Jekk il-monument tas-Sette Giugno f’Malta tneħħa ħesrem mill-pjazza San Ġorġ u tpoġġa temporanjament fil-ġonna ta’ Hastings (magħruf sewwa mill- maħbubin) is-sinifikat storiku ta’ dak li jfakkar dan il-jum żgur ma ntilifx mal- komunità Maltija ta’ Sydney l-Awstralja.
 
Kull sena tiġi organizzata kommemoraz- zjoni impressjonanti f’Civic Park f’ Pendle Hill, is-subborg magħruf bħala l-benniena tal-komunità Maltija fl-inħawi tal-punent ta’ Sydney. F’dan il-park, il-komunità Maltija bniet il-Maltese Bi-Centennial Monument bħala tifkira tal-mitejn sena (Bicentenary) minn meta waslu l-ewwel bojod taħt il-kmand tal-Kaptan Cook u l-  ikalżrati mill-Ingilterra f’dan il-pajjiż. Mal- ħitan tal-kolonni ta’ dan il-monument, f’forma tas-salib ta’ Malta għandek isib l- istorja tal-miġja tal-Maltin f’dan il- kontinent.

Kien jum xemxi iżda xitwi meta numru mdaqqas ta’ Maltin u oħrajn inġabru madwar dan il-monument biex ifakkru il- 91 sena minn dik hekk imsejjħa r- rivoluzzjoni Maltija meta fis-7 ta’ Ġunju 1919, il-Maltin imxebba’ sa mnieħirhom bil-ħakma kolonjali u maħkuma bil-ġuħ daħlu fit-triqat tal-belt Valletta biex jipprotestaw. Is-suldati Ingliżi daħlu wkoll u ġew ordnati biex jisparaw fuq il-Maltin b’riżultat li erba’ eroj sfaw maqtula, Ġużeppi Bajada,, Manwel Attard, Wenzu Dyer u Karmenu Abela.

Kienet tifkira solenni iżda impressjonanti ferm. Il-President tal-Kunsill tal-Komunità Maltija ta’ NSW, Alfred Fenech fisser li waqt li r-rappreżentanti tal-Gvern ta’ Malta jagħtu għarfien lit-21 ta’ Settembru u l-Knisja lit-8 ta’ Settembru l-Kunsill ifakkar is-7 ta’ Ġunju bħala waħda mill- ħames festi nazzjonali ta’ Malta.

Il-vuċi tal-President tagħna l-Maltin kollha ġiet milqugħa b’entużjażżmu minn dawn preżenti u faħħru lill-Kunsill għal din l-inizjattiva. Id-diskors kommemorattiv ta’ din is-sena ġie ppreżentat tajjeb ħafna minn JoAnne Conti-Piriz li tagħmel parti mill-Maltese Language School ta’ NSW.
 
Kien hemm preżenti wkoll il-kor tal-Għaqda Kulturali Maltija li kanta  diversi  kanzunetti  bil-Malti  ferm  addattati  u  spiċċaw billi  talbu  lil  dawk  preżenti  jżommu  id f’id waqt ir-rendizzjoni tal-magħrufa  kanzunetta “Agħtini Jdejk” Il-kurunettier Eric Rizzo daqq il-Last Post waqt li Anthony D’Anastasi is-segretarju tal-RSL Maltese Sub-Branch qara talba kif għamel ukoll Fr Claude Borg. Charles Mifsud mexxa l- preżentazzjonijiet.
 
Għal din iċ-ċerimonja kien hemm preżenti l-eks Premier ta’ NSW, l-Onor Nathan Rees MP kif ukoll il-Kunsillieri ta’ Holroyd City Council, Greg Cummings, Vesset Rajadurai u Yvette Whitfield (li kienet qed tirrappreżenta lis-Sindku ta’ Holroyd City, Clr John Perry) li ma setgħax jattendi.
 
Kemm l-eks Premier u Clr Greg Cummins fid-diskors tagħhom faħħru ħafna lill-komunità Maltija fin-naħat tal-punent ta’ Sydney. Kien hemm preżenti tista’ tgħid l-għaqdiet Maltin kollha ta’ NSW ħafna minnhom bil-bandalori waqt li r- rappreżentanti tagħhom ippreżentaw fjuri f’riġlejn il-monument.
 
Kienet funzjoni tassew imqanqla li ħalliet impressjoni tajba ma’ kulħadd . Wara kien hemm ukoll riċeviment fis-sala ta’ li Scouts li tinsab fil-viċin tal-Monument. Sirna nafu wkoll li l- Kunsill jinsab f’diskussjonijiet serji ma’ l-awtoritajiet lokali biex jinbena ċentru għall-Maltin qrib dan il-monument.

Sakemm tkunu qed taqraw din il-paġna jkun ilna diġà xi sitt ijiem wiċċna mwaħħal mat-televixin ninnutaw, neżaminaw u ħafna drabi neseġeraw kif it-tim favorit tagħna se jasal biex jgħolli l-FIFA Tazza tad-Dinja, nhar it-12 ta’ Lulju f’Johannesburg. F’Malta tinsabu fil-qalba ta’ l-entuzzjażmu fejn il-futball hu parti kbira mill-ħajja tagħkom. Qatt ma rajt dilettanti daqstant preokkupati u akkaniti għal din il-logħba tal-ballun tond daqs kemm rajt Malta. F’din in-naħa tad-dinja fejn il-futball (jew soccer kif isejjħulu hawn) mhux daqstant il-fus li fuqu ddur id-dinja għax l-Australian Rules, Rugby League u Rugby Union huma ferm iktar popolari, it-Tazza tad-Dinja xorta tqajjem ħafna interess. Dis-sena it-tim Awstraljan jinsab ukoll fl-Afrika t’Isfel (sofrejna telfa kbira fl-ewwel logħba kontra l-Ġermanja). L- Awstraljani kienu hemm ukoll fil-Ġermanja erba’ snin ilu. Iżda qabel il-Ġermanja 2006, l-Awstralja kienet ilha nieqsa mit- Tazza tad-Dinja għal 32 sena sħaħ.

Niftakar sewwa meta l-Awstralja lagħbet kontra l-Italja fl-2006 għax kont Malta. Tlifna b’penalti ta’ Totti fis-90 minuta, li kien ferm dubjuż u l-Italja spiċċaw biex finalment rebħu t-tazza Jules Riment.  Kieku l-Awstralja rebħet lil Italja dak in-nhar tas-