Minħabba li kelli impenji oħra ma stajtx nattendi l-Konferenza li saret fil- belt ta’ Adelaide organizzata mill- Federazzjoni tal-Maltese Language School fl-Awstralja. Din fil-fatt kienet it-tieni konferenza ġenerali għax l-ewwel waħda inawgurali għall-għalliema u l- amministraturi tal-iskejjel tal-Malti fl- Awstralja kienet saret f’Canberra f’Ottubru 2008. Il-post magħżul għal din il-konferenza kien iċ-Ċentru tal-Maltese Guild fis-subborg ta’ Beverley, ftit il- bogħod mill-belt ta’ Adelaide. Akkwistajt rapport u ħadt xi punti minnu għal din il- paġna.

Id-delegati attendew għal-Lejla Maltija fiċ- Ċentru tal-Maltese Guild ta’ SA fejn kien hemm preżenti ukoll numru kbir ta’ nies membri tal-komunità Maltija f’Adelaide.

Ħadu sehem numru sabiħ ta’ studenti tal- Iskola tal-Malti ta’ Adelaide. Dawn qraw u kantaw ħafna poeżiji u rakkonti ħelwin bil-Malti li ġabu nostalġija lil dawk kollha preżenti li kienu jitgħallmu l-istess rakkonti fi tfulithom f’Malta.
 
Kien hemm ukoll programm sabiħ ferm mill-Maltese Queen of Victories Band li tassew taw pjaċir lil kullħadd bil-marċi ferrieħa li daqqgħu. Din il-banda kienet tikkonsisti f’numru sabiħ ta’ tfal u żgħażagħ flimkien ma’ dawk li ilhom mal-banda mill-bidu tagħha, 27 sena ilu.

Il-konferenza annwali kompliet s-Sibt b’laqgħa ġenerali immexxija mill- President tal-Federation of Maltese Language Schools, Frank Scicluna. Wara introduzzjoni mid-delegati kollha preżenti mill-istati ta’ South Australia, New South Wales, Australian Capital Territory, Mackay u Western Australia, inqara messaġġ mibgħut mill- Kummissarju Għoli għall-Malta fl- Awstralja, l-ET Francis Tabone.
 
F’dan il-messaġġ li ġie moqri mis-Sur John Farrugia, Viċi Konslu Onorarju f’SA, issemma’ l-bżonn li ngħarfu l-importanza li nżommu ħaj it-tagħlim tal-lingwa Maltija fl-Awstralja u l-intoppi li l-iskejjel jiffaċċjaw biex iżommu l-klassijiet b’konkorrenza soda ta’ studenti Maltin- Awstraljani.  Huwa  qal  ukoll  li hu d- dmir tal-komunità  li  dejjem  tħajjar  iktar

Kif għidtilkom fil-qosor il-ġimgħa l-oħra, l-aħbar li Sam E. Vella OAM ingħażel biex ikun wieħed mill-isportivi li isimhom jiġi mfakkar fil-Football Hall of Fame fl-Awstralja ma kienet ta’ l-ebda sorpriża għalija għax jien ħdimt għal ħafna snin ma’ dan il-Malti fil-qasam amministrattiv speċjalment fejn jidħol il-maħbub klabb tagħna l-Melita Eagles. Sam E. Vella fejn tidhol l-amministrazzjoni sportiva ħaqqu kull unur. Dan l- aħħar premju kien, kif jgħidu l-Ingliżi icing on the cake speċjalment meta issa rtira minħabba saħħtu.

Ħadt gost ukoll li The Maltese Herald ġabet l-aħbar fl-ewwel faċċata għax b’hekk ukoll il-Maltin fl-Awstralja jkunu jistgħu japprezzaw ix-xogħol utli li wettaq dan il-Malti li kien totalment dedikat fil-missjoni tiegħu biex jara lill-Melita Eagles fost l-aqwa timijiet fl-Awstralja liema missjoni tiegħu nistgħu ngħidu li twettqet għax kontra klabbijiet kbar oħra u minn komunitajiet etniċi ferm iktar minnha għadna ħajjin u dejjem joħorġu b’xi akkwist kbir u ġdid kemm jekk kienet l-għaqda tagħhom mal-Manchester Utd, mal-PCYC u issa mal-konsorzju qawwi, Mondial FC. Dan biss juri l- qawwa u reputazzjoni immensa li għandu dan il-klabb. Din żgur li ġiet għax nies bħal Sam E. Vella kienu fit-tmun.

Sam E. Vella mhux biss mal-Maltin għamel isem iżda ggradwa bħala amministratur ħabrieki meta sar membru tal-board ta’ NSW Soccer Federation, membru għal għomru u membru tal-eżekuttiv tan-National League of Australia u kumitat oħra fl- isfera tas-soccer ġenerali.

Sam E Vella twieled Ħaż-Żabbar f’Novembru 1932 u wasal l-Awstralja ta’ 15-il sena ma’ l-SS Strathnaver. Miżżewweġ lil Myrtle u għandhom ħames it-tfal. Min jaqra din il-website isib ktibt fit-tul dwar dan il-Malti fil-5 ta’ Ottubru 2009. Sam E. Vella se jkun ukoll fit-tieni edizzjoni tal-ktieb tiegħi “Telqu għal għonq it-triq” li jkun lest għall-aħħar ta’ din is-sena.