Fis-sala taċ-Ċentru Malti f’Parkville fil- Vittorja ftit ilu saret l-għotja ta’ Boroż ta’ Studju lill-istudenti li qegħdin jistudjaw il- Malti fl-iskola tal-VSL ġewwa Taylors Lakes jew fil-klassijiet taċ-Ċentru Malti ta’ Parkville. Din il-lejla ġiet organizzata għas-sitt sena mill-kumitat tal-Għaqda Storika Maltija tal-Vittorja. L-għan ta’ din il-lejla huwa li l-istudenti jiġu mħeġġa biex ikomplu jistudjaw il- Malti u jżommu ħajja l-lingwa u l-kultura Maltija f’dan il- pajjiż.
 
Din is-sena l-istudenti li ġew ippremjati huma; Mill-VSL f’livell primarju, Christine Stellini talli ġiet l-ewwel fil-klassi, Zachariah Attard talli wera titjib fil-lingwa.
 
Mill-VSL f’livell sekondarju, Roberta Lia talli ġiet l-ewwel fil-klassi, Elaine Calleja talli wriet titjib fil-lingwa. Mill-klassijiet tal- MCCV, Bernadette Bezzina u Peter Magee ġew mogħtija kotba fuq Malta bħala apprezzament u inkoraġġiment biex ikomplu jitgħallmu l-Malti.
 
Il-President tal-Għaqda Storika Maltija Frances  Bonnici ferħet lil dawn l- istudenti   u    rringrazzjat    lill-isponsors

Il-fergħa Maltin tal-RSL fil-Jum Annwali ta’ Tifkira organizzaw quddiesa u servizz speċjali fil-kappella tal-MSSP f’De Piro House, 19 Stanley Street, East Sydney, bħala qima u tifkira għall-dawk li mietu fis-servizz ta’ pajjiżna. Inqraw l-ismijiet li l-Fergħa Maltija irnexxielha tiġbor ta' dawk il-Maltin li servew fis-servizz tul il- gwerer u li ħallew din id-dinja. Kien hemm lista ta' 29 persuna u kollha kellhom qraba u ħbieb li attendew għall- quddiesa.
 
Fost dawk li ssemmew li mietu in action kien hemm iż-żewġ Maltin li mietu fuq l- HMAS Sydney, wieħed li miet fuq il-kanuni waqt l-air raids fuq Malta u wieħed li għereq fil-Battle of Crete. Fil-lista kien hemm Maltin mis-servizzi kollha, l-army, in-navy u l-Air Force. Wieħed minn dawn kien it-tabib Paul Boffa li kien Prim Ministru ta' Malta u jiġi z-ziju tat-tabib Ġorġ    Boffa    li    kien   preżenti   għall- quddiesa.

trumbetta. B'hekk spiċċat iċ-ċerimonja ta' tifkira mis-Sub Branch.

Qabel ma bdiet il-quddiesa, Alfred Fenech li mexxa din iċ-ċerimonja fakkar li aħna bħala Kattoliċi u bħala Maltin nitolbu għall-mejtin tagħna fix-xahar ta' Novembru.

Il-quddiesa offriha Fr Tarcisju Micallef, MSSP akkumpanjat minn Fr Alfred Cachia. Fil-priedka qasira u effettiva tiegħu, Fr Tarcisju qal li aħna għandna nagħtu lil Alla għal inqas siegħa kull ġimgħa meta nisimgħu il-quddies. Il-qari saru mill-Onor John Aquilina, Joe Ebejer u Cynthia Duca.

Hawn il-president tas-Sub Branch, Charles Mifsud, għamel appell għal aktar membri u semma li jekk is-Sub Branch ma jkollux membri biżżejjed ikollu jagħlaq u l-Maltin ma jkunux jistgħu jimmarċjaw bħala Maltin fl-ANZAC Day. Alfred Fenech spiċċa billi rringrazzja lil dawk li taw sehem f''din iċ-ċerimonja u quddiesa b'mod partikolari lil Fr Tarcisju, lill-membri tas-Sub Branch u lil Eric Rizzo.

Wara l-quddiesa kulħadd kien mistieden għal kikkra tè w kafè, ippreparati minn dawk li jgħinu kull ġimgħa fil-kappella.

Wara li l-Maltese Welfare (NSW) organizza lejla ta’ tagħrif dwar il-kura ta’ l-għajnejn f’Lulju 2009 fi Greystanes NSW ġew mitluba biex ixerdu din l-informazzjoni f’naħa oħra ta’ Sydney fejn hemm gruppi ta’ Maltin. Lawrence u Nathalie Gatt, membri tal-Maltese Welfare żaru l-grupp tal-Maltin li jiltaqgħu f’Belcombe Heights (Baulkham Hills) u anke żaru l-grupp li jiltaqa’ f’La Valette Centre fi Blacktown immexxi minn Josephine Bigeni.
 
Il-kelliema ħadu magħhom materjal utli li għandhom l-Vision Australia biex ikunu jistgħu jispjegaw aħjar il-kura ta’ l-għajnejn speċjalment lil dawn li jbatu minn nuqqas ta’ vista. Fiż-żewġ gruppi kien hemm ħafna interess u saru mistoqsijiet addattati. Il-fatt li d-diskorsi saru bil-Malti kienu ta’ għajnuna wkoll. Il- kelliema ħadu l-opportunità li jitkellmu fuq ix-xogħol li qegħdin jagħmlu l-Maltese Welfare (NSW) u fakkru fil-Quiet Achiever Night of Recognition li għandu jsir fil-24 ta’ Marzu 2010 fl- Annunciation Hall Blacktown. Il-kelliema osservaw ukoll il-mod professjonali li dawn iż-żewġ gruppi (day care) qed jiġu mmexxija.

Kien iħobb ħafna lil San Gejtanu u kburi bil-Ħamrun, il-belt li twieled fih F’Melbourne kien wieħed mill-iktar membri ħabrieka ta’ kumitat tal-Għaqda San Gejtanu. John Chetcuti ma kienx joqgħod bogħod minni fin-naħat ta’ dak li aħna l- Ħamruniżi l-antiki nsejħu mix-xatba l-isfel jiġifieri lejn ir-Radio City u l-Blata-il-Bajda.
 
Twieled fit-3 ta’ Marzu 1938 u miet fil-4 ta’ Novembru 2009. Ħalla warajh lil martu Helen u it-tfal tagħhom Michael, Paul (mejjet) Monica, Ann u Tanja, it-tfal tat-tfal tagħhom u ħafna qraba u ħbieb.

F’Malta kien attiv ħafna fl-iscouts tal-Ħamrun fejn sar ħabib ma’ Gejtu Deguara l- President ta’ l-Għaqda San Gejtanu ta’ Melbourne. F’dawn l-aħħar tlett snin kien il- kaxxier ta’ din il-għaqda. Kien ukoll gowkiper ta’ fama u lagħab anke fl-ewwel divizzjoni mal-Ħamrun Spartans. John beda l-karriera tiegħu mal-Ħamrun Eagles u l- Minors ta’ l-iSpartans. F’Melbourne lagħab ukoll mal-Croatia FC. Kien fanatku fuq il- logħba tas-snooker. Fil-funeral tiegħu attendew ħafna nies fosthom eks plejers tal- Ħamrun Spartans. Lil John Chetcuti nsellmulu u nibqgħu niftakruh bħala persuna dħulija b ‘personalità mimlija entużjażmu. RIP.