Kont donni drajt il-bogħod mix-xena politika Awstraljana. Iżda mal-wasla lura ġejt wiċċ imbwiċċ mal-baġit importanti li l-Gvern Federali Laburista ppreżenta l- ġimgħa l-oħra. Il-baġits dejjem huma importanti iżda dan kien it-tielet u l-aħħar wieħed tat-Teżorier Wayne Swan qabel l- elezzjoni Federali. Wasal ukoll fi żmien meta l-popolarità tal-Gvern u anke tal-Prim Ministru Kevin Rudd ħadu daqqa ‘l isfel wara li kienu laħqu livell ferm għoli ta’ popolarità.

It-Teżorier fakkarna li l-ekonomija Awstraljana hija miraklu. Huwa qal li l- pajjiżi żviluppati għandu jkollhom għira għall-mod kif inhi mmexxija l-ekonomija Awstraljana li fis-sena li ġejja mistennija li toħloq 250,000 post tax-xogħol ġdid u tikber b’rata ta’ 4% sas-sena 2011.
 
Dan il-kalkolu huwa bbażat fuq it-talba kontinwa miċ-Ċina u l-Indja, iż-żewġ pajjiżi li qed jikbru b’rata mgħaġġla għat- talba tal-minerali essenzjali li għandha l- Awstralja,. Iżda iktar minn hekk, it- Teżorier bassar li l-baġit federali se jerġa’ lura u jirreġistra bilanċ sas-sena 2012-13 jiġifieri tlett snin qabel ma kien ippjanat wara l-kriżi globali li laqtet id-dinja.
 
Il-Gvern fil-fatt ippreżenta baġit li jista’ jiġi msejjaħ   ta’   “dwejjaq”  tant  li  għamilha

ekonomija qawwija u l-iktar stabbili. Dak li ħabbarna jirrifletti l-pożizzjoni qawwija li ninsabu fiha” qal Wayne Swan.

Il-figura ta’ nies bla xogħol mistennija tonqos għal 5% sa sentejn oħra iżda l- Gvern ħabbar li se jnaqqas l-infieq fl- iskemi li kien implementa biex jikkumbatti il-biża tar-reċessjoni globali li kienet qed tattakka wkoll lill-Awstralja. Il- baġit xorta qed juri li għad hemm $40.8 biljun dejn.
 
Iżda kull ma offra l-Gvern Laburista jiddependi ħafna fuq it-taxxa ġdida li ħabbar, l-hekk imsejjħa “40% super resources rent tax” li mistenni jdaħħal fil- kaxxa tal-Gvern madwar $12-il biljun sas- snin 2013 u 2014. Ma hemmx dubju li din it-taxxa se tiġi opposta b’qawwa kbira mill-barunijiet li jmexxu il-minjieri minn fejn ħiereġ il-ġid ta’ dan il-pajjiż u minn naħat simili li dejjem jaraw biss kemm se jaqilgħu profitt. Barra minn dan, u kif kien mistenni, l-Oppożizzjoni Konservattiva mhux qed tapprova din it-taxxa b’konsegwenza li hemm possibbiltà’ li jkun hemm diffikultajiet kbar biex din it- taxxa tiġi approvata mis-Senat fejn il- Laburisti ma għandhomx maġġoranza. L- istorja tfakkarna kemm is-Senat Awstraljan dejjem kien ta’ xkiel enormi għall-Partit Laburista.

Il-belt ta’ Melbourne hija magħrufa għal ħafna affarijiet sbieħ u anki inqas sbieħ. Belt moderna, sabiħa u kosmopolitani fejn hemm jgħixu l-ikbar numru ta’ Maltin. Iżda bħal kull belt oħra mondjali nsibu wkoll dawk l-istejjer li ftit jagħmlulha unur. L-isem ta’ Carl Williams ta’ 39 sena dejjem hu assoċjat mal-kriminalità tal-belt ta’ Melbourne, magħruf aħjar bħala identità ewlenija ta’ underworld. Instab ħati li qatel erba’ persuni u mibgħut 35 sena ħabs fis-sena 2007. L- istorja dwar ħajtu kienet saret mini-serial fuq it-TV bl-isem ta’ Underbelly. F’April li għadda huwa ġie maqtul f’Barwon Prison, ħabs ta’ sigurtà massima f’Melbourne minn żewġ ħabsin sħabu, b’daqqiet fuq rasu b’oġġett iebes.

Din il-gwerra bejn il-barunijiet tad-droga kienet ilha sejra s-snin u ġew maqtula brutalment b’kollox tletin persuna. F’dawn il-battalji magħrufa aħjar bħala gang wars kien jissemmew ismijiet Maltin.   Il-mara   ta’   Carl  Williams  hija

Maltija, xebba kien kunjomha Mercieca. Carl Williams jingħad li kellu x’jaqsam fil- qtil ta’ Mark Mallia li nstab f’tank taż- żibel, maħruq qrib il-grawnd tal-George Cross FC. Maltija oħra bil-kunjom ta’ Vella baqgħet tissemma’ li kienet tmur iżur lil Carl Williams il-ħabs. Fil-qtil li magħruf li kkommetta Carl Williams speċjalment fejn tidħol il-familja Moran hemm kompliċi ukoll ċertu Michael Farrugia.
 
Il-funeral ta’ Carl Williams kien spettaklu u sar fil-parroċċa ta’ Santa Teresa fis- subborg ta’ Essendon fejn issir il-festa ta’ San Gejtanu. Il-kappillan għal dawn l- aħħar 13-il sena hu Malti, Fr Bill Attard.
 
It-tebut li ndifen fih Carl kien maħdum mid-deheb u l-bronż, stamat li qam madwar $50,000. Roberta, il-mara ta’ Carl qabel ma ndifen innotat li s-salib tad-deheb li kien hemm fuq it-tebut sparixxa barra l-knisja. Issa qiegħed jingħad   li   l-qabar   li  fih  indifen  dan  l-

It-tebut ta' Carl Williams

Roberta Williams