|
|
|
Jum l-Indipendenza f’Canberra |
|
| |
|
 Ħareġ jum mill-aqwa u
t-temp fil-belt kapitali għen ferm biex Jum
l- Indipendenza tiġi ċċelebrat f’Canberra, il-belt
kapitali ta’ l-Awstralja fejn jiltaqgħu r-rappreżentanti
diplomatiċi ta’ kważi l- pajjiżi kollha tad-dinja.
Għal din l-okkażjoni annwali li jorganizza l- Kummissarju
Għoli għal Malta fl- Awstralja attendew barra
d-diplomatiċi, Membri tal-Parlament, uffiċjali għolja
tal- Gvern Awstraljan u għadd mhux ħażin ta’ Maltin
mill-ACT u oħrajn li vvjaġġaw minn diversi Stati ta’
l-Awstralja. Kienet okkażjoni xierqa u ta’ unur
lill-Malta fejn kulħadd tħallat u anke xorob għad-unur
tar-Repubblika tagħna l-Maltin.
Saru s-soliti tislimiet liż-żewġ pajjiżi u ndaqqu l-innijiet
nazzjonali minn kwartet mużikali preżenti. Imbagħad
smajna diskors qasir iżda mqanqal minn Francis Tabone.
Barra li ta merħba lil dawk li attendew qal li
l-okkażjoni kienet iktar minn waħda għax barra li qegħdin niċċelebraw il-45 anniversarju ta’ l- Indipendenza
qegħdin niftakru wkoll it-35 sena meta sirna Repubblika
u ħames snin minn meta dħalna fl-Unjoni Ewropea. |
|
Qatt ma ntqal li din
kienet il-festa nazzjonali għalkemm l-okkażjoni ma
kellhiex bżonn ta’ timbru.
Il-Kummissarju Għoli Tabone fakkar li għalkemm ir-relazzjonijiet
diplomatiċi ma’ l-Awstralja bdew formalment wara
l- Indipendenza fl-1964, ir-relazzjonijiet bejn iż-żewġ
pajjiżi jmorru lura 180 sena meta wasal fl-Awstralja
l-ewwel settler Malti. Fl-1883 mbagħad bdew jaslu
l-ħaddiema Maltin fl-għelieqi tal-kannamieli fi
Queensland ta’ Fuq.
L-emigrazzjoni minn Malta kompliet qal il-Kummissarju
Għoli u żvolġiet ferm iktar meta l-Malti sar attiv
fin-negozju, politika, trejdunjon u oqsma oħra hekk kif
irnexxilu jintegra b’abbiltà taħt ċirkostanzi
differenti.
Huwa qal li tul is-snin ir-relazzjoni bejn Malta u
l-Awstralja kompliet tissaħħaħ fil-kamp politiku għax
hemm mira komuni u valuri u interessi simili. “Hija
relazzjoni” kompla l-Kummissarju Għoli "magħġuna b’rabta
soda bejn il-familji għax tista’ tgħid li ma hemmx
familja f’Malta li ma għandhiex xi rabta ma’
l-Awstralja. Kemm Malta u l-Awstralja għandhom l- |
|
 |
 |
|
Dehra ta' uħud minn dawk li
attendew |
|
|
 |
|
Il-Kummissarju Għoli Francis
Tabone jidher flimkien ma' Colin Hill, id-direttur tal-Protocol
u l-Ambaxxatur tal-Messiku u d-Dekan tal-Korp Diplomatiku,
Martha Ortiz De Rosas |
| |
|
istess aspirazzjonijiet fejn
tidħol is- sigurtà, prosperità u paċi u ż-żewġ pajjiżi ħadmu id f’id f’istituzzjonijiet multinazzjonali fi ħdan il-Commonwealth
u n-Nazzjonijiet Magħquda u kkoperaw f’ħafna inizjattivi. Ma
hemmx dubju” spiċċa s-Sur Tabone “li din il-kollaborazzjoni se
tkompli”.
F’Jum l-Indipendenza, il-Canberra Times ippublikat żewġ faċċati
bil-kulur ta’ interess u mimlija informazzjoni dwar Malta. Dan
is-supplement kien possibbli bl-għajnuna ta diversi negozjanti
Malti li ħallsu għar-riklami li għamlu.
Ir-riċeviment f’Jum l-Indipendenza, fir- residenza privata tal-Kummissarju
Għoli f’Melbourne Avenue Deakin ACT kienet ukoll sponsorjata
minn ditta f’Western Australia, Austal Ships li ftit ilu bnew
għal Virtu Ferries vapuri li qegħdin jiġu wżati bejn Malta u
Sqallija li qamu $100 miljun u rebħu kuntratt ieħor biex jibnu
erba’ patrol boats għall-Armata ta’ Malta li qamu $18.5 miljun. |
|
|
| |
|
|
| |
|
Tislima lil Sam E. Vella OAM |
|
| |
|
F’dawn
l-aħħar ġimgħat kellna laqgħa importanti imma ta’
nostalġija meta wieħed mill-kolonni tal-komunità Maltija
f’NSW iddeċieda li jwarrab minħabba saħħtu. Sam E. Vella
kien ilu kaxxier tal- Maltese Community Council ta’ għal
dawn l-aħħar 28 sena sħaħ. Iżda Sammy, kif jafu kulħadd
kien iktar minn hekk. Kien jieħu ħsieb il-finanzi tal-Maltese
Language Schools of NSW u kien membru attiva tal-kumitat
li mexxa l- iskola għal dawn l-aħħar 11-il sena. Kien
ukoll imexxi, bħala ko-ordinatur il- programm tar-radju
tal-komunità 2GLF FM 89.3 sponserjat mill-Kunsill tal-
Komunità Maltija wara li kien ilu xandar għal ħafna snin
ukoll.
Sam E. Vella kien ukoll il-leħen tal- isports fuq
l-programm ta’ l-SBS Radio fejn kellu segment regolari u
dan kien ilu jxandru regulari s-snin liema segment kien
ferm popolari u informattiv.
Ma nistgħax infisser fid-dettall kollu x- xogħol ta’
Sammy f’din il-kolonna għax il- kontribut
tiegħu f’dawn l-aħħar sitta u ħamsin sena tant kien
qawwi li trid spazju ferm itwal minn dawn il-kolonni
biex tfissru. Bla dubju huwa
magħdud |
|
bħala “an
elder statesman” jew kif isibuh ħafna
fil-qasam tas-soccer bħala Mr Melita”
Fil-qasam tas-soccer Malti, Sam E. Vella ma għandux min jispikka iktar minnu. Kien wieħed mill-fundaturi tal-
Melita SC fl-1953 u imbagħad meta saret l-amalgamazzjoni
mal-Malta Eagles fl- 1956. Baqa’ mhux biss attiv iżda
serva bħal Tim Manger, Segretarju u anke President
fl-istorja glorjuża tal-Melita Eagles FC wieħed l-akbar
klabb sportivi li qatt kellna f’NSW.
Sam E Vella ġie onorat mill-Gvern Federali Awstralja
bl-OAM f'Jannar 1995, għax-xogħol utli tiegħu fil-qasam
tas- soccer.
Kien għalhekk xieraq li fil-Laqgħa Ġenerali Annwali tal-Maltese
Community Council ta’ NSW, Sam E. Vella, fil- preżenza
ta’ martu Myrle u ibnu Alan jiġi mogħti għarfien u ringrazzjament sinċier mhux biss mid-delegati iżda minn
diversi membri oħra tal-komunità preżenti li tant
japprezzaw ix-xogħol volontarju ta’ dan il- Malti
fil-komunità tagħna tul dawn l-aħħar 56 sena. |
|
 |
 |
|
Sam Vella jidher it-tielet fuq
quddiem mix-xellug flimkien mal-membri li attendew il-laqgħa.
Fl-istess filliera fuq ix-xellug fl-ewwel siġġu tidher Josephine
Borg. |
|
|
 |
|
Sam E. Vella OAM |
| |
|
Sam E. Vella kien kommoss
ħafna u deher għadu mimli bis-saħħa meta tkellem biex
jirringrazzja lil dawk kollha li bħalu u miegħu mexxew
il-komunità Maltija.
Kellu diversi skossi f’saħħtu li waqfulu l- enerġija,
id-determinazzjoni u l-mod metakuluż li bih kien dejjem imexxi
iżda b’dan kollox dak li għamel mhux faċli li jintesa.
Jistħoqqlu għalhekk li jistrieħ u jikkonċentra l-kumplament ta’
ħajtu mdawwar bil-familja tiegħu u l-ħafna ħbieb li għamel tul
ix-xogħol volontarju li dejjem spikka fih.
Fl-istess laqgħa ġenerali rtirat ukoll Josephine Borg li kienet
ilha segretarja għal dawn l-aħħar tlett snin. Hija qdiet dmirha
u kienet rispettata mill-għaqdiet kollha tax-xogħol siewi li
wettqet. Hija ġiet mogħtija ringrazzjament xieraq. Josephine
tgħallmet il-Malti fil-livell ta’ HSC mill-Maltese Language
School ta’ Horsley Park u minn hemm tħajret tkun attiva
fil-komunità Maltija. |
|
|
| |
|
|
| |
|
|
| |
|
Bħal
ma jsir kull sena l-patrijiet ta’ l-Ordni Missjunarja ta’ San
Pawl jorganizzaw dimostrazzjoni ta’ fidi fil-Katidral ta’ Santa
Maria fil-qalba tal-belt ta’ Sydney fl-okkażjoni tat-twelid tal-Verġni
Maria u l-Festa Nazzjonali tat-8 ta’ Settembru. Fil-Katidral
kien hemm folla mdaqqsa u hija xhieda tal-fidi qawwija ta’
l-emigranti Maltin li f’din il-laqgħa annwali jkunu hemm l-ikbar
għadd ta’ Maltin f’post wieħed. Ikun tajjeb jekk iktar żgħażagħ
jibdew jattendu għal din il-“festa”
nazzjonali. Fl-aħħar
wkoll nirranġaw l-inkonvenjenzi li jinqalghu bla bżonn kull sena
fil-postijiet suppost riservati. Fr Tarcisju Micallef għamel l-omelija tal-okkażjoni.
Għadd ta’ għaqdiet Maltin ippreżentaw l-istandardi tagħhom waqt
il-purċissjoni li ssir madwar in-navi tal-Katidral bl-istatwa
ta’ Maria Bambina. |
| |
|
|
| |
|
|
| |
|
Il-Konsulat
Ġenerali ta’ Malta f’NSW issa daħal wkoll fil-qasam ta’
l-attivitajiet s-soltu riservat għal xi għaqda komunitarja meta
f’dawn l-aħħar tnax il- xahar organizzaw żewġ laqgħat għaż- żgħażagħ
l-aħħar waħda kienet fil- Pastizzi Café’ fi Crown Street Darlinghurst fejn ġew servuti pastizzi, qassatat u timpana..
Jidher li kien hemm atmosfera ta’ ħbiberija fejn dawn iż- żgħażagħ
ġew imħeġġa biex ikunu jafu iktar dwar l-Assedju tal-1565.
Il-Konslu Ġenerali, Annamaria Bonnici ħeġġet biex min irid
jattendi jikkomunika magħha. |
|
|
 |
|
Xi wħud minn dawk li attendew
għall-ikla pastizzi |
|
|
| |
|
|
| |
|
|
| |
|
Kull
sena il-Maltese Past Pupils ta’ Dons Bosco jorganizzaw Ballu
Gala għall-karità li dis-sena sar fil- Mediterranean House
f’Five Dock .
Bħas-soltu dan il-ballu jżomm livell għoli u kulħadd joħroġ
sodisfatt f’lejla mhux biss ta’ divertiment iżda waħda li jafu
li l- profitt se jmur kollu għall-karità.
Skond ma kien hemm miktub fuq il-programm pulit li jagħtu lil
kull min jattendi jidher li din l-għaqda, sat-30 ta’ Ġunju 2009
ġabru u qassmu $414,289 lill-karità kemm f’Malta u f’naħat oħra
tad- dinja missjunarja.
Għal dan il-ballu dis-sena attendew il-Kummissarju Għoli,
Francis Tabone u l- Onor John Aquilina MP u martu Ann. |
|
|
 |
|
Fuq quddiem, Alfred Fenech,
Il-Kummissarju Għoli Francis Tabone u Marlene Grech.
Fuq wara: Fr Carmelo Sciberras, Marlene Dimech, John u Ann
Aquilina, Lino Vella,
Lawrence Dimech, Josephine Galea, u Victor Grech |
|
|
|
|
|
|
|
|
|
One TV jitlef programm utli |
|
|
|
|
|
|
|
|
|
|
|
|
Nieħdu gost jekk tibgħatuli
aħbarijiet mill-komunità biex indaħħluhom f’din il-website li
tmur mad-dinja kollha b’kalkolu ta’ madwar 1500 qarrejja
fil-ġimgħa.
Ibgħatu lil
lawdimech@optusnet.com.au |
|
|
|
|
|
Jekk trid taqra
l-artikli ta' dawn il-paġni li dehru qabel
Agħfas Hawn |
|
|
|
|
|
|
|
