Il-familja Għawdxija bil-laqam tal-Lingi huma magħrufa għall- konnessjonijiet tagħhom ma’ l-industrija ta’ l-ikel u l-ospitalità. Mill-gżira t’Għawdex ġew ukoll l-Awstralja fejn rajna lil Joe (it- tifel tal-Lingi) u martu Miriam Portelli jiftħu l-Valletta Café fil- qalba kummerċjali ta’ Sydney liema restaurant tant kien sar popolari mal-Maltin.

Minn dan il-lokal, Joe u Miriam ħadu restaurant li jispeċjalizza fil-ħut fin-naħat ta’ The Spit Mosman fejn issa dan waqa’ taħt id-direzzjoni ta’ Miriam. L-entużjażmu ta’ Joe Portelli biex ikompli jaħdem fil-qasam li jispeċjalizza fih bħala pasterie cook ħadu  f’Melbourne  fejn  flimkien  ma’  Michael Apap akkwistaw

Joe Portelli ma' oħrajn fuq ġewwa

Il-faċċata tal-ħanut Melita Pastries

f’idejhom, minn Ottubru 2009 il-ħanut Melita Pastries li jinsab f’216 Main Road St Albans Victoria, Tel: 9367 1981. Joe qalli li xorta se jkomplu jaħdmu u jqassmu l-pastizzi u ravjul taħt l- isem ta’ Falzon & Sons. Barra dan Michael Apap se jkompli jaħdem il-qaq ta’ l-għasel, biskuttini tal-lewż, galletti u mqaret li tant kien magħruf għalihom mill-ħanut Melita Pastries li issa jinsab miftuħ għall-Maltin kollha ta’ Melbourne.

Il-fama tal-Lingi hija biżżejjed biex dawn il-prodotti jkomplu jiġu maħduma mill-aqwa ingredjenti u produzzjoni ta’ l-ogħla kwalità.

Charles Mifsud

Konslu-Ġenerali l-ġdid iżżewweġ lil Anna Maria fl-1980 u għandhom tifel ta’ 26 sena, Bernard Charles.

Il-magħruf kantant Robert Galea ma’ għandux seminarista. F’ċerimonja mpressjonanti fil-Katidral tal-Qalb ta’ Ġesù f’Bendigo, Victoria mimli b’madwar elf persuna, Robert ġie ordnat Djaknu mill-Isqof Malti ta’ Sandhurst, Mons Joseph Angelo Grech mgħejun minn madwar 50 saċerdot. Għal din l- okkażjoni ġew apposta minn Malta, Anne u Paul il-ġenituri ta’ Robert kif ukoll l-evanġelista Dr John Bonnici Mallia. Attendew ħafna qraba u ħbieb fosthom minn Sydney, il-koppja ta’ Alec u Carmen Exton u Joe u Carmen Zammit.
 
Il-Prim Ċelebrat Mons Grech fl-omelija tiegħu tkellem dwar id- dmir li għandu d-djaknu lejn il-liturġija li jwassal il-messaġġ tal- Mulej, jassisti u jgħin fis-servizz tal-Ewkaristija u jservi lil dawk li jkollhom bżonn l-għajnuna tiegħu.

Anna u Paul, il-ġenituri tad-Djaknu Robert Galea

Robert Galea flimkien mal-Isqof ta' Sandhurst, Mons Joseph A. Grech

Id-djaknu Galea qalilna li wara seba’ snin formazzjoni issa baqalu madwar sentejn oħra qabel jirritorna f’Malta u jkompli l- istudji tiegħu fl-Università. Sa dan it-tant se jservi fil-parroċċi ta’ Kerang u Benalla f’Country Victoria. Mistenni li jsir saċerdot f’Ottubru 2010.
 
Id-djaknu Robert Galea għandu don speċjali tal-kant u kien wieħed mill-ewlenin fil-World Youth Day 08 meta kanta mas- soprano Maltija Amelia Farrugia quddiem il-Papa Benedittu. Huwa rrekordja diversi cd u jekk tridu aktar informazzjoni idħlu f’Robert Galea the Blog. The Singing Deacon aċċetta stedina biex ikanta fil-Quiet Achievers - Night of Recognition f’Annunciation Hall (St Dominics Hostel) Blacktown, nhar l- Erbgħa, 24 ta’ Marzu 2010.

Tony Abbot MP ġie maħtur Kap tal- Partit Liberali fl-Awstralja flok Malcolm Turnbull wara li nqalet kwistjoni kbira dwar l-Emission Trading Scheme fi ħdan il-partiti konservattivi.
 
Fix-xena Statali ta’ NSW. Nathan Rees li kien għadu 15-il xahar biss kap tal-Gvern Laburista f’NSW ġie mwarrab biex issa għandna lil Kristina Keneally (Twieldet l- Amerika u ilha tgħix l-Awstralja 15-il sena), l-ewwel mara Premier ta’ NSW.
 
Mela, f’dan l-iStat issa għandna Gvernatur, Premier, Deputat Premier u Lord Mayor tal-Belt ta’ Sydney kollha nisa. Il-Premier ta’ Queensland ukoll hija mara waqt li l-Gvernatur Ġenerali u d- Deputat Prim Ministru huma nisa wkoll.

Kristina Keneally

Tony Abbot MP