Insejħulhom b’ħafna ismijiet, Min jgħidilhom klandestini, minn jgħidilhom immigranti illegali, refuġjati u oħrajn laqqmuhom nies ta’ fuq id-dgħajjes. Xejn ma jimporta kif insibuhom. Dan il- fenomenu ta’ miljuni ta’ nies li jridu jfittxu futur aħjar għalihom u għal uliedhom qiegħed ikun ta’ wġigħ ta’ ras għal ħafna mill-pajjiżi tad-dinja daqs kemm kienet is-sabta għal mewt li ħadet l-ekonomija Amerikana ma’ l-aħħar żminijiet tal- presidenza ta’ George W. Bush.

Hekk kif dawn l-imsejkna nies jitfaċċaw fl-orizzont fuq inġenji tal-baħar li waslu fl- aħħar żminijiet tagħhom, ikunu ġejjin minn fejn ikunu ġejjin jitfgħuk f’diversi diffikultajiet. X’se tagħmel bihom? Ma nistgħux naċċettaw l-għajta anti-kristjana ta’ xi wħud li b’sobgħa kbira nisamgħuh spiss jgħidu “Sparaw fuqhom, ħallihom jegħrqu”.

Mhux hekk, għax barra l-obbligazzjonijiet morali u umanitarji, kull pajjiż għadu ukoll obbligazzjonijiet internazzjonali. Wara kollox, jekk neżaminaw minn fejn huma ġejjin dawn l-izfortunati nsibu li t-tort hu, ħafna drabi tal-pajjiżi sinjuri li wara li selħu u sfruttaw ir-risorsi ta’ pajjiżi żgħar ħallew lill-istess poplu fil-faqar, f’disperazzjoni u mingħajr tama għall- futur. Ħallew, f’kelma waħda dinja sproporzjonata bejn il-pajjiżi sinjuri u dawk foqra, f’ħafna każijiet faqar tal- waħx.

Malta bħala l-Awstralja hija gżira u mdawwra b’dawn il-pajjiżi li huma mikula bil-faqar. Ħafna drabi wkoll issir deċiżjoni biex xi pajjiż jew ieħor jiġi invadut, jiftħulu l-kanuni fuqu jew ixewwxu xi rvellijiet b’riżultat li jwassal biex eluf mill-poplu li jsofri barra il-faqar il-kruha tal-gwerra, ikun irid jaħrab lejn dawk il-pajjiżi fejn jaħseb li jista’ jsib il-ħobż u s-sigurtà.
 
Il-problema tal-immigranti illegali, għax ma nistgħux insejħulhom refuġjati qabel ma jiġu pproċessati skond ir-regoli aċċettati mill-UN mhix waħda li tista’ tiġi rimedjata minn pajjiż wieħed waħdu. Hija l-istess bħar-reċessjoni riċenti. Fenomenu globali li jrid soluzzjoni globali kkordinata.

Il-Gvern Awstraljan f’dawn l-aħħar xhur interċetta ħafna vapuretti illegali, u xeħithom lejn Christmas Island, post isolat ħdejn Western Australia li qam $400 miljun.. F’dan iċ-ċentru li jakkomoda biss 1200 diġà hemm madwar   900   persuna.  Tant  qed  jaslu

Waħda mill-iktar għaqdiet li qed turi progress f’kull qasam u dejjem tikber hi l- Maltese Bowlers Social Group (NSW). Dan l-aħħar kellhom il-Laqgħa Ġenerali Annwali fejn jidher li l-kumitat ftit kellu taqlib. Dan jawgura tajjeb għall-futur. Il- President reġa’ ġie elett Victor Fenech waqt li s-segretarju Tony Pace-Feraud u l-Kaxxier John Sciberras ukoll żammew posthom. Membri oħra eletti kienu: Bowls Organiser: Lina Role, Social organiser: Mary Nicholson, PRO Mary Pace-Feraud, Membri oħra Michael Vassallo u Paul Sammut. Fir-ritratt mix- xellug fuq jidhru: Lina Role’, Mary Nicholson, Mary Pace-Feraud, Paul Sammut. Taħt mix-xellug jidhru: Joe Micallef, Victor Fenech, Tony Pace Feraud u John Sciberras.

140 sena ilu twieled Mahatma Gandhi li d-dinja saret tikkunsidrah bħala simbolu tal-Paċi. Il-Gandhi Peace Centre ftit ilu kellhom okkażjoni biex ifakkru lil dan l-iStatista quddiem it-Town Hall ta’ Parramatta (NSW). Ħabat ukoll l- International Day of Non-Violance kif iddikjarat  mill-UN.  Kien  hemm wirja sħiħ dwar ix-xogħol ta’ studenti dwar il- ħajja ta’ Gandhi. Attendew ħafna rappreżentanti tal-komunitajiet etniċi fost il-Maltin. Erba’ Maltin, Eddie Busuttil, Maria DeCarlo, Nancy Borg-Serg u Mark Caruana rċevew ċertifikat għax xogħol tagħhom fil-komunità u ż-żamma tal- paċi.

Il-kantant Joe Galea rrappreżenta lill- Maltin ukoll billi kanta għadd ta’ kanzunetti fosthom “The Maltese Centenary Song”. L-okkażjoni attrattat għadd mhux ħażin ta’ nies kif ukoll Kunsillieri, is-Segretarju Parlamentari għall-Affarijiet Multikulturali, Laurie Ferguson u Anthony Roberts MP.