Il-ħajja mimlija problemi u diffikultajiet li jolqtu lil kulħadd. Għadna dritt nippretendu li l-Gvernijiet li nelegu għandhom jagħmlulna ħajjitna iktar faċli u fejn hu possibbli jtaffulna l-ħafna diffikultajiet li joħolqu huma stess kaġun ta’ burokrazija żejda jew aħjar nuqqas ta’ sens komun u prattikalita’.
 
Ħafna mill-ismijiet tagħna l-Maltin, almenu fi żminijiet mgħoddija kienu sempliċi u kważi kollha assoċjati ma’ xi qaddis jew qaddisa. Daż-żmien x’aktarx nieħdu l-ismijiet tat-tfal tagħna minn xi programm tat-televixin jew minn xi magazine. Spiċċaw il-familji fejn Joe, Mary, Maria u Karmenu kienu l-popolari u aċċettati. Niftakar sewwa meta l- kappillan ma kienx jaċċetta ismijiet jekk ma jkunux relatati ma’ xi isem ta’ qaddis jew qaddisa.

Fl-antik ukoll meta Malta kienet italjanizzata, ħafna mill-ismijiet kienu jitniżżlu fid-dokument tat-twelid miktuba la Taljana. Per eżempju ismi ġie mniżżell bħala Lorenzo, imbagħad sirt Wenzu. Meta emigrajt lejn l-Awstralja malajr sirt Laurie u Lawrence. Waħda mill-ħafna diffikultajiet li nħabbtu wiċċna magħhom f’dan il-pajjiż meta niġu biex napplikaw għall-passport Malti, la issa għandna wkoll ċittadinanza doppja hija dwar dawk l-ismijiet li jinbidlu minħabba neċessità.
 
L-awtoritajiet Maltin jinsistu li l-isem fuq il-passaport Malti għandu jkun eżatt dak u kif ġie miktub fiċ-ċertifikat tat-twelid. Din ir-regola sintendi tapplika wkoll għal dawk iċ-ċittadini Maltin li jgħixu f’pajjiż barra minn Malta u kellhom jirranġaw xi ftit isimhom biex ikunu jistgħu jintegraw aħjar fil-komunitajiet fejn jgħixu illum, fejn ilhom jgħixu għal dawn l-aħħar 20-50 sena u fejn il-lingwa hija differenti.

Iltqajt ma ħafna każi fl-Awstralja fejn Evaristu sar Christopher. Serafino sar Sam, Celeste, Karmenu, Carmel sar Charles u anke Lino. Ġużeppe sar Joe jew Joseph, Ġannmari sar Jim jew James, Leone sar Leo.

Xi ngħidu mbagħad għan-nisa? Dolores saret  Doris,  Lorenza  saret Lorranie jew

Laura, Marialina saret Marlene, Vincenza saret Vivian u każijiet oħra simili. Dan it- tibdiliet ma sarx b’kapriċ f’ambjent Awstraljan iżda sar għal bżonn, speċjalment lura fil-ħamsinijiet u s- sittinijiet meta l-multikulturaliżmu ftit kien moda.
 
Biex l-affari titħabbel iżjed, l-awtoritajiet Awstraljani jaċċettaw evidenza ċara u li saħħet tul iż-żmien li ismek minn Dolores sar Doris jew minn Ġużeppe sar Joseph. Ma hemmx dħul fil-Qorti jew tibdil ta’ l-isem uffiċjalment. Jistgħu wkoll joħorġulek passaport jew ċertifikat ta’ ċittadinanza Awstraljan bl-isem li int magħruf bih fl-Awstralja. Sens komun u prattikalita’ tirbaħ fuq burokrazija stretta u inflessibilita’.

Jiġri għalhekk. per eżempju li fuq il- passaport Malti jkollha Dolores Gatt u fuq il-passaport Awstralja jkollha Doris Gatt. Meta jkun hemm bżonn taż-żewġ passaporti jinqala’ ħafna tfixkiel Niftakar każ li ġara fil-preżenza tiegħi fl-ajruport ta’ Malta meta mara li kellha żewġ passaporti b’ismijiet ta’ Dolores u Doris kellha inkwiet kbir biex ħallewha titla’ għax qalulha li mhix l-“istess persuna”.
 
Jista’ jkun hemm każijiet fejn għalkemm l-isem tal-passaport joħroġ bl-isem Dolores iżda fuq il-paġna ta’ ġewwa jkun hemm li “magħrufa wkoll bħal Doris”. Dan f’ħafna każijiet jgħin u jnaqqas id- diffikultajiet iżda mhux f’kull ajruport, speċjalment daż-żmienijiet fejn kollox isir b’iktar reqqa anzi f’xi ajruporti dan joħloq iktar suspett.

Naħseb li wasal iż-żmien li l-awtoritajiet Maltin jifhmu aħjar li ħafna eluf ta’ ċittadini Maltin ma jgħixux iżjed f’Malta. Niftakru li hemm Malta Akbar ‘l hinn mix-xtut Maltin. Nifhem li għad hemm argumenti legali fejn l-ismijiet kif inkitbu oriġinalment għandhom jiġu ppreservati minħabba xi wirt ecc iżda dawn huma każijiet ferm iktar rarissmu mill-isem fuq il-passaport li jiġi mitlub spiss.

Tkun ħaġa aħjar jekk l-isem li bih sirt magħruf bih għal ħafna snin u li tiegħu għandek  evidenza  qawwija  (dejjem  fejn

Għadd ta' persuni  nġabru fil- Parramatta Bowling Club biex jagħtu l- aħħar tislima lil Annamaria Bonnici li wara biss sentejn irriżenjat mill-kariga ta’ Konslu Ġenerali f’NSW biex tibda karriera oħra fi Brussell ma’ EU. Il-laqgħa kienet organizzata mill-Kunsill ta’ Komunità Maltija u għaliha ġie ukoll apposta minn Canberra l-Kummissarju Għoli Francis Tabone. Kien mistieden Charles Sultana, l-assistant Kummissarju Għoli li wkoll se jħalli Canberra għaċ-Ċina iżda dan ma setgħax jattendi.
 
L-Onor John Aquilina tkellem dwar ix- xogħol siewi li wettqet din il-Konslu Ġenerali speċjalment l-attentati tagħna maż-żgħażagħ. Tkellmu oħrajn ukoll u kollha kellhom tifħir għax-xogħol tagħha fost il-komunità Maltija. Il-Kummissarju Għoli Tabone qal li s-servizz li tat fl-aħħar sentejn kien mill-aħjar.
 
Fl-aħħar Annamaria Bonnici rringrazzjat lil kulħadd għall-ko-operazzjoni li rċeviet mill-komunità  Maltija u spjegat li għażlet