta’ Umina Beach NSW.
 
Ftit ilu, il-PCYC flimkien ma’ Vision Australia organizzaw jum hekk imsejjaħ “ComeN Try Indoor Archery” għal dawk li għandhom nuqqas ta’ vista biex juruhom attivitajiet rikreattivi li hemm f’dawn in-naħat. Kienu ħafna dawk li attendew u ndunaw

Lawrence Gatt mal-istudenti tiegħu.

Lawrence Gatt juri lil Onor Marie Andrews MP
kif tagħmel użu mill-qaws.

li  anke  jekk  għandhom  nuqqas  ta’  vista  xorta  jistgħu jieħu sehem f’dan id-delizzju. Attendew ukoll l-Onor Marie Andrews, Membru ta’ tal-Assemblea Leġislattiva u l-Membru għal Gosford flimkien mas-Sindku ta’ Gosford, Chris Holstein.
 
Lawrence Gatt qal li kien ferm sodisfatt b’dak li ra f’dan il-jum miftuħ ta’ taħriġ. “Anke dawk għomja jistgħu jipparteċipaw u jien ngħallimhom kif jisparaw bil-qaws mingħajr ma jagħmlu użu minn ħafna armar mekkaniku. L-iskop prinċipali hu li dawn ikunu jistgħu jieħdu sehem bla ħafna xkiel ma’ kompetituri normali”. Lawrence Gatt jorganizza għall-PCYC programmi dwar l-isparar bil-qaws kemm għall-anzjani u anki għaż- żgħażagħ. L-ikbar sfida tiegħu hi dik li jintegra dan it-tagħlim flimkien ma’ dawk li għandhom nuqqas normali biex jaraw.

Il-Monument Malti li hemm f'Pendle Hill NSW.