Għas-sittax il-sena nfila reġgħet ġiet organizzata l-Maltese Elderly Thanksgiving Day, dis-sena fir-Red Gum Function Centre ta’ Wentworthville. Il-kumitat li jinkludi fih 12-il mara li jieħdu ħsieb din l-attività annwali taħt id-direzzjoni ta’ Sister Maryann Grima ħaqqhom prosit u nkuraġġiment għax irnexxilhom mhux biss jipprovdu ġurnata ta’ talb u divertiment iżda li jiġbru ħafna mill-anzjani tagħna li jgħixu fid-Djar tax-Xjuħ (Aged Care Facilities) jew huma attivi f’Respite Day Care Centres u Active Senior Groups u jġibuhom għal dan il-jum speċjali.
 
Kien hemm preżenti madwar 250 persuna. L-attività bdiet b’quddiesa minn Fr Mario Zammit MSSP minn Horsley Park fejn dan tkellem dwar is-sena tas-saċerdoti u r-rwol importanti li

Il-kumitat ta’ voluntieri li jorganizzaw il-Maltese Elderly Thanksgiving Day. Sister Maryann tidher fuq quddiem fuq il-lemin
flimkien ma’ Vanna Zammit.

Fir-ritratt jidhru t-tlett l-ixjaħ persuni preżenti, mix-xellug Mary Ann Mallia 92 sena, Josephine Stafrace 92 sena u John Scerri 94 sena.

dawn għad għandhom fil-ħajja tal-Maltin. Wara tkellem Dr George Boffa li huwa l-patrun ta’ din l-attività kif ukoll l-Onor John Aquilina. It-tnejn faħħru l-organizzaturi. Wara kien hemm anke l-kajk ta’ okkażjoni li ġie maqtugħ mill-ixjaħ tlett persuni preżenti Dawn kienu Mary Ann Mallia, Josephine Stafrace u John Scerri li flimkien għandhom 278 sena.
 
Wara ġie servut l-ikel waqt li fuq il-palk rajna liż-żgħażagħ mill-La Danse Studios, Cheekly Charlie, Tony Fenech u Ronnie Borg u sintendi lil Adam Scicluna li bil-kant addattat għall- okkażjoni tassew ferraħ lil dawk preżenti. Victor Vella kien il- preżentatur u għamel xogħol tassew tajjeb u żamm kollox miexi ħarir.

L-Għaqda Kulturali Maltija ta’ NSW niedew serje ta’ lagħqat interessanti fejn qegħdin jintroduċu l-ibliet u l-irħula Maltin. Jidher li dawn il-laqgħat qegħdin ikunu tassew popolari għax għal darba oħra s-sala tal-laqgħat tal-knisja ta’ Greystanes NSW kienet mimlija meta din id-darba l-fokus kien fuq ir-raħal tant popolari tal- Mellieħa.
 
Il-kelliemi ewlieni sintendi kien il-kittieb u għalliem Victor Vella li hu Mellieħi magħruf li żejjen it-taħdita tiegħu b’ħafna slides. Huwa ta’ tagħrif siewi dwar il-Mellieħa kemm ta’ l-imgħoddi kif ukoll ir-raħal tal-lum li sar tant popolari anke mat-turisti. Dan ma setgħax jonqos għax f’dan ir-raħal għandna s-Santwarju tal-Madonna, veduti mill- isbaħ u sintendi l-Bajja ta’ l-Għadira.
 
Il-lejla kienet imżewwqa wkoll bill-kanta tal-kor ta’ l-Għaqda u fl-aħħar kien hemm film dwar Malta. Nittamaw li l-Għaqda tkompli tiffoka fuq l-ibliet u rħula ta’ Malta permess ta’ dawn il-laqgħat popolari. L-ewwel żewġt laqgħat f’din is-sensiela kienu dwar Attard u Birkirkara.

Victor Vella

Ftit nikteb minn dawn il-kolonni dwar il-futbol għalkemm jien attiv ħafna f’dan il- qasam  u  għal  dawn  l-aħħar  52  sena  reliġjożament appoġġjajt lil Melita Eagles. Il-futbol jew soccer kif jgħidulu fl-Awstralja għadu ferm popolari mal-Maltin speċjalment f’Melbourne fejn għandna żewġ timijiet fil-Premier League, il-Green Gully u l-George Cross.

F’Sydney għandna tim wieħed li nistgħu ngħidu li hu assoċjat mal-Maltin, dak li qabel kien Parramatta Melita Eagles u llum jilgħabu taħt l-isem ta’ PCYC Parramatta Eagles. L-assoċjazzjoni bejn PCYC (Police & Community Youth Clubs) u Parramatta Melita Eagles għal dawn l-aħħar tlett staġuni żammet lit-tim Malti fil-quċċata u għall-aħħar żewġ staġuni spiċċaw darbtejn it-tieni fil-klassifika u daħlu darbtejn wkoll fil-Grand Finali iżda tilfu wkoll darbtejn wara xulxin.
 
Ftit ilu kellhom ukoll il-Presentation Night li għaliha attendew madwar 350 persuni. Il- veteran plejer Malti, Ben Delicata li ilu mat-timijiet tal-Melita minn mindu kellu 13-il sena ġie ppremjat għas-servizz twil tiegħu.

F’dan l-aħħar staġun Parramatta Eagles rebħu wkoll il-Club Championship mhux biss tal-kbar iżda wkoll tal-Juniors. Jidher li għall-istaġun 2010 il-parteċipazzjoni tal-PCYC

Jidhru dawk l-attendew fil-Presentation Night tal-Parramatta Eagles FC f'Lidcombe NSW.

Ben Delicata

se tonqos iżda l-klabb irnexxilu jakkwista appoġġ sħiħ minn konsorzju qawwi f’NSW li se jiżgura l-futur għal madwar ħames snin oħra.
 
Ħadna gost ukoll naraw li fil-grand final ta’ dan l-istaġun li saret f’ CUA Stadium f’Penrith attendew numru kbir ta’ Maltin u rajna għadd sabiħ ta’ partitarji antiki lura jappoġġjaw il-“Melita”.

F”dan ir-ritratt jidhru l-grupp ta’ Maltin li attendew din il-konferenza. Mix-xelluq fuq, Tanya Hemmingway, Maria De Carlo, George Bartolo, Pauline O’Brien, Marthese Caruana, Albert Vella (President NSW FCLS), Cecilia Borg, Antoinette Mascari. Fuq quddiem mix-xellug: Mary Pace- Feraud, Frida Borg, Rhonda Bastow, Charles Galea, Frances Duca, Jane Borg u Anne Cuschieri.